ايه الفرق بين الوديعة و شهادة الاستثمار

**amrezzat82** · 17-08-2014 02:04 AM

من كام سنة بنك مصر كان عنده نظام ان الوديعة يبقى تقدر تسحبها فى اي وقت بعد 6 أشهر بدون اي مصاريف و بدون خصم اي فائدة نزلتلك
فى اي بنك استثماري الوديعة دايما أقل فائدة من الشهادة لأن مدتها تكون أقصر و ساعات بيديوك ميزة انك تسحبها بعد 6 أشهر بدون اي مصاريف
دايما اي بنك بيتبع البنك المركزي بيبقى فرق الفائدة 1 او 1و نصف فى المائة - فلو حسبتها على 100 ألف حتلاقي الفرق فى الشهر بسيط برضه مقارنة لو عايز خدمات كويسة من البنك - او وجود مصاريف مخفية زي سوستيه

**ali ashraf** · 17-08-2014 02:59 AM

المشاركة الأصلية كتبت بواسطة besso

استفسار بقى بعد اذن صاحب الموضوع

الوديعه او الشهاده دى للى معاه مبلغ ومش هايحتاجه فى فتره قريبه

لكن لو انا معايا مبلغ وبحوشه يعنى هاشترى حاجه وليكن عربيه يبقى حساب توفير افضل
ولا بردو ممكن شهاده مدتها قصيره واستفيد مثلا من الفائه كل 3 شهور لحد لما اجى اشترى واكسر الشهاده؟؟؟

من منطلق ان الفائده اكبر يعنى

لو فترة زمنية قصيرة التوفير احسن لاسباب كثيرة -

**svneleven** · 17-08-2014 05:06 AM

ألف شكر لكل الأعضاء الكرام اللي حاولو يساعدو.
اللي فهمته من موقع البنك الاهلي أن الوديعة تقريبا بتاخد فايدتها في أخر المدة. مش متأكد لكن ده اللي فهمته. و مش كاتبين نسبة الفوايد للوديعة.
هما الاتنين زي بعض في كل حاجة لكن اعتقد الاختلاف الوحيد في نسبة الفوايد و ميعاد استحقاق الفوايد.
يا ريت بردو حد يكون شغال في بنك يفيدنا عشان يكون الكلام مؤكد.
بخصوص الاستثمار في العملان ما اعتقدش هيجيب همه. يعني مثلا لو هحط فلوس في بنك ز هاخد 12% في السنة فوايد يبقي بعد 5 سنين معايا 60% زيادة لرأس المال. هل لو اشتريت دولار النهاردة ب 7.38 جنيه مثلا هيبقي بعد 5 سنين ب (7.36*1.6=11.8) يعني ب 11.8 جنيه؟ ما أظنش.
هو طبعا الاستثمار العقاري أحسن و أضمن و هيزيد أكتر من الكلام ده بعد 5 سنين لكن البيع بقي صعب و اللي معاه قرش بينام عليه.

**S O P H O S** · 17-08-2014 05:39 PM

تقصد شهادات الاستثمار تبع المشروع الجديد
ولا عموما

**moody_687** · 17-08-2014 09:18 PM

هل شهادات قناه السويس اللي هيتم صرف فائدتها كل 3 شهور هتكون مضمونة ؟؟
طيب بعد انتهاء مدة الثلاث سنوات او الخمس سنوات هل هيتم التجديد بنفس اسم الشهادة وبنفس الفائدة 12% ؟؟

**moody_687** · 17-08-2014 09:32 PM

بنك saibank مش بسمع عنه خالص فالاسكندرية ومش بشوف ماكينات له
فايه السبب ف ذلك هل هو بنك حكومى ولا خاص وهل هو مضمون ويتبع للبنك المركزي ولا لا ؟؟

**lolnk** · 18-08-2014 01:52 AM

المشاركة الأصلية كتبت بواسطة moody_687

بنك saibank مش بسمع عنه خالص فالاسكندرية ومش بشوف ماكينات له
فايه السبب ف ذلك هل هو بنك حكومى ولا خاص وهل هو مضمون ويتبع للبنك المركزي ولا لا ؟؟

مفيش حاجة اسمها بنك مش يتبع البنك المركزى

**reda elgohary** · 18-08-2014 02:13 AM

متابع .

**svneleven** · 18-08-2014 07:22 AM

المشاركة الأصلية كتبت بواسطة s o p h o s

تقصد شهادات الاستثمار تبع المشروع الجديد
ولا عموما

أقصد شهاادات الاستثمار عموما. ايه الفرق بينها و بين الوديعة؟

**aliyoussef** · 19-06-2018 08:20 AM

أنا جاي لك من المستقبل وبقولك إنه في ٢٠١٨ بقى ب ١٩ جنيه مش ب١١.٨ ذي ما انت بتقول

الموضوع: ايه الفرق بين الوديعة و شهادة الاستثمار

LinkBack

أدوات الموضوع

عرض

-

-

-

المواضيع المتشابهه

هل ينفع أطلع شهادة بيانات من مرور الدراسة مع شهادة المخالفات (عربيتي مرور الجزيرة) ؟

ما هى طريقة حساب الوديعة فى بنك ناصر

التقسيط بنظام الوديعة

شهادة المخالفات و شهادة البيانات

فرص الاستثمار؟؟؟

الكلمات الدلالية لهذا الموضوع

المفضلات

المفضلات

ضوابط المشاركة