السلام عليكم

اولا : تحياتى للجميع
ثانياً : شكر خاص ومن كل قلبى لصديقى محمود السيد الراجل تعبته معايا وساعدنى بكل صدق وربنا يجزيه خير ان شاء الله

المشكلة عندى فى ان اخر مرة بعمل متابعة للبطارية علشان لسة فى الضمان الراجل لقيته بيقلى ابقى بص عندك على الدينمو علشان بيطلع 12.5 امبير

انا بصراحة مخدتش الموضوع باهتمام ( جهل منى )

وجت ظروف ومكنتش بركب العربية ب 5 ايام .. جيت ادور مفيش خالص المهم جه فى دماغى اول حاجةالبطارية اللى بقالها 8 شهور اى كلام وهروح للراجل امسك فيه , افتكرت موضوع الدينمو وظلمت الراجل

عديت على الكهربائى وقالى غالبا الكت اوت الداخلى هتتغير هنفوك ونشوف بكام دى قالى هتعمل حوالى 200 جنيه قلتله طب ما اجيب دينمو استيراد احسن ومشيت من عنده على معاد بكره يفك ونشوف

المهم بكلم صديقى محمود قالى ان عندة واحد كان جيبه استيراد قبل كدة ومعاه فى شنطة العربية
ظبطت معاه وقبلته فى الشيخ زايد والراجل قالى هنركبه احنا ولا كهربائى ولا بتاع .. والحمد الله تم التركيب وتم قياس شحن الدينمو طلع 13.5 امبير .. بصراحة العربية فرقت معايا البرجله اختفت لانها طبعا كانت بتسحب من البطارية علشان الدينمو شحنه ضعيف غير ان صوت العربية بقى اهدى جداً جداً والحمد لله

وربنا يجزيه خير محمود عطلته واخدت من وقته كتير دة غير الشحم والبهدله والراجل بصراحة غاية في الذوق والاحترام تحس انه يفضل أصدقاءه على نفسه و بيخدم أصدقاءه بكل ما يملك

وده اللى اتعودنا عليه من كل رجاله القسم بصراحة حاجه تشرف
من اول م/ محمد سيد - م/ ايهاب وحسام و كريم ووو كتير .... انا مش عاوز انسى حد بس بجد الله اكبر

ودائما فى الخير

تحياتى للجميع