الموضوع: حل مشكله انقطاع الكهرباء وتجربتى مع الانفيرتر

شهاده فى حق الراجل الجميل
الاستاذ طارق عبد السلام

من عدة اشهر عملت الموضوع ده فى المنتدىhttp://www.nilemotors.net/Nile/406940-a.html
بخصوص مشكله فى الكهربا وبسببها مشروعى متوقف

قالى على الحل فى مشاركه وبعاتلى رقم تليفونه واتكلمت معاه وطلبت اقابلة لأنى كنت عاوز أشوف الجهاز على الطبيعه ( كنت حاسس انه ممكن مايوافقش لأنه مايعرفنيش شخصيا ..
وكمان هوه عمل اللى عليه ورد فى المكالمه وكان ممكن يكتفى بده وساعتها ماكنتش هالومه وكان هايبقى كتر خيره على كده ..
وكمان وده الأهم ماحدش النهاردة بيدخل حد مكان شغلة )
وافق على الفور وحدد لى ميعاد
وذهبت له فى مصنعه ..

قابلنى مقابلة جميلة قوى زى مايكون اخ ليه أو صديق عزيز مش واحد بيشوفه لأول مرة !!
ورانى الجهاز وهوه شغال وشرحلى بالتفصيل كل جزئيه فى الموضوع
وأدانى عنوان المهندس اللى عمل له الجهاز .. وقابلت المهندس واتفقت معاه والحمد لله ..

والله لو تعرفو قد ايه دعايا للراجل ده هوه وأولادة ..
ربنا يجعل اعمالة دى فى ميزان حسناته ويوفقه للخير دايما
مهما كان فى حد بيعرف الاستاذ طارق فى المنتدى من غير مايكون شافة ... يبقى فاته كتير ..

يارب المشاركه دى تكون اذهبت ما بصدرك من ضيق .. وابسط حاجه الواحد يعملها..
يرد الحق لأصحابة ..
تحياتى لك