سوزوكي سويفت ولا بروتن برسونا حاجة في حدود ١١٠ الف

**bobozoro** · 15-08-2014 03:07 PM

بدور علي سيارة جديدة تكون اول سيارة لي في حدود المبلغ ده ١١٠ الف تفتكروا ممكن تكون ايه

**Omar Mahmoud** · 15-08-2014 09:14 PM

ايه إحتياجاتك من العربية؟؟؟
و 110000 جنيه في البيرسونا معناه إنها مانيوال مش اوتوماتيك

**S O P H O S** · 15-08-2014 09:57 PM

بروتون وشوف اوبترا شكل قديم
لو استخدام عائلي

**J A G U A R** · 15-08-2014 10:07 PM

الاتنين مينفعوش اول سياره لو جديد سواقه
شوف صنى اوا وبترا شكل قديم
ولو هاتشباك بيكانتو او سانديرو

**eng.m7md.ali** · 16-08-2014 12:36 AM

السويفت الهاتش باك جميلة لو عايز توفر هيا ب 99 الف دلوقتي .. ولو اكبر شوية وعائلية هات بيرسونا

ونصيحة ليك لو هتدفع كاش يبقي حطهم في عربية مستعملة نضيفة تكون تستاهل لان ولا دي ولا دي ولا اي عربية جديدة في مصر تستاهل سعرها

**MOODEE_848** · 16-08-2014 12:49 AM

متابع

**J A G U A R** · 16-08-2014 01:25 AM

المشاركة الأصلية كتبت بواسطة eng f3lix

وليه مينفعوش؟؟
وليه البيكانتو احسن من السويفت؟؟

اللى بيركب عربيه جديد المفروض يركب عربيه اعتماديتها عاليه وليها سوق علشان ميجيش فى يوم لقدر الله العربيه تتخبط والخبطه تدخل على ريداتير العربيه يحصله حاجه ولا فانوس يتكسر ولا المصيبه الكبيره وتدخل على علبه الدريكسيون تبقى مشكله وساعتها الواحد يرجع يعيط وكمان البيرسونا عربيه عاوزه اللى غاويها مش اى حد ينفع يركبها واكيد حضرتك عارف الكلام ده ونفس الكلام هتلاقيه برضه فى السويفت .. وكمان لو عاوز يبيع يلاقى حد يشترى ... كلامى ده مش معناه ان البيرسونا او السويفت وحشين بس مينفعوش لحد جديد سواقه .. الا بقى لو مش فارق معاه يشخلل جيوبه :)

**J A G U A R** · 16-08-2014 03:18 AM

المشاركة الأصلية كتبت بواسطة eng f3lix

اختلف معاك في موضوع الاعتمادية

السويفت كانت معايا في قطر واقدر اقولك اعتمادية 10 على 10 بس حضرتك فاضلتها بينها وبين البيكانتو والفرق بينهم في السعر حوالي 6 تلاف جنيه .. مش بس كدة البيكانتو دي سعرها مبالغ فيه ومفيهاش abs و ebd وايرباجز ولا فيها كماليات .. يافرحتي بفتحة السقف وغير كول ده قطع غيارها غالية جداً اغلى من الاوكتافيا a7 الجديدة .. تخيل !!!!

اعتماديه العربيه بتختلف من مكان لمكان وكمان هتلاقي السويفت نازله فى الخليج من فتره طويله انما احنا فى مصر اخر ناس بنركب العربيات بعد ما تنزل وعندك مثلا السنترا عربيه اتهرست فى الخليج وهتلاقيهم قرفانين منها كمان وحاجه تعبانه جدا بالنسبه للعربيات اللى عندهم وهيا لسه مشرفه عندنا من اسبوعين وهتلاقينا هنا هايصين بيها ههههههه غلابه احنا والله .. وكمان السوزوكى عندنا اعتماديته اقل بكتير من الكيا بغض النظر بقى فى اوبشنز ولا مفيش وصحيح مفيش عربيه فى مصر تستاهل سعرها نهائى .. يعنى انا كنت فى ليبيا وما ادراك ما عربيات ليبيا يعنى ماكسيما يعنى بى ام ارنوب يعنى ازيرا يعنى ارمادا يعنى كابريس يعنى كامرى ودى من العربيات التعبانه هناك .. الماكسيما دى عربيتى المفضله فى الخليج .. كنت بجيب بيها 140 على الغيار الثانى وولا فى اى مشاكل .. عندك بقى اللانسر والصنى والاوبترا هناك ب 8,000 دينار بس مليانين كماليات مش زى عندنا .. .... بس معقوله البيكانتو الكورى اللى من 2004 قطع غيارها اغلى من a7 .. غريبه دى الصراحه ... معلش يا باشا انا طولت فى الكلام بس انا بعشق العربيات بجد :)

الموضوع: سوزوكي سويفت ولا بروتن برسونا حاجة في حدود ١١٠ الف

LinkBack

أدوات الموضوع

عرض

سوزوكي سويفت ولا بروتن برسونا حاجة في حدود ١١٠ الف - انشر الموضوع فى :

-

-

-

-

المواضيع المتشابهه

سوزوكي سويفت ولا بيكانتو

جين ٢ ام صني ام سوزوكي سويفت

سوزوكي نيو سويفت

سوزوكي سويفت 93

دينامو سوزوكي سويفت

الكلمات الدلالية لهذا الموضوع

المفضلات

المفضلات

ضوابط المشاركة