الموضوع: هستلم صنى 2015 ربنا يستر

صني الشكل القديم 2015 بس لو تعرف تجيبهاااا تعمل في حدود 115 الف و ان شاء الله خاليه من المشاكل و قطع غيار عند البقال و موتور ياباني

الف مبروك وتوكل على اللة انا معايا 2015 عامل بيها 2500 العربية كويسة بس متجريش وربنا يكفيك شرها وخد طبعا كتاب الضمان

المشاركة الأصلية كتبت بواسطة Mahmoud_optra

السلام عليكم

يا رجالة انا حجزت صنى 2015 الجديدة والمفروض هستلم بعد يومين طبعا انا عارف ان العربية فيها بعض المشاكل بس هى كويسة بالنسبة لسعرها لانى لفيت كتير ودورت كتير وبصراحة كان قدامى الافيو بس قلت لا الاتنين تقفيل مصرى يبقى اليابانى طبعا الناس حاولو يقولولى اعلى شويه وهات حاجة احسن بس بصراحة وصلت 130 الف ولقيت مشاكل برضوا فى الاخر استخرت الله وتوكلت عليه وهجيب الصنى اول فئة اوتوماتيك (على قد لحافك) وربنا يسترها ادعولى وياريت اعرف المفروض استلم العربية ازاى ومعاها ايه وورق ايه ومعاها نمر ولا لأ (علما انا هستلم من القاهرة وانزل بيها اسماعيلية) وحد شاف الموكا عليها حلو ولا ايه (محتار موكا ولا احمر)

المشاركة الأصلية كتبت بواسطة mahmoud_optra

السلام عليكم

يا رجالة انا حجزت صنى 2015 الجديدة والمفروض هستلم بعد يومين طبعا انا عارف ان العربية فيها بعض المشاكل بس هى كويسة بالنسبة لسعرها لانى لفيت كتير ودورت كتير وبصراحة كان قدامى الافيو بس قلت لا الاتنين تقفيل مصرى يبقى اليابانى طبعا الناس حاولو يقولولى اعلى شويه وهات حاجة احسن بس بصراحة وصلت 130 الف ولقيت مشاكل برضوا فى الاخر استخرت الله وتوكلت عليه وهجيب الصنى اول فئة اوتوماتيك (على قد لحافك) وربنا يسترها ادعولى وياريت اعرف المفروض استلم العربية ازاى ومعاها ايه وورق ايه ومعاها نمر ولا لأ (علما انا هستلم من القاهرة وانزل بيها اسماعيلية) وحد شاف الموكا عليها حلو ولا ايه (محتار موكا ولا احمر)

الف مبروك العربيه ما شاء الله زي الفل معايا بقالها 7شهور وعامل 19000ويسافر كتير والثبات لغاية160كويس جدا وانا من الإسماعيلية وتحت امرك ف اي حاجه وربنا يديك خيرها ويكفيك شرها

ربنا يباركلك فيها ويكفيك شرها ان شاء الله

شوف يا باشا الخيره فيما اختاره الله وانت استخرت ربنا يبقي دي احسن حاجه ليك ولو جبت حاجه
تانيه مش هتبقي احسن منها عشان صلاه الاستخاره مش اكتر

انا كنت زيك واستخرت ربنا وجبتها والحمد لله ادعي دايما بالستر وادعيتك والقران ضروري في اي عربيه
ربنا يباركلك

ألف مبروك يا باشا العربية..و ربنا يرزقك خيرها و يكفيك شرها..
العربية ثابتة لحد 160 و هي راكب فيها 4 و سحبها كويس..و أنت لوحدك بس فوق ال120 بلاش غرز خطف أو غرز مزدوجة..ثباتها في الموضوع ده مش قد كده..الفرامل كويسة مش وحشة..هي فيه عربيات بيبقى نوع التيل وحش..و التوكيل مع الزن بيغيره..و متيألي اتحلت أصلاً بعد موديل 2013..

بالنسبة للورق هتاخد الورق من الوكيل و اتأكد إن فيه ورقة فيها أرقام شاسيهات العربيات اللي نيسان عملتها و يبقى فيها رقم الشاسيه بتاع عربيتك علشان وقفوني عليها في المرور عشان العربية تقفيل مصري..مش فاكر اسم الورقة إيه صراحة و مفروض اصلاً إنها موجودة في المرور بس هما بيكسلوا و المناديب بيصوروها عشان ياكلوا عيش..انت اتأكد إن التوكيل أو المعرض مديهالك..و بعد كده بقى العادي..وصل الطفاية و المثلث و شنطة الإسعافات و التأمين الإجباري و هتفحص عادي..و كل ما تروح بدري كل ما كان أحسن..

و أنا شخصياً مشيت بالعربية من غير نمر أسبوعين و كان معايا ورق ملكية العربية و الحمد لله محدش وقفني..و اللي يوقفك كله لسه جايبها من المعرض و هرخص لسه..

و ألف مبروك مرة تانية و يرزقك خيرها و يكفيك شرها.. :)