الموضوع: مشكلة في صني الشكل الجديد

السلام عليكم

يا جماعة انا معايا العربية عاملة 2500 كيلو موديل 2014 و من فترة كان اكتشفت ان ولاعة العربية مش شغالة و رحتلهم التوكيل اللي في شارع التحرير و هما مشكورين حلوا المشكلة قالوا ان الفيوز كان بايظ و اتغير

المهم العربية عملت حركة غريبة معايا مرتين و مش عارف ايه سببها .. اول مرة حصل الموضوع ده من فترة دورت العربية و جيت اشغل التكييف لقيته فاصل المهم طفيت العربية و شغلتها تاني اشتغل تمام

و بعدين الاسبوع اللي فات اتكرر نفس الموضوع ده و لقيت التكييف و الكاسيت مفصولين فا يا ريت لو حد يعرف المشكلة دي سببها ايه و هل دي حاجة خطر ؟