ارجو المساعدة فتيس ميجان 2 توقف عن العمل

**M.elsabaa** · 12-08-2014 03:30 PM

السلام عليك و يا جماعة ياريت بعد اذنكم لو اى حد يقدر يساعدنى ,
انا عربيتى ميجان 2 2008 هاى لاين عندى مشكلة ظهرت من يومين و مش عارف اعمل ايه بصراحة .
ببساطة انا ماشى من يومين بالعربية و داخل شارع يمين و فجاة زى م اكون خبط طوبة كبيرة فى نص العربية نزلت اشوف ملقتش اى حاجة ركبت العربية و نقلت ل d و ادوس بنزين و العربية مبتتحركش RPM يعلى كانى على ال N جربت ال R نفس ال D كأنى مش مديها نقلة و لما انقل من ال R الى P صوت تكتك كان ترس بيحاول يعشق لغاية م اشيل ايدى من على الزار فى الفتيس و على فكرة العربية و هى على ال P مش معشقة كأنى بردو على ال N .
يا جماعة ارجوكم الافادة اعمل اية , اروح لمين , احتمال اية يكون بايز .

شكراّ و اسف على الاطالةز

**proff** · 12-08-2014 04:11 PM

المشاركة الأصلية كتبت بواسطة m.elsabaa

السلام عليك و يا جماعة ياريت بعد اذنكم لو اى حد يقدر يساعدنى ,
انا عربيتى ميجان 2 2008 هاى لاين عندى مشكلة ظهرت من يومين و مش عارف اعمل ايه بصراحة .
ببساطة انا ماشى من يومين بالعربية و داخل شارع يمين و فجاة زى م اكون خبط طوبة كبيرة فى نص العربية نزلت اشوف ملقتش اى حاجة ركبت العربية و نقلت ل d و ادوس بنزين و العربية مبتتحركش rpm يعلى كانى على ال n جربت ال r نفس ال d كأنى مش مديها نقلة و لما انقل من ال r الى p صوت تكتك كان ترس بيحاول يعشق لغاية م اشيل ايدى من على الزار فى الفتيس و على فكرة العربية و هى على ال p مش معشقة كأنى بردو على ال n .
يا جماعة ارجوكم الافادة اعمل اية , اروح لمين , احتمال اية يكون بايز .

شكراّ و اسف على الاطالةز

بيتهيالي يا صليبه كوبلن يا كوبلن مكسور

**Moratoz** · 12-08-2014 04:17 PM

كوبلن ملص من مكانه او كسر

**M.elsabaa** · 12-08-2014 08:49 PM

متشكر جدا لكل الناس اللى ردت , بس مين كويس اقدر ارحلو عشان يحدد المشكلة فين وبالنسبة لرد الاستاذ mecha هل فى مكان اقدر انا اشوف زيت الفتيس ؟؟؟

**أسامه الحسيني** · 13-08-2014 10:02 AM

كدا يبقي كوبلن الداخلي اكسر
وعلشان تتاكد ارفع العربيه بالكوريك من عند العجله الاماميه يمين بعد ما تكون فكيت العجله طبعا واكسر الدركسيون وهات الفتيس على ال D or R هتلاقي الكوبلن الخارجي بيلف لكن الاكس الى ماسك فى العجله فاصل
فى واحد مشهور اسمه محمد كوبلن فى صقر قريش المعادى كنت عملت عنده الكوبلن الداخلى من اسبوعيين تقريبا
وكانت المشكله عندى رجرجه فى السرعات من 50 - 90 كم/س وكان فيه صوت هبده لما اجى انقل وضعيت الفتيس من P - R والعكس او بين النقلات

**M.elsabaa** · 20-08-2014 01:42 PM

يا جماعة انا صلحت العربية , و شكراّ لكل الناس اللى حاولت تساعدنى .
المشكلة فى الاخر طلعت فى وصلة الكوبان اليمين الداخلية اللى واصلة فى الفتس هى المفروض مشرشرة الوصلة دى كانت اتنحت ف مش بتنقل الحركة من الفتيس ل العجل

**أسامه الحسيني** · 21-08-2014 11:43 AM

مببروك على الاصلاح وربنا يجعلها اخر الاحزان

**ah-gawad** · 22-08-2014 07:55 AM

طيب عيب زي ده ايه هي المقدمات اللي تقول ان الكوبلن قرب يبوظ خالص علشان يتغير بدل ما الواحد يستني لحد ما تقف خالص كده

**أسامه الحسيني** · 23-08-2014 01:56 PM

عندى كان بيظهر رجره فى السرعات من 50 كم الى 90 كم فلما سالت قالولى يبقي كوبلن رحت مشحمه ظهر هبده جامده فى الفتيس لما اجى انقل من p- r - d وفعلا لما فك الكوبلن كان منحول والحمد لله انى لحقته قبل ما تعطل بيا
وفى ناس تانيه بتقول ان من اعراضه انه فى الملفات بيبقي فيه صوت طقطقه
هذا والله اعلم