الموضوع: مراوح تبريد فيكترا 1600

الحراره عندك كام جوه البلد وكام مع تشغيل التكييف؟؟

المشاركة الأصلية كتبت بواسطة mfm_086

هل مروحه تبريد التكيف (المروحه الاماميه الصغيرة ) بتشتغل مع الكبيرة فى السرعه الثانيه اثناء تشغيل التكيف
انا عندى كالاتى اثناء التكيف
سرعه اولى المروحتين مع بعض
سرعه ثانيه المروحه الكبيرة بس بتاعت الراديتير
سرعه ثالثه الحمد الله عمرى موصلتلها

بدون تكيف المراوح بتشتغل زى التكيف مافيش فرق
انا عايز اعرف ده صح وﻻ غلط

اولا دا وضع غلط ثانيا غير السويتش الاصفر دا وهات السويتش الرصاصى الجى ام بتاع الفبريكة وهقول لك ليه
ثالثا الوضع الصح ودا وضع الفبريكة هو :
المروحتين بيشتغلوا سرعة اولى وسرعة ثانية مع بعض فى جميع الاحوال بدون تكييف او بتكييف على النحو التالى :
الحالة الاولى بدون تكييف :
المروحتين بيشتغلو مع بعض سرعة اولى [ توصيل مواتير المروحتين على التوالى ]عن طريق الثرموستات الرصاصى عند وصول درجة حرارة مية الراد 90 درجة ويفصلوا خالص عند 85
المروحتين بيشتغلوا مع بعض سرعة ثانية [توصيل المروحتين على التوازى عن طريق مقاومات المراوح الاثنين ] واللى بيشغلهم هو الترموستات الرصاصى وذلك عند وصول درجة حرارة مية الراد 95 درجةويفصلوا السرعة الثانية عند 90 درجة
السرعة الثالثةوالاخيرة فى حالة عدم تشغيل التكييف [ وهى تمثل السرعة الرابعة والاخيرة فى حالة تشغيل التكييف ] ودى بيشتغلوا فيها المروحتين [ توصيل على التوازى عن طريق توصيل مواتير المراوح مباشرا بالبطارية ] واللى بيشغلهم هو السويتش الازرق عند وصول درجة حرارة الراد الى 100 درجة مئوية ودى اقصى سرعة للمراوح
الحالة الثانية فى حالة تشغيل التكييف :
المروحتين بيشتغلوا مع بعض سرعة اولى [ توصيل مواتير المروحتين على التوالى ]عن طريق [ عند الضغط على زر تشغيل التكييف فتغلق ارضى دائرة كت اوت كمبروسر التكييف وبالتالى تغلق ارضى دائرة كت اوى تشغيل المراوح سرعة اولى فتعمل المروحتين على السرعة الاولى سواء الموتور بارد او ساخن سوف يعملوا بمجرد الضغط على زر تشغيل التكييف وذلك لتبريد الفريون داخل سربنتينة التكييف وعندها تكون كتلة ضغط الفريون ما بين 900 الى 1200 كيلو بيسكال
المروحتين يعملوا مع بعض سرعة ثانية [توصيل المروحتين على التوازى عن طريق مقاومات المراوح الاثنين ] واللى بيشغلهم فى الحالة دى هو حساس الفريون او سويتش الفريون الموجود على ماسورة التكييف الضغط العالى وعندها تكون كتلة ضغط الفريون ما بين 1400 الى 1700 كيلو بيسكال او السويتش الرصاصى [ ايهما اقرب الحرارة او الضغط ]
المروحتين يعملوا مع بعض سرعة ثالثة وهذة السرعة تعمل فقط عند تشغيل التكييف [ توصيل مروحة التكييف على التوازى عن طريق توصيل موتوراها مباشرا بالبطارية ودى اقصى سرعة لها وتبقى مروحة الراديتير كما هى على السرعة الثانية متصلة على التوازى معها ] واللى بيشغلهم فى الحالة دى هو حساس الفريون او سويتش الفريون الموجود على ماسورة التكييف [الضغط العالى] وعندها تكون كتلة ضغط الفريون ما بين 1800 الى 2100 كيلو بيسكال
المروحتين يعملوا مع بعض سرعة رابعة ودى تعتبر السرعة الثالثة والاخيرة فى حالة عدم تشغيل التكييف[توصيل على التوازى عن طريق توصيل مواتير المراوح مباشرا بالبطارية ] ودى اقصى سرعة للمروحتين معا واللى بيشغلهم هو حساس الفريون او سويتش الفريون الموجود على ماسورة التكييف [الضغط العالى] وعندها تكون كتلة ضغط الفريون ما بين 2300 الى 3000 كيلو بيسكال او السويتش الازرق عند وصول درجة حرارة الراديتير الى 100 [ايهما اقرب الحرارة او الضغط ]واللى بينظم منظومة تشغيل المراوح هى ال5 كت ات اللى قدام البطارية وال2 كت اوت اللى جانب البطارية وجنبهم طبعا الفيوزين العمومين بتوع المنظومة ككل
دا بقى نظام الفبريكة وسيبكم من من نظام عك الصنايعية
ولصاحب الموضوع : علشان كل المنظومة اللى فاتت دى تعمل مضبوط لازم تركب السويتش الرصاصى لان درجة حرارة فتحه متناسبة مع درجة حرارة فتح ترموستات الكوعة متناسبة مع درجة حرارة تشغيل الموتور الطبيعية [90] والمحافظة على سلامة الموتور من العمل فى درجة حرارة غير مناسبة
شكلكوا تهتوا منى دا لو فى حد صاحى اصلا ههههههههههههه
واللى عايز يسأل فى حاجة انا تحت امركم
تقبلوا خالص تحياتى