الموضوع: قرار السفر الي دار السلام بتنزانيا (معلومات و نقاش للمهتمين بالسفر خارج مصر)

المشاركة الأصلية كتبت بواسطة mustafavet

الميه فعلا لما تغليها مرتين ممكن تشربها وهما هناك عايشن كدا
انا كنت بتوضا بيها وبغسل اسناني بيها مفيش اي مشاكل

لكن لو انت مناعتك ضعيفة خليك في الامان ... هي ايه مشاكل الميه اصلا ؟ مفيش اجهزه تنقيه عندهم ؟

كل كلامي عن سنه 2013 لان انا قضيت السنه دي كلها هناك
انا معرفش سوق العمل هناك ازاي لاني زي ما قولت مدورتش علي شغل لاني كان عندي شغلي لكن انا اديتك نماذج لاصدقاء ليا كانوا معايا هناك - بمعني كنا ماجرين شقة وقاعدين فيها مع بعض
الفيزا عن تجربه متقدمش عليها ف السفارة لانهم هنا هيقلولك هاتلنا حجز فندق ومش عارف حوارات كدا غريبه فالافضل تاخدها في المطار ولو حد سالك قله سياحة ... يعني بيرخموا في السفاره ؟ اصل في منتدي britishexpats.com بينصحوا انك تاخد الفيزا من السفاره مش من المطار
متاخدش هدوم شتوي معاك خالص الا حاجة بسيطة - الجو ربيع ممطر طول السنة
اتفضل يعني اتفضلي ومش عارف ازاي جوجل مش كاتبها

المشاركة الأصلية كتبت بواسطة mustafavet

بالنسبة للعربيات في ناس بتخلص الحاجات دي من الجمارك هناك وتقريبا مفيش جمارك بشرط العربيه تكون انتاج حديث (سنتين من تاريخ الانتاج) كل ما العربيه بتقدم الجمارك بتزيد ... علي كده الواحد ممكن يركب احلي عربيات باسعار رخيصه
الفاكهة هناك حاجه تانيه - طعم تاني ولون تاني واشكال عمرك ما شوفتها وفواكه غريبة وسعرها ف المتناول ونظيفة جدا
بالنسبة للاكل انا كان الوزن المسموح ليا 37 كيلو تقريبا مش فاكر - كنت واخد جبن ومعلبات من مصر كفتني سنه كاملة والله - خلي بالك الجبن هناك غاليه مش عارف ليه ... معلومه حلوه
الاجانب هناك عاملين امبراطوريات خاصة الهنود والايرانيين ... مردتش علي سؤالي بالنسبه للاوروبين و الامريكان
بالنسبه للجانب الترفيهي - انا كنت بروح فنادق 5 نجوم علي المحيط اوبن بوفيه فيه كل حاجه (حلال) و2 مشروب ومنظر خيالي ب 20 الف شيلنيج يعني بحوالي 80 جنيه مصري ... مفيش website عن اسعار الفنادق في دار السلام ؟
الالف علي فكره هناك ورقة علشان متفتكرش انك هتشيل رزمة ودي عامله زي الجنيه المصري
مومباسا فعلا ف كينيا اسف
بالنسبة للجنسية - فالحوار دا اتقالي من افارقة شغالين في وزارة الخارجية لكن الهنود هناك لما سالتهم بينكروا لكن لو دفعتله او اتصاحبت عليه هيقر بكل حاجه