نداء الى كل راجل فى المنتدى

**Yoyo.yasso** · 17-03-2015 02:59 PM

معلش اصل انا دمى محروق اوووى
عملت كومنت على خبر فى صفحه اليوم السابع عبرت فيه عن رأيي بشئ من السخريه بس مشتمتش حد
جالى ١١ reply على الكومنت كلهم طبعا تريقه واستهزاء بس كومنت منهم كان صعب اوى
واحد شتم شتايم بشعه والله بشعه مش قادرة اتخيل ان ممكن راجل محترم يشتمها
ايا كان تعليقى وايا كان انتمائى السياسي ده مايسمحلكش انك تغلط فيا بالشكل ده لان ببساطة الرجولة مش لسان الرجولة ادب واخلاق واحترام لرأى الغير خصوصا لو كان اللى قدامك ست مش شاب زيك
ياريت يا جماعه لما تلاقي صاحبك بيعمل كومنت فيه شتايم بالمنظر ده ماتفرحش بيه وتعمل له لايك
انصحه وقوله عييييب
عيب علشان انت مكتوب فى بطاقتك ذكر وحاول ترقي شويه علشان تبقي راجل
فكرنى بمرة كنت معديه بالعربيه ولاقيت سواق تاكسي واقف عمال يزعق و يخبط على عربيه اللى وراه ويشتم يشتم واللى وراه كانت واحدة بنت وغالبا خبطته بس ياعينى من صدمتها واسلوب الراجل قاعده كمشانه فى الكرسي و عماله تعيط
اهو ده نفس عينه الذكر اللى فوق

نفسي قبل ما نطلب من ربنا يوفقنا نغير من نفسنا الاول ونحترم بعض
اسفه على الاطاله

**ahmad--ezzat** · 17-03-2015 03:10 PM

!!!!!!!

**Yoyo.yasso** · 17-03-2015 03:18 PM

حضرتك ليك حق تستغرب طبعا
انا بردو مصدومة من انحدار مستوى اخلاق البعض فى الفترة الاخيرة

**khaled607** · 17-03-2015 03:20 PM

طبعا انا مقدر زعلك بس لو الواحد عمل عقله بعقل كل واحد مش هاخلص لكن الواحد لازم يقابل كل النوعيات من البشر منهم من يوضع علي الرؤوس ومنهم اللي بالجزمة عليه تدوس لأن الاخلاق نعمة من عند ربنا ومش اي حد يستاهل انها تكون عنده وإلا الواحد هاياخد ثواب علي حساب مين لو النوعيات دي ماقبلهاش وصبر وتحلي بالأخلاق رغما عنهم وعن ما يفعلونه معنا .
كن كالنخيل عن الأحقاد مرتفعا يُرمي بصخر فيلقي أطيب الثمر

**corsair** · 17-03-2015 03:20 PM

للاسف ده نتيجة انحطاط الاخلاق في المجتمع وعدم التربية كل واحد فاكر انه لما يشتم كدا بقا فهلوي ودكر في نظر المجتمع لكن في النهايه دي نتيجة متوقعه للقرف اللي شايفينه ليل نهار ده حتي اللي بيتكلم بأسم الدين ودقنه لحد ركبته بقية الالفاظ دي عادي عنده وتلاقيهم بيحللوا كلامهم وشتايمهم عادي جدا

**YahiaAshraf** · 17-03-2015 03:21 PM

للاسف البلطجة وقلة الأدب بقت هى اسلوب الحياة فى مصر وعلشان كده كرهت التعامل مع نسبة كبيره من المصرين وبحكم انى بتعامل مع اجانب كتير فبقيت اصاحبهم اكتر من المصريين

**swimmer25** · 17-03-2015 03:23 PM

العبرة مش بذكر أو أنثى أو بالإنتماء السياسي
العبرة بالأخلاق
وللأسف دي الحالة اللي فيها الشعب المصري كله في الوقت الحالي
حالة إستقطاب وظلم لن تنتهي لأنها مقصودة لعمل هذه الفرقة
مش هيفوق منها الناس غير لما الكل يقع فيها ويصيبه من الحب جانب

الدم رخيص أوي في مصر ما بالك بشوية شتايم...

كبري مخك وتوقعي الردود دي في أي موضوع تعلقي عليه من ذكر أو أنثى وتوقعي تشوفي نفس الردود من نفس فريقك السياسي
وخلينا كدا فرق نحاول ندخل أجوان في بعض

**مصطفى-حسن** · 17-03-2015 04:46 PM

يا مدام متشغليش بالك
انتى زعلانة علشان اتشتمتى عشان بتقولى رايك السياسى

اومال تقولى اية بقة لما اكون عامل فيديو على اليوتيوب بشرح فية تعديل حاجة معينة نجحت معايا وجربتها وجربها ناس تانية وناجحة جدا وتلاقى فى وسط الردود شتايم واستظراف

علما بان مفيش حاجة تمنعنى من الرد بشتائم برضو

عادى

خلى روحك رياضية الاشكال الحقيرة دى موجودة فى كل حتة وكبرى دماغك

-

الموضوع: نداء الى كل راجل فى المنتدى

LinkBack

أدوات الموضوع

عرض

نداء الى كل راجل فى المنتدى - انشر الموضوع فى :

-

-

-

-

-

المواضيع المتشابهه

نداء الى الثوار و مؤيديهم على المنتدى : ماذا تريدون من حزب الكنبة , خارج المنتدى ؟

نداء الى اعضاء المنتدى

الكلمات الدلالية لهذا الموضوع

المفضلات

المفضلات

ضوابط المشاركة