لو مكاني تختار ايه؟!

**eng.m7md.ali** · 12-08-2014 06:55 PM

المشاركة الأصلية كتبت بواسطة hesham fawzy h

ابعد عن البونتو خالص
كنت عايز اجيبها و كل الناس قالتلى بلاش
قطع غيار غالية جدا ومشاكلها كتيييير خصوصا لو اوتوماتك
نصيحة بلاش بونتو خالص

المشكلة في السمع والناس بتفتي وخلاص ياباشا

بس ان جيت للحق واحد صاحبي معاه الكلاسيك موديل 2011 فيها حاجات غريبة والطارة بتعمل لوك لوحدها وهو ماشي وقطع غيارها فعلاً غالية واعتمادية زي الزفت ده العربية جابت مساعدين خلفي ودنجل بالجلب بتاعته في سنتين بس .. من غير حوادث
ودلوقتي محتاجة تغير جوان غطا التكيهات عشان بيسرب زيت والعربية لسة عاملة 60 الف تقريباً

المشاركة الأصلية كتبت بواسطة hesham fawzy h

الجين 2 ، بتاعت استخدام شخص واحد ، الاحسن تكووووون المالك الاول ( زيرو يعنى )
و ربنا يوفقك فى اختيارك

المشكلة ان اخري 80-85 الف .. وحتى لو معايا فلوس الزيرو حرام ادفعهم في عربية زيرو دلوقتي بعد الاسعار المبالغ فيها دي

**medo-312** · 13-08-2014 02:36 AM

صنى 2014 ..

وحشة ماتجبهاش ..

**Omar Mahmoud** · 13-08-2014 06:39 PM

المشاركة الأصلية كتبت بواسطة Omar Mahmoud

انا اصلا مكنتش مقتنع إن الجين 2 تاخد 3/5 في ride&handling و ال14 version بتوع البونتو ياخدوا 2/5
لكن في الperformance الفيات واخدة 4/5 و البروتون واخدة 3/5.
بردو الكلام ده انا جايبه من الreview بتاع كل عربية من what car.

الجين 2 في الperformance واخدة 2/5 إنما الباقي صحيح
انا اسف كتبتها غلط

**dreslam** · 13-08-2014 06:52 PM

انا رايي السوبارو وكل واحد حر في قرارو :)

**eng.m7md.ali** · 14-08-2014 03:02 AM

المشاركة الأصلية كتبت بواسطة medo-312

صنى 2014 ..

وحشة ماتجبهاش ..

منك انت تبقى احلى عربية ياكبير

المشاركة الأصلية كتبت بواسطة dreslam

انا رايي السوبارو وكل واحد حر في قرارو :)

السوبارو حلوة بس ........ الحالة

**Ahmed Saad** · 14-08-2014 04:21 AM

بص انا كنت في حيرتك من سنه وكنت هموت علي السوبارو وشفت كذا واحده ولاقيت واحده كانت زيرو بس نزلت ادور علي محلات لقطع الغيار ملاقيتش غير واحد في شارع دمشق كلها ومدورتش في التوفيقيه والحرفيين هما اتنين ولا حاجه شغالين فيها يعني المشكله مش هتبقي قطع غاليه لا المشكله ان قطع غيار السوبارو قليله جدا مقارنه باي عربيه تانيه والسوبارو الجديد اللي قطع غياره موجوده في التوكيل فبصراحه اخر مازهقت ركبت باسات موديل 2000 هي موديل قديم شويه بس الماني والالماني مش بيعجز ومش بيكبر طالما منتظم في صيانته عموما هوا افضلهم في الصيانه وقطع الغيار البروتون وممكن تشوف الواجا ركبتها مع واحد صاحبي عجبتني اوي وعربيه صاجها محمل وقوي هي كانت 2006 موتور ميتسوبيشي مش كامبرو وكابوتها نازل حته منه علي الشبكه زي الصقر بصراحه عربيه محترمه اوي وثباتها عالي جدا وواسعه وعائليه وربنا يكرمك بالافضل

**eng.m7md.ali** · 14-08-2014 01:12 PM

المشاركة الأصلية كتبت بواسطة hitmangate

بص انا كنت في حيرتك من سنه وكنت هموت علي السوبارو وشفت كذا واحده ولاقيت واحده كانت زيرو بس نزلت ادور علي محلات لقطع الغيار ملاقيتش غير واحد في شارع دمشق كلها ومدورتش في التوفيقيه والحرفيين هما اتنين ولا حاجه شغالين فيها يعني المشكله مش هتبقي قطع غاليه لا المشكله ان قطع غيار السوبارو قليله جدا مقارنه باي عربيه تانيه والسوبارو الجديد اللي قطع غياره موجوده في التوكيل فبصراحه اخر مازهقت ركبت باسات موديل 2000 هي موديل قديم شويه بس الماني والالماني مش بيعجز ومش بيكبر طالما منتظم في صيانته عموما هوا افضلهم في الصيانه وقطع الغيار البروتون وممكن تشوف الواجا ركبتها مع واحد صاحبي عجبتني اوي وعربيه صاجها محمل وقوي هي كانت 2006 موتور ميتسوبيشي مش كامبرو وكابوتها نازل حته منه علي الشبكه زي الصقر بصراحه عربيه محترمه اوي وثباتها عالي جدا وواسعه وعائليه وربنا يكرمك بالافضل

2 من صحابي معاهم اودي a4 موديل 95-98 وهيا نسخة طبق الاصل من الباسات 2000 بصراحة محترمين جداً وقطع غيارها رخيصة ومتوفرة كتير وولاد خالتي شغالين فيها في الحرفيين هيا والفولكس فاجن كلها

مشكلة الواجا انها كانت معايا هيا فعلاً عربية محترمة بس زي ماتقول عواجيزي شوية وبردو مش لاقي حالات منها كويسة في السوق ودورت كتير على النت .. اسعارها عادية لكن الحالة هيا اللي بتفرق