la ellah ela allah
rabena ye3awad 3alik
رقم العضوية : 96
تاريخ التسجيل : 23Apr2007
المشاركات : 73
النوع : ذكر
الاقامة : القاهرة الجديدة - التجمع الثالث
السيارة: Nubira
السيارة[2]: Leganza
الحالة :
باختصار سأروي لكم خلاصة تجربتي المريرة ومعاناتي مع اسبيرانزا 516 -1600cc حتى تم بيعها والحمد لله ،هذا ليس للنقد ولكن للاستفادة وأخذ العبرة لمن يريد :
(سيارتي كانت موديل 2007 وعملت بها 20000كم ولونها ،Sky grey- سيارتي السابقة كانت نوبيرا 2003 أوتوماتيك)
1) بداية استلام السيارة المكيف كان لا يعمل ودواسة البنزين بتقطع، تم ضبطهم بصعوبه وبعد عده زيارات للتوكيل وعده خناقات أيضا.
2) العفشة ناشفة جدا وتحس بكل زلطة في الطريق وتسمع أصوات غريبة وانت بتلف يمين أو شمال حتى بعد تعديل العفشة .
3) سحبها ضعيف جدا خاصة عند تشغيل التكييف وياسلام لو كنت محمل معاك ناس في العربية وطالع كبري في عز الظهر (فضيـــــــــــــــحة)، وحتلاقي في الأحوال العادية والله بلا مبالغة الـ 128 بتسبقك في الطلعة وكذلك جميع السيارات الـ 1300 والـ 1600 طبعا ، وموضوع انها 117 حصان وانها 147 نيوتن ده كلام فاضي وكذب عن تجربة وهي من واقع التجارب تقدر تقول انها فعليا 90 حصان ، 130 نيوتن/م
4) في المطبات وما أكثرها تسمع صوت طقطقة قدام ولما المطب ييجي وره تسمع نفس الصوت ورا وهو صوت ثابت في المطبات ومنتظم. (سوف تتعود عليه).
5) صفارة الفرامل وخاصة عندما تسخن الطنابير تحس انك ماشي بصفارة ممتازة تغنيك عن أي كلاكس (أيضا فضيحة)، نوعية التيل سيئ جدا بياكل الطنابير ، وكذلك نوعية الطنابير سيئة جدا - الطنابير اتاكلت بعد 20الف كيلو - طبعا خارج الضمان.
6) التابلوه بدأ يتقوس ويقب من الشمس ولسة العربية ما كملتش سنة !!
7) الباغة الخاصة بالكلاكس في الدركسيون غير حساسة وأحيانا بتعلق ونوعيتها رديئة .
8) الدوكو الخاص بالسيارة خفيف جدا لو عملتوا بأظافرك حيطلع علطول والاكصدام الأمامي والخلفي بدأوا في التقشير بعد الشهر الأول!!
9) صوت المارشدير عالي جدا (أيضا فضيحة ) الفتيس بيعض في المارشدير حتى بعد ضبطه في التوكيل ( لكن حتتعود عليه)
10) عيب قوي جدا في تصميم الموتور وأنه مقلوب ستجد الهيدرز الخاصة بالشكمان والفرن تم وضعهم إلى الداخل ناحية السائق والتابلوه وليس إلى الخارج كما هو الحال في جميع السيارات الأخرى المحترمة (فهل هذا اختراع جديد ؟) مما يسبب دخول حرارة الشكمان إلى الداخل ودليل ذلك حط يدك على الكاسيت بعد السير لفترة طويلة حتلاقيه مولع وسخن جدا ، انا كنت مركب صفارة انذار في الموتور ساحت واضطررت لتغييرها من سخونة الموتور ، فحركة قلب الموتور سيئة جدا وفكرة فاشلة تضر بالسيارة على المدى البعيد.
11) سماعات الكاسيت الأمامية كانت لا تعمل وتم ضبطها في توكيل كلاريون (السيارة زيرو !!!)
12) التوكيل وما أدراك ما التوكيل المعاملة الفعلية سيئة جدا جدا جدا ، لا تنخدع بالابتسامة وحضرتك ويا افندم وتحت أمرك ... ، انا عايز واحد يشتمنى بس يصلحلي العيوب اللي رايح عشانها مش بعد ما أحجز قبلها بأسبوعين وأروح وأضيع يوم كامل وأدفع مبلغ لا بأس به أرجع البيت بنفس العيوب !!!! (ضحك على الذقون)
13) أسعار الصيانة غالية صيانة 10000كم 300 جنيه - صيانة 20000كم - 700 جنيه ولدي ايصالات دفع بذلك ،طبعا كتير جدا غير اللي كنت بأدفعه في الزيارات اللي في النص مع المعاناه مع حضرتك وتحت أمرك يا فندم والكلام الفارغ ده والنتيجة ولا حاجة.
14) سنتر الباب الخلفي يمين لا يعمل وذهبت للتوكيل 3 مرات دون جدوى السنتر مش موجود حاليا ياا فندم على مدى شهرين !!!!
15) يوجد حدفة يمين لوجود عيب في الشاسيه باعتراف التوكيل وكثير من مالكيها سواء شعروا بها أو لم يشعروا وليس لها حل .
عموما هذا ما أذكره وهذه تجربتي الشخصية لمن يريد أن يستفيد ، والحمد لله بعت العربية وخلصت منها واشتريت الآن دايو ليجانزا مو 2001 أوتوماتيك وهي الحمد لله زي الفل وربنا يبارك فيها .
وتقييم نهائي للسيارة أعطيها 60% وقد تكون جيده لمن كان لديه قبلها 128 - سيات 133 – فيات 127- 125 أو شي من هذا القبيل مع احترامي الكامل لجميع السيارات السابقة ، وهي تصلح أكثر للسيدات وللاستخدام الخفيف غير كده للأسف مش حتنفع واللي حياخدها حيفكر يبيعها بعد أسبوع من شرائها .
اللهم قد بلغت اللهم فاشهد - نصيحة خالصة لوجه الله
أي استفسار انا جاهز 0123498224 م/ خالد جمال -
ملاحظة السيارة اتباعت بـ 60000جنيه ولو جابت أقل من كده كنت حأبيعها برضه.
[ سبحان الله و بحمده سبحان الله العظيم ]
>>> م/خالد جمال صادق <<<
رقم العضوية : 14840
تاريخ التسجيل : 16Jul2008
المشاركات : 429
النوع : ذكر
الاقامة : Egypt
السيارة: Toyota Corolla
السيارة[2]: Skoda Octavia 2009
الحالة :
la ellah ela allah
rabena ye3awad 3alik
رقم العضوية : 5976
تاريخ التسجيل : 18Feb2008
المشاركات : 288
النوع : ذكر
الاقامة : الهرم
السيارة: اسبرنزا
السيارة[2]: 128
الحالة :
على فكرة كل الكلام الى انت بتقولوة صح 100 فى 100 لانى عانيت من نفس التجربة بس انا كان ازيد شوية و الموضوع فى اللينك دة بردو لمن اراد ان يعتبر وعلى فكرة انا كنت 2007 وبعت ب 58000 بالعافية
http://www.nilemotors.net/Nile/showt...CD%C7%CF%CB%C9
رقم العضوية : 20140
تاريخ التسجيل : 25Sep2008
المشاركات : 6,879
النوع : ذكر
الاقامة : Cairo
السيارة: مافيش عربيه تانيه!!
السيارة[2]: ميجان
دراجة بخارية: عجله شوبر
الحالة :
انا موش بحب الدايو خالص بس موش مصدق يبقى عنك نوبيرا الواسعه الاتوماتيك و تجيب اسبرانزا
قدر الله و ماشاء فعل
انا موش عارف ليه مصريين يبيعوا لينا اسوأ الاصناف باغلى الاسعار
مصر هتفضل غالية عليا
-------------------------------
الديك الحلبي هايفضل يدن لغاية ما يتدبح
رقم العضوية : 25
تاريخ التسجيل : 17Apr2007
المشاركات : 3,360
النوع : ذكر
الاقامة : cairo
السيارة: na
السيارة[2]: lanos
دراجة بخارية: no
الحالة :
شكرا ياباشا على التحذير
بس دة موضوع حضرتك عملتة من سنة كاملة
ودة لينك الموضوع
http://www.nilemotors.net/Nile/showthread.php?t=9173
اية الجديد اللى حصل عشان تعيدة تانى؟
ملاحظة: انا مش مالك للعربية بس الصراحة بفكر فيها خصوصا بعد تاكيد ناس كتير ان 2009 غير عربيات 2006 و 2007
وان مباش خلاص فى اى مشاكل تافيل فى العربية
رقم العضوية : 4801
تاريخ التسجيل : 23Jan2008
المشاركات : 490
النوع : ذكر
الاقامة : Cairo
السيارة: n/a
السيارة[2]: Optra
دراجة بخارية: لا
الحالة :
thanks man for these info ...... actually I am not surprised
رقم العضوية : 21375
تاريخ التسجيل : 07Oct2008
المشاركات : 701
النوع : ذكر
الاقامة : القاهرة
السيارة: Logan
السيارة[2]: swift
دراجة بخارية: no
الحالة :
شكرا على النصيحة
لكن ليه الغلط فى 128
ومش عارف ليه كل واحد يقولك هى احسن من 128
خلتونى اشعر انى راكب عجله مش عربية
على العموم هى احسن من المواصلات
ما علينا ممكن حضرتك تقولى رأيك فى النوبيرا اللى كانت عندك
رقم العضوية : 3195
تاريخ التسجيل : 14Nov2007
المشاركات : 2,838
الحالة :
انا حاسة انى قريت الموضوع دة قبل كدة والله اعلم
عموما شكرا على النصيحة
[SIZE="2"]i'll miss everyone[/SIZE]
رقم العضوية : 3308
تاريخ التسجيل : 19Nov2007
المشاركات : 547
النوع : ذكر
الاقامة : Egypt
السيارة: only one
السيارة[2]: Car
دراجة بخارية: non
الحالة :
يا جماعة ال 128 عربية ترحم من ازمة المواصلات وليست سيئة للدرجة الراجل ما قصدش كده
هو بس بيحذر
والعاقل لا يلدغ
سبحان الله وبحمده عدد خلقه ورضا نفسه وزنة عرشة ومداد كلماته
-------------------------
د. محمد السعدنى
رقم العضوية : 2630
تاريخ التسجيل : 15Oct2007
المشاركات : 273
النوع : ذكر
الاقامة : الأسكندرية
السيارة: YARIS
السيارة[2]: TIIDA
دراجة بخارية: no
الحالة :
يا عم هشام
الى اكتر الناس ماتعرفهوش ان 128 كانت فى وقت من الأوقات و لفترة طويلة جدا ( اكتر من 25 سنه ) احلى و اجمل و اشيك عربية فى مصر و عليها الطلب و مكانش بينافسها فى الشعبية من الماركات التانية الا البيجو ، لغاية اوساط التسعينات لما ظهرت العربيات المستوردة زى الهوينداى و بعدها الدايو ، كان الفارق بينهم هو وجود التكييف و شوية كماليات ، رغم كده العربية موجودة لغاية دلوقتى ( يعنى داخلين على الأربعين سنه ) و ليها شعبية و ليها سعر .
المثل بيقول ( حمارتك العارجة تغنيك عن سؤال اللئيم )
لا اله الا انت سبحانك انى كنت من الظالمين
المفضلات