الحمد لله على نعمة ال abs

**sasa44** · 12-08-2014 10:49 AM

السلام عليكم ورحمة الله وبركاته مبدأيا كده انا لا شغال فى نيسان ولا غيره ومجال شغلي بعيد تماما عن العربيات ولا بهاجم ولا بدافع عن اي عربية والناس ممكن تدخل تشوف مواضيعي وتعرف انى كنت بقالي سنة بدور على عربية.. وهحكي اللى حصل معايا..
امبارح كنت بعمل صيانة الاف فى ابو رواش وانا راجع على الزراعي وماشي على 100 تقريبا علشان التليين وكان فيه ترن الناحية التانية من الطريق وفيه عربية نقل الناحية التانية عاوزه تلف وتدخل معانا الطريق وكانت واقفه.. ومرة واحده السواق قرر انه يلف ومفيش بينه وبيني مسافه صغيرة جدا.. انا طبعا دوست فرامل بقوة وحسيت بدربكة الي بي اس ووقفت قبل النقل بشوية وكان يميني عربية تانية بدون ذكر اسماء طبعا ملحقش يقف واضطر انه يطلع على التراب اللي يمين الطريق علشان ميخبطش فيها وعرييته كانت هتتقلب والحمد لله ربنا سترها..
انا مش بقول كده علشان الناس تجري.. العربية دي اخرها معايا 100 او 120 مش بزود عن كده وانصح اللى بيحب الجري مايجبش صني..

**khaled_yehya** · 12-08-2014 11:04 AM

الحمد لله ربنا قدر ولطف
وربنا يبارلك فى عربيك ويكفيك شرها

**sasa44** · 12-08-2014 11:12 AM

المشاركة الأصلية كتبت بواسطة khaled_yehya

الحمد لله ربنا قدر ولطف
وربنا يبارلك فى عربيك ويكفيك شرها

الحمد لله رب العالمين.. والف شكر لحضرتك

**Ahmed Saad** · 12-08-2014 03:48 PM

حمدا لله على سلامتك وكويس أن حضرتك بتنصح محدش يعدي سرعه 120 بالصني وبأي عربيه عموما لأن زي ماربنا بيسترها معانا لازم برضه كل واحد يخلي باله من نفسه يعني انا معايا باسات وكنت بجيب بيها 200 عادي وبتاخد غرز ولا الهوا بس في الفتره الاخيره قررت اني ماجريش اكتر من 120 كم/س علشان ربنا يسترها معانا والواحد مايخدش من رصيد الستر وربنا يسترها علينا جميعا يارب

**Hulk 1** · 12-08-2014 06:36 PM

ربنا يسترها ان شاء الله في التأني السلامه

**ibrahimsaad** · 12-08-2014 07:40 PM

تقريبا موقف مشابه حصل معايا وفعلا الاى بى اس نعمه

ورحم الله امرئ عرف قدر نفسه

لو كل واحد عرف امكانيات عربيته وتعامل معها على هذا الاساس مش هيتعب

**sasa44** · 12-08-2014 08:46 PM

شكرا لكل الناس اللى ردت.. والحمد لله ان ربنا سترها
اوحش حاجه الجري بالعربية ﻷن مهما كنت بتسوق كويس متضمنش غلطات الناس اللى ع الطريق..
ربنا يسترها علينا جميعا يارب

**theblackpirate** · 13-08-2014 02:46 AM

طب استفسار لما فرملت وللاى بى اس اشتغل حسيت ان دواسه الفرامل بتلعب من تحتك او وانت بتدوس عليها لتحت ردت معاك لفوق

**ibrahimsaad** · 13-08-2014 06:49 PM

المشاركة الأصلية كتبت بواسطة theblackpirate

طب استفسار لما فرملت وللاى بى اس اشتغل حسيت ان دواسه الفرامل بتلعب من تحتك او وانت بتدوس عليها لتحت ردت معاك لفوق

انا معايا حسيت بدربكه تحت رجلى وزى مايكون خبط كده وزى ماتكون فعلا بتلعب تحت رجليك

والاحساس ده تقريبا لان الا ى بى اس طبيعه شغله ان بيخلى الفرامل تمسك وتسيب فى شكل متقطع

**mohamed boy** · 13-08-2014 10:21 PM

الحمد للة

الموضوع: الحمد لله على نعمة ال abs

LinkBack

أدوات الموضوع

عرض

-

-

-

-

المواضيع المتشابهه

الحمد لله على نعمة اللانوس

الحمد لله على نعمة اللوجان

هذا هو دينى ... الحمد لله على نعمة الاسلام

الحمد للة على نعمة الأسلام

الكلمات الدلالية لهذا الموضوع

المفضلات

المفضلات

ضوابط المشاركة