السلام عليكم...

يمكن دي اول مرة اشترك في اي منتدى على الاطلاق، بس بصراحة حسيت اني لازم اشارك و استفيد من خبرات الناس هنا لأني مبسوط من تعاون الناس هنا.

انا قررت اني اشتري الامجراند بفضل الله بس مش عارف هل اشتريها من غبور مباشرة و لا من خلال أي معرض مع العلم بأن غبور بيبيع ب 86500 و المعرض اللي شفت فيه اللي هو "الابيض" بيبيع ب 86000 بس!

مندوب غبور خوفني و قاللي ان المعارض بتضحك على الناس و ممكن يركب كاوتش كوبي و يغير البطارية و الكلام ده! هل ده صحيح ولا بيشتغلني علشان اشتري من عنده؟!

و كمان عايز اعرف ايه الفرق او ايه المميزات اللي هتعود عليا لو اشتريت من غبور مباشرة؟ هل فيه فايدة اصلا؟

و ايه قصة التأمين ؟ هل هتفرق من مكان للتاني و لا انا المفروض اعمل ايه؟

معلش اخر سؤال و اكون شاكر للجميع، ايه الحاجات اللي أشيك عليها وانا بستلم العربية؟ و العربية اللي هستلمها المفروض تكون عاملة كام كيلو كحد أقصى؟ انا عارف اني طولت عليكوا بس اصلي اول مرة اشتري زيرو.

شكرا للجميع...