العربيه بتسخن بعد نص ساعه سواقه وتوصل قرب 120 وبعيد المؤشر يرجع وهكذا وكمان
بعد مفصل العربيه تفضل المراوح شغالة علطول متفصلشي
والريداتير سليم
اعمل ايه
خايف اروح الضصيانه يلبسوني في الحيطه
عربيتي بروتون2010
عرض للطباعة
العربيه بتسخن بعد نص ساعه سواقه وتوصل قرب 120 وبعيد المؤشر يرجع وهكذا وكمان
بعد مفصل العربيه تفضل المراوح شغالة علطول متفصلشي
والريداتير سليم
اعمل ايه
خايف اروح الضصيانه يلبسوني في الحيطه
عربيتي بروتون2010
كمان فيه مشكلة صوت الير بتاع الموتور عامل زي صوت الضفادع بالظبط
ممكن يكون الرادياتير واخد هواء
درجة الحراره عندما تتخطى 100 درجة فلابد ان تقف بالسياره على جنب وتنتظر حتى تقل درجة الحراره بعد إطفاء السياره طبعا
لان تخطى درجة الحراره للـ 100 درجه سيعمل على تبخر الماء وغليانه مما سيشكل زياده كبيره فى الضغط داخل الماتور والردياتير والقربة مما سيسبب مشاكل كبيره انت فى غنى عنها
ولكن سؤال بسيط متى تبدأ مروحة الردياتير فى الدوران أقصد درجة الحرارة التى تبدأ عندها المروحه فى الدوران ؟
تقريبا عند 100
طيب وصوت الموتور ده
كان بيحصل معايا وغسلت السربنتينة والحمدلله راحت السخونية
كده الى شغال معاك مروحه التكييف وهى الى بتشتغل لما العربيه بتبطل
مروحه التبريد الكبيره واقفه او فاصله واتاكد منها بتشغيل التكييف هتلاقى واحده بس الى شغاله
اذا كانت مروحة الردياتير تعمل عن درجة 100 فلابد ان تغير الثرموستات حتى تعمل المروحة قبل الوصول لـ 100 درجة
في كذا تشخيص للمشكلة بس الاهم من كل ده هو الكشف
زي ماقالو الاخوة ممكن تكون الدورة واخدة هوا وممكن تكون طلمبة المية مبتقلبش المية لو كل حاجة مظبوطة .. وممكن يكون الترموستات قافش بردو
لازم العربية تروح التوكيل او اي حد بيفهم وان شاء الله خير
يمكن الصوت اللي بتسمعه ده سير الدينامو عايز يتظبط او يتغير فمش بيحرك طرمبة الميا كويس ؟
انا كمان عندي نفس المشكله
ومش عارف اعمل ايه
الغريب ان انا ممكن الاقي العربيه وصلت من 80 ل 120 في ثانيه واحده وبرضه تنزل تاني ل 80 في ثانيه واحده
ولما اكون بجري علي الطريق عمرها ما عملتها
السوال هل الطرمبه بتاعت الميه مرتبطه بسير المجموعه ولا الكاتينه
والسوال التاني ايه اعراض تلف وش السلندر لان انا قريت انه ممكن يدخل هوا جوا الميه
اعراض تلف جوان وش السلندر انك تلاقي زيت الموتور باه عامل زي الطحينه ومياه الرادياتير عليها زيت ونقص في المياه واحيانا تخرج مياه من الردياتير
طلمبه المياه تعمل علي سير المجموعه وليس لها علاقه بسير الكاتينه
احتمالات مشكلتك
1- هواء في دايره المياه
2- عيب في ثرموستات الكوعه
3- عيب في ثرموستات مروحه التبريد
4- عيب في طلمبه المياه
ابدا بالاسهل وهوا انك تتاكد ان مافيش هواء في دوره التبريد وده غالبا بيحصل لو غيرت المياه عند واحد موش فاهم او المياه نقصت منك اوي والقربه بقت فاضيه وزودتها
بعد كده دور العربيه وافتح الكبوت وانتظر لما الحراره توصل 90 ( المعدل الطبيعي ) زود بنزين علشان ترفع حراره الموتور وتشوف المروحه هاتشتغل ولا لا علشان تتاكد ان الثرموستات سليم
علشان تتاكد من طلمبه المياه لازم تفتح غطاء الردياتير وتدور العربيه وتستني شويه لحد ماتسخن وتزود بنزين وتشوف المياه بتفور يعني فيه تقليب اذا ماكانش فيه تقليب ده معناه ان الطلمبه خلاص او ثرموستات الكوعه قافل وهنا هاتحتاج ميكانيكي يفك الثرموستات وتعيد التجربه اذا حصل تقليب للمياه يباه العيب من الثرموستات اذا لم يحصل يباه عيب الطلمبه
نصيحتي شوف ميكانيكي جدع وهوا يعمل اللازم والموضوع سهل بس عاوز حد فاهم
وبالتوفيق اباه طمنا
1- المياه بتفور فعلا لو فتحت الغطا و زودت بنزين وبشوف المياه بتتحرك
2-الثرموستات بتاع الكوعه شايله
3- الهوا انا فتحت الغطا و سبت العربيه دايره اكتر من نص ساعه و كانت كل 10 ثواني الاقي فقاعه هوا
وفي الاخر بدات تقل جدا كل دقيقه ولا حاجه فقاعه
4- المروحه شغاله بس انا شاكك في مروحه التكييف
الغريب بقي ان انا لما العربيه بتسخن بعمل حركه غبيه بس بتحل المشكله
انا بفتح غطا الرادياتير (بكون ماسك قماشه تخينه وحامي نفسي كويس ) الاقي هوا مضغوط طلع و مره واحده الحراره نزلت طبيعي
ده معناه ايه
انا غيرت الغطا
اشتريت واحد جديد من المدينه شارع دمشق
انا رايح ان شاء الله عصام وصفا
بسي انته لما روحت عصام صفا اتكلفت كام هما قالولي الكشف بسي 150
ده معناه إن نسبة كبيرة سبب المشكلة هو غطاء الردياتير .. لأن كدة الغطاء تقريبا مش بيسمح بتبادل المياه والهواء بين الردياتير والقربة
على فكرة ياجماعة دورة مياه البروتون مش بيتاخد منها هواء ولا حاجة هي عاملة زي دورة المياه بتاعة أي عربية ياباني بتزود مياه وبعد كدة أي هواء في الدورة بيخرج لوحده من خلال القربة ... عشان كدة لازم بعد أي لعب في مياه الردياتير الواحد يتابع يوميا لمدة أسبوع مستوى المياه في القربة عشان كل شوية هايلاقيه ناقص يزوده من القربة فقط لا غير
طبعا بجانب مشكلة الصوت اللى بتسمعه ده لازم تكشف عليه لأن احتمال يكون الطلمبة فيها حتجة أو ضعيفة برضه ... ولازم كمان ترجع تحط ثرموستات الحرارة بس واحد أصلي من التوكيل مش من أي حتة تانية
انا روحت عصام وصفا
بصراحة معاملة ممتازة
ومهندس عصام حد كده ذوق لابعد درجة
معني قالولي الريداتير لازم يتغير لانه مخروم معني مكنشي بينقط ولا حاجة
بسسي اعمل ايه
حصلت معايا اكتر من مره وبتروح بغيل الرادياتير
مش دورة تنضيف لكن خلي حد يحل الرادياتير ويطلعه بره العربية خالص ويتغسل بمياه
ويستحسن تشيل ثيرموستات الكوعة خالص