السلام عليكم...
يمكن دي اول مرة اشترك في اي منتدى على الاطلاق، بس بصراحة حسيت اني لازم اشارك و استفيد من خبرات الناس هنا لأني مبسوط من تعاون الناس هنا.
انت نورتنا
انا قررت اني اشتري الامجراند بفضل الله بس مش عارف هل اشتريها من غبور مباشرة و لا من خلال أي معرض مع العلم بأن غبور بيبيع ب 86500 و المعرض اللي شفت فيه اللي هو "الابيض" بيبيع ب 86000 بس!
زى مانت قلت المعارض بتنزل فسعر العربيه عن التوكيل .. بجانب ممكن يدوك هدايا و الاهم بيسلموك فورى لو اللون موجود عكس غبور ممكن اسبوعين تلاته لكن ميزة التوكيل انك ضامن العربيه جايه على كساحه مش حد سايقها لكن اغلب المعارض بيجيبوا العربيات سواقه .. عاوز نصيحتى هات من معرض كبير زى سمير ريان.
مندوب غبور خوفني و قاللي ان المعارض بتضحك على الناس و ممكن يركب كاوتش كوبي و يغير البطارية و الكلام ده! هل ده صحيح ولا بيشتغلني علشان اشتري من عنده؟!
لا طبعا مش للدرجادى هو عاوزك تجيب من عنده
و كمان عايز اعرف ايه الفرق او ايه المميزات اللي هتعود عليا لو اشتريت من غبور مباشرة؟ هل فيه فايدة اصلا؟
ذكرتهالك فوق
و ايه قصة التأمين ؟ هل هتفرق من مكان للتاني و لا انا المفروض اعمل ايه؟
نصيحه مصر للتامين لان تامين غبور غالى
معلش اخر سؤال و اكون شاكر للجميع، ايه الحاجات اللي أشيك عليها وانا بستلم العربية؟ و العربية اللي هستلمها المفروض تكون عاملة كام كيلو كحد أقصى؟ انا عارف اني طولت عليكما بس اصلي اول مرة اشتري زيرو.
تتدور العربيه تسمع صوت الموتور تتاكد ان اللمض بتتطفى بعد ماتتدور زى لمبه الabs.ebd الايرباج و تشغل التكييف و الكاسيت و الازاز والانوار ..تفتح الشنطه من جوه و بالريموت وتتاكد من العده كامله و ربنا يباركلك فيها
شكرا للجميع...
تحت امرك
المفضلات