حادثة بالنيو صني 2013 افيدوني

**mohamed1975** · 17-08-2014 02:30 AM

انا عملت حادثة بعربيتي نيسان صني الشكل الجديد 2013 و الحمد لله انا لم اصب باذى و لكن العربية اتبهدلت جامد من الامام عملت محضر ووديتها مودرن موتورز الهايكستب وعملت مقايسة وعملت اخطار حادث لشركة وثاق للتامين التكافلي الاصابات اللي فيها الاتي:
اكصدام -فوانيس امامية- سربنتينة- رادياتير- قربة امية الزرقة- الكبوت- الشبكة -الصدر

بس في مودرن موتورز المهندس اللي استلمها بيقولي ان قدامها شهر تصليح. فهل الاصابات اللي فيها دية فعلا ممكن تاخد شهر والا هو بيقول كده علشان يوزعني اصله حاول يوزعني على فرع ابو رواش قبل العربية ما تنزل من على الونش بس انا رفضت لانه كانت الساعة داخلة على 4 عصرا وما كنتش هلحق الفرع التاني وكنت هحتاس بالعربية؟

و ازاي ممكن اسرع الموضوع شوية وخصوصا اني محتاس من غيرها نظرا لطبيعة عملي كجراح وشغلي اغلبه بالليل و ما لوش معاد ؟

افيدوني افادكم الله

**eng.m7md.ali** · 17-08-2014 02:51 AM

الف سلامة على حضرتك وقدر الله ماشاء فعل

من الافضل تصلح برة في ورشة نايل موتورز مثلاً وتجيب قطع الغيار المطلوبة سواء جديدة او استيراد على حسب توافرها وطبعاً لازم يبقى معاك فواتير بالقطع الجديدة اللي هتتغير عشان التأمين

الموضوع ان شاء الله هياخدله اسبوع او 10 ايام

**mohamed1975** · 17-08-2014 03:11 AM

شكرا لسيادتك بس فين ورشة نايل موتورز دية؟

**insurancebroke** · 17-08-2014 03:36 AM

التاخير ده عشان الدور بتاعها
وثاق متعاقده مع اوتو ايجبت مرحتش هناك ليه لو السيارة كاش مش هتحاسب انت

**insurancebroke** · 17-08-2014 03:38 AM

خلي بالك لو عملت الاخطار والمهندس بتاع التامين راح التوكيل واعتمد الحجات دي مينفعش توديها ورشه او مركز الا لما تخطر الشركه تاني عشان تعمل معاينه تاني والخبير يعتمد الحجات دي تغيير او اصلاح