العربية بتبطل وانا ماشى

**medo1978** · 18-08-2014 05:36 PM

كشفت من فترة ومفيش ارور ومش بغسل الحوض خالص بالمية بنزين 92 بس النهاردة بطلت ولما جيت ادور دارت علطول ولما وصلت للمشوار بتاعى دورت العربية وفتحت الكبوت وهزيت سلك الفيشة بتاعة الاسبراتير لقيت العربية برجلت وصوت الماتور على ورجع تانى لوضعة الطبيعى تفتكروا ان الاسبراتير فية حاجة عاملة كل دة

**hossamalsadik** · 18-08-2014 05:48 PM

أكشف كمبيوتر وشوف هيديك ايه
لان أعراض الموضوع عندك ممكن كذا حاجه ديك نفس الاعراض تقريباً بس طلما غيرت طرمبه وفلتر البنزين عندك تمام ونوعية بنزينك تمام يبقى مش فاضل غير حساس الكرنك وهل بيدى الفولتيه بتعته بأنتظام ولا لأ وده هيبان بكشف الكمبيوتر
الماتور لما بيبطل منك ومش عاوز يدور أختبر وشوف فى كهرباء ريحه للبوجيهات ولا قطعه
عطل حساس الكرنك بيخلى الماتور قاطع كهرباء بمافيهم طرمبة البنزين

**nesr6060** · 18-08-2014 06:02 PM

انا ارجح العيب فى كهربا البطاريه ممكن يكون الارضى مش متثبت او قواطيش البطاريه مملحه
لو بتغيب معاك فى الدواره اتاكد من ده

**hossamalsadik** · 18-08-2014 06:19 PM

المشاركة الأصلية كتبت بواسطة nesr6060

انا ارجح العيب فى كهربا البطاريه ممكن يكون الارضى مش متثبت او قواطيش البطاريه مملحه
لو بتغيب معاك فى الدواره اتاكد من ده

تقصد القطب الموجب (+ ) ممكن لاكن لماتقطع يعمل أختبار هل فيه كهرباء خارجه للبوجيهات وطرمبة النزين قطعه كهرباء هيا كمان وده فى اغلب ضفاير الكهربا بيكون الاتنين مرتبطين ببعض ولان ده من اعراض حساس الكرنك لو فيه كهرباء ( شرز ) يبقى يبص على اقطاب البطاريه خاصة الموجب لانه بيكون مملح ولمنح التمليح يعالج بوضح الشحم الابيض عليه

**hossamalsadik** · 19-08-2014 05:30 PM

واقرأ الموضوع ده هتاخد منه معلومات هتفيدك
http://www.nilemotors.net/Nile/313358-sensor.html
بعد ماتكشف كمبيوتر ميكانيكى الفولكس هتلقيه عارف مكانه وهيغيرهولك بسهوله
بالتوفيق

**SYD** · 22-08-2014 04:40 AM

اولا اهلا بيك في المنتدي
المشكلة دي حصلت معايا
وكان السبب ان الأسبراتير راكب بالشقلوب
صحيح هو دائري الشكل لكن له عدلة معينة وهي ان الكتابة تكون واضحة قدامك
ثانيا غيرت ضفيرة الموتور (بيسموها ضفيرة الأنجيكشن)

تحياتي