الموضوع: سوزوكي سويفت ولا بروتن برسونا حاجة في حدود ١١٠ الف

المشاركة الأصلية كتبت بواسطة j a g u a r

اعتماديه العربيه بتختلف من مكان لمكان وكمان هتلاقي السويفت نازله فى الخليج من فتره طويله انما احنا فى مصر اخر ناس بنركب العربيات بعد ما تنزل وعندك مثلا السنترا عربيه اتهرست فى الخليج وهتلاقيهم قرفانين منها كمان وحاجه تعبانه جدا بالنسبه للعربيات اللى عندهم وهيا لسه مشرفه عندنا من اسبوعين وهتلاقينا هنا هايصين بيها ههههههه غلابه احنا والله .. وكمان السوزوكى عندنا اعتماديته اقل بكتير من الكيا بغض النظر بقى فى اوبشنز ولا مفيش وصحيح مفيش عربيه فى مصر تستاهل سعرها نهائى .. يعنى انا كنت فى ليبيا وما ادراك ما عربيات ليبيا يعنى ماكسيما يعنى بى ام ارنوب يعنى ازيرا يعنى ارمادا يعنى كابريس يعنى كامرى ودى من العربيات التعبانه هناك .. الماكسيما دى عربيتى المفضله فى الخليج .. كنت بجيب بيها 140 على الغيار الثانى وولا فى اى مشاكل .. عندك بقى اللانسر والصنى والاوبترا هناك ب 8,000 دينار بس مليانين كماليات مش زى عندنا .. .... بس معقوله البيكانتو الكورى اللى من 2004 قطع غيارها اغلى من a7 .. غريبه دى الصراحه ... معلش يا باشا انا طولت فى الكلام بس انا بعشق العربيات بجد :)

لعلمك السويفت الجديدة في مصر من سنة 2007 .. اللي كانت معايا هناك كانت 2008 هيا هيا بالظبط اللي هنا

بالنسبة لقطع الغيار لو تابعت قسم كيا هتلاقي نبذة عن اسعارف قطع الغيار للبيكانتو .. لما دخلت قسم اسكودا اتفاجأت ان اسعار قطع الغيار رخيصة وفي التوكيل وممكن تكون زي البيكانتو وغالباً ارخص .. لو مش مصدق ممكن تاخد لفة في القسمين مش هتخسر حاجة