حد يفيدنى ف موضوع شاشة الGpsل fluence

**ميدو الشريف** · 14-08-2014 12:47 PM

عاوز أركب شاشة ال gps مكان الشاشة الأصلية لو حد عند خلفية يارينظت يفدنى

**Ahmed H Megane** · 14-08-2014 01:30 PM

الله اعلم مش عارف الحقيقه بس انا متابع عايز اعرف برده o.O
يارب بس حد يرد علينا :)

**ramymechanics** · 14-08-2014 06:15 PM

الحاجات الموجودة فى امازون كلها صينى و انا عن نفسى مقدرش أركبها العربية دى مش عاوزة لعب فى اى حاجة فيها .... انا اتروقت فى موضوع الكاميرا و شكلى هشيلها

**ميدو الشريف** · 16-08-2014 05:28 PM

فعلا كل الحاجات اللي لقتها صينى ...كلمت التوكيل قالولى تمنها 8000 غير مصاريف التركيب و يببعتوا يجيبوها من فرنسا مخصوص :-d أنا ممكن أجيب s5 وأسيبوا ف العربية أحسن :-d

**Hany Saad** · 16-08-2014 05:45 PM

لو الهدف هو ال gps يبقى مقدمكش غير الصينى و زى ما رامى بيه أفاد مأنصحكش بيه و لا أنصحك تلعب فى العربية....الفلوانس حساسة إلكترونياً لللعب و لازم تبقى فاهم الحمل فين علشان ما يضربلكش حاجة

موضوع التوكيل فاكس و هما أصلاً مش فاهمين و لو السعر 8000 جنيه يبقى كويس..... نافيجيشن الفلوانس اللى عملاه شركة tomtom و للأسف مش منزله خرايط لمصر و مش ناويه تنزل....يبقى انت كده هتدفع 8000 + تمن تركيب و كل اللى كسبته شاشه كبيره تاتش و بعض الأضافات الصغيرة الأخرى...لاحظ أنك كمان هتحتاج gps antenna او اريال علشان تلقط بيه أشارة ال gps....

أنا كنت فى نفس حيرتك دى و انا بشترى زيرو و لو الخرايط كانت شغالة كنت جبت الموديل اللى فيه gps و لو حتى اسبيشال اوردر بس لما عرفت انها مش شغالة صرفت نظر

نصيحة من أخ.....ال gps مش ممتع فى مصر لأن أصلاً معندناش قوانين مرور و سرعات متحددة زى العالم و الناس و الشوارع كل يوم ليها تخطيط و كل يوم ليها اتجاه
انا لسه مستخدم ال gps فى أمريكا و كندا سقت بيه 5000 كم فى اكتر من 10 ولايات و مش عايز أقولك على المتعة و كمية المعلومات و السرعة لكل منطقة من الطريق.....فعلاً حاجة تانية خالص

تحياتى