افيدوني يا أهل الخبــــره ، كاوتش 13

**Adnfalcon** · 23-08-2014 04:06 PM

المشاركة الأصلية كتبت بواسطة أحمد عثمان

ياريت ياجماعة اللي عايز ينصح , يقول تجربة حصلت معاه , بلاش الكلام على السمعة و إن دي أكبر شركة في العالم و الحاجات دي , لأن كل شركة عندها الكويس و السيئ , فلازم نرجع للتجربة العملية.
ربنا يوفقكم.

انا مركب ميشلان ع فكره وبتكلم فتجربه عمليه لو لاحظت

**Boriooo** · 23-08-2014 08:36 PM

المشاركة الأصلية كتبت بواسطة adnfalcon

انا مركب ميشلان ع فكره وبتكلم فتجربه عمليه لو لاحظت

يا باشا انا ملاحظ ان حضرتك حاطط علامه اسكودا وكاتب عربتيك اوكتافيا ، فا معني كده ان عربيتك مقاسها 15 او 16 ، لو ده صحيح فا تجربه حضرتك مش هتكون مقيــاس مناسب ليا ، لأن اخويا معاه لانسر ومركب بريدجستون تورنزا 90 وبحس نفسي طاير من ع الارض من كتر الراحه ، وانا مركب بريديجستون وحاسس اني راكب توكتوك ، بتاعه ياباني وانا بتاعي اندونيسي ، فا علشان كده انا عايز تجربه كاوتش 13 ، ممكن حضرتك يكون الميشلان حلو في 15 ، لكن في ال 13 ألاقي نفس المشكله.. والبس في 1600 كمان مره ، ولا إيه رأي حضرتك ؟

**Boriooo** · 23-08-2014 08:38 PM

المشاركة الأصلية كتبت بواسطة أحمد عثمان

ركب الهانكوك, أنا مركبه حالياً و باسم الله ما شاء الله بقاله معايا 60000 و النقشة لسة فيها ممكن تشتغل كمان بس مش سفر.
و الحقيقة و لا بلالين و لا صوت عالي بس لما تقعد بيه زيي كده لحد أكتر من 55000 كم حتلاقيه بيصرخ في الفرامل صرخة مش جامدة بس واضحة.
التقييم العام ممتاز و طري و مفيش صوت و كمان سهره مناسب جداً على إمكانياته.
نصيحة بلاش تغلى أوي في الكاوتش لأن الشوارع في مصر للأسف ممكن تبهدل أجدع فردة.
إن شاء الله أنا ناوي أركبه تاني قريب.
ربنا يوفقك.

حضرتك انهي موديل ؟ وصناعته إيه ، واجيبه منين كويس علشان ميضحكش عليا ؟ :d وهل مقاس حضرتك نفس مقاسي ؟

**Adnfalcon** · 23-08-2014 08:41 PM

المشاركة الأصلية كتبت بواسطة boriooo

يا باشا انا ملاحظ ان حضرتك حاطط علامه اسكودا وكاتب عربتيك اوكتافيا ، فا معني كده ان عربيتك مقاسها 15 او 16 ، لو ده صحيح فا تجربه حضرتك مش هتكون مقيــاس مناسب ليا ، لأن اخويا معاه لانسر ومركب بريدجستون تورنزا 90 وبحس نفسي طاير من ع الارض من كتر الراحه ، وانا مركب بريديجستون وحاسس اني راكب توكتوك ، بتاعه ياباني وانا بتاعي اندونيسي ، فا علشان كده انا عايز تجربه كاوتش 13 ، ممكن حضرتك يكون الميشلان حلو في 15 ، لكن في ال 13 ألاقي نفس المشكله.. والبس في 1600 كمان مره ، ولا إيه رأي حضرتك ؟

انا فاهمك
ماهو أنا قلت ان في "أكتر" من نوع كاوتش ميشلان ودا نفس الكلام ف بردجستون اللي بيختلفوا ف مواصفات العجله . . تحمل درجه الحراره وسرعه قصوي و هكذا
انت تختار "الموديل" ذو المواصفات اللي نفسك فيها براحتك سواء ميشلان أو غيره

**S O P H O S** · 24-08-2014 03:17 PM

التويو لو بتنزل ياباني لسه
كاوتش ناعم فالمطبات متوسط فالتماسك

**Boriooo** · 25-08-2014 03:00 PM

المشاركة الأصلية كتبت بواسطة s o p h o s

التويو لو بتنزل ياباني لسه
كاوتش ناعم فالمطبات متوسط فالتماسك

اتصلت بموزع كبير للكاوتش قلي موجود ياباني وشكله صنايعي الي رد عليا ، اتصلت تاني رد عليا راجل عجوز قالي جنوب افريقي يا باشا . وبعدين بقا ؟

**أحمد عثمان** · 26-08-2014 11:39 AM

المشاركة الأصلية كتبت بواسطة Boriooo

حضرتك انهي موديل ؟ وصناعته إيه ، واجيبه منين كويس علشان ميضحكش عليا ؟ :d وهل مقاس حضرتك نفس مقاسي ؟

أولاً أنا المقاس عندي نفس مقاسك : 175/70/13
ثانياً أنا مركب ال optimo و كانت كوري
ثالثاً مكان التركيب وأفضل سعر لقيته كان في مركز النصر للإطارات الملاصق لقسم شرطة مدينة نصر ثاني في الحي السادس مدينة نصر في واحد هناك إسمه محمود شاطر جداً
السعر كان من فترة 320 جم شامل الترصيص و البلوف بس من غير نيتروجين
الإنتاج كان قبل التركيب ب 6 أشهر
الموديل بالضبط optimo H724 بس مش حتلاقي الموديل ده دلوقتي لأن الأحدث نزل.
بالتوفيق إن شاء الله.

**borio1704** · 26-08-2014 12:47 PM

علشان تاخد كاوتش طري فقدر الإمكان اسأل على حاجتين في الفردة اللي هتشتريها:

1- تاريخ الإنتاج

كل ما كان تاريخ الإنتاج حديث هيبقى الكاوتش أطرى... ويفضل ما تركبش كاوتش عمره أكتر من 6 شهور... لإن عمره الافتراضي أصلا هو 5 سنوات.

2- مؤشر تآكل المداس (Treadwear)

هتلاقي مكتوب على الفردة بخط صغير كلمة Treadwear وجنبها أو تحتها رقم زي 240... 340... 400... 560

كل ما كان الرقم ده صغير كل ما كان الكاوتش أطرى

بس خلي بالك... الكاوتش الطري بيتاكل بسرعة

...