العفو يا باشا علي ايه
و اللي انت عملته عين العقل
انت كده ماسك العصايه من النص
ألف مبروك يا أستاذ هاني علي العربية الجديدة ونورت عيلة الأسود,, :tumb:
أنا مبسوط أن أنبطاعك عن العربية أيجابي كدا, وأنك مستريح فيها وهيا فعلاً من وجهة نظري برضه أفضل عربية في الفئة السعرية دي في السوق علي الراحة والأداء والكماليات اللي فيها يعني تستاهل كل قرش يدفع فيها
ربنا يبارك لك فيها يارب ويديما نعمة.
مبروك عليك
اختيار موفق
واحدة فعلا من العربيات القليلة اللي تستحق تمنها .. هي و ال 316
و في رأيي هي افضل من ال 316 في شياكة الصالون و الراحة في وضعية الركوب و النعومة على الطريق
الله يبارك في حضرتك
وشرف ليا الانضمام لعيلة الاسود
والعربيه فعلا تستاهل اكتر من تمنها مقارنة بالمنافسين
ومش فاهم التوكيل ليه مش عايز يعمل لها تست درايف ؟!!!
لو عملوا كده انا واثق ان مبيعاتها هتزيد جامد بالرغم انها تعتبر منتشره و هتقلل مبيعات ماركات تانيه
الف مبروك
ومفاجأه وحشه ان حضرتك بتقول ان التوكيل مش عامل تست درايف دا أنا كنت هروح الصبح وأشوف موضوع التست درايف دا في توكيل صلاح سالم
مبروك مره تانيه
تحياتي
الله يبارك فيك
انا بالمناسبه كنت حجزتها من غير ما اسوقها نهائي خدتها كده على السمعه و اتيحت لي الفرصه اني سقتها لمدة ٥ دقايق قبل الاستلام
بس عايز اقولك كل ما اسوقها و اخد عليها بلقاها اكتر مما كنت متوقع
و عايز اقولك من ناحية الشكل الخارجي و الحجم احلى بكتييييير من المرسيدس cla عشان بركن جنب واحده في الجراج رغم اني كنت فاكر ان ال cla كبيره
الف مبروك و اختيار موفق جدا لعربية اثبتت جدارتها و متجربة بقالها كثير و سمعتها كويسة فعلا و اللي عاجبني فيها اكثر حاجة عن الانسجنيا و ال 316 ان القاعدة في الكنبة الخلفية اريحهم بصراحة ، بس كأوبشن و شكل الانسجنيا شايفها احلى
ربنا يديك خيرها و يكفيك شرها
زي ما انت عارف ان اول فتره لما بتسوق اي عربيه جديده عليك بتبقى فتره تعارف يعني يا اما انطباعك المبدئي هيدوم و ده لما تروح رهبة العربيه الجديده بسبب الحجم مثلا يا اما هتلقاها عادي او تالت احتمال انك هتعجب بيها اكتر
اكبر ميزه الصراحه انك تحس ان العربيه هتنفذ كل اللي انت عايزه لدرجة ان لما حد يحب يستعرض و يعديك بقيت انفض عشان كلي ثقه اني باءقل مجهود هعديه
بالنسبه للفيس لفت انا مش معقول افضل استنى سنه كامله لغاية ما استلم و احرم نفسي عشان هينزل تعديل على الشكل مش تغيير كامل
و ياعالم ممكن على الطبيعه و يقول لك القديمه احلى زي ما حصل مع ماركات كتير