check gearbox

**ah-gawad** · 19-08-2014 10:04 AM

المشاركة الأصلية كتبت بواسطة monamize4

لازم تعمل سكان و تشخص العطل بالكمبيوتر ,, عشان توصل لتشخيص اكيد
و الصراحة ما انصحكش انك تسافر بالعربية و هى ف الحالة دى

ما هي المشكلة ان انا اصلا سافرت و خلاص فباذن الله ضروري اعرف ايه سبب المشكلة علي الاقل و ابعادها ايه علشان مشوار العودة ان شاء الله

**ah-gawad** · 19-08-2014 11:15 AM

علي فكرة انا شفت زيت الفرامل و لقيت منسوبه تمام

**Hany Saad** · 19-08-2014 09:52 PM

الموضوع كده واضح ان الصنايعى اللى اشتغل فى العفشة محطش حساس ال abs مكانه صح...وجب مراجعة هذه الجزئية لما ترجع بالسلامة
بالنسبة لموضوع الفتيس.....حضرتك للأسف معندكش حلول أخرى غير انت ترجع عليها بهذه الحالة و لكن اختار وقت طرواة زى الصبح بدرى و متقرصش عليها و لما ترجع لازم تكشف......انصحك بالتوكيل فرع العامرية
محدش فى مطروح هيفهم فى فتيس الميجان.....ان شاء الله مش هيحصل حاجة....الموضوع تفويت ضغوط مش اكتر....

تحياتى

**ah-gawad** · 21-08-2014 10:13 AM

المشاركة الأصلية كتبت بواسطة fancy_man22

استاذى الفاضل المشكله بتاعت حضرتك سهله جدا بأذن الله
الحل هترفع العربيه بالكوريك من عند العجل الامامى و تبص من تحت على فيشه صغيرة بتركب جنب العجل هتلاقى وتحدة نت الاتين مفكوكه او مش راكبه كويس وهتلاقى ساعتها لمبه الابى اس انطفت وكما نمعاها لمبه السيرفس و الرساله راخت ليه ؟؟ لان الاتنين متصلين ببعض عن طريق الفيشه
انا حصلت معايا ف مره وكنت ف التوكيل و بجرب العربيه لاقيت الى حضرتك حكيته بالظبط حصلى رجعت و قلتلهم بمنتها الثقه رفعوا العربيه و نزلوا بصوا على الفيش دى و فعلا واحدة كانت مفكوكه من مكانها ف سألت طب ليه شيك جير بوكس قالى علشان حساس الابى اس بيخلى الفتيس يطلع على 3 ويخليه مش فاهم اى حاجه من الكمبيوتر ف لازم يطلعلك الرساله دى انا بصراحه مركزتش معاة علشان كنت تعبان و مفرهد
ودى النهايه الفيشه الى ورا العجل واحدة مخلوعه من مكانها او مهزوزه وكله هيبقى تمام

هشوفها النهارده و يا رب تطلع بسيطة ان شاء الله

**ah-gawad** · 21-08-2014 07:31 PM

اولا اود ان اشكر كل من شارك و ساهم في حل المشكلة. ثانيا انا رفعت السيارة بالكوريك بتاعي لقيت فيشة الabsللعجلة الشمال مفكوكة ركبتها و لقيت كل حاجة تمام و لله الحمد و الفتيس بينقل بسلاسة و مفيش اي alarmsلكن يتبقي لمبة الserviceمنورة مش عارف ليه؟

**أسامه الحسيني** · 23-08-2014 01:58 PM

المشاركة الأصلية كتبت بواسطة ah-gawad

اولا اود ان اشكر كل من شارك و ساهم في حل المشكلة. ثانيا انا رفعت السيارة بالكوريك بتاعي لقيت فيشة الabsللعجلة الشمال مفكوكة ركبتها و لقيت كل حاجة تمام و لله الحمد و الفتيس بينقل بسلاسة و مفيش اي alarmsلكن يتبقي لمبة الserviceمنورة مش عارف ليه؟

اولا مبروك ان المشكله طلعت بسيطه ثانيا لو ما فيش اى لمبات تانيه منوره يبقي توكل على الله وفك فيش البطاريه 10 دقائق وركبها تانى هتلاقى لمبة الـ service طفت ان شاء الله