المشاركة الأصلية كتبت بواسطة ashourashour
موضوع فلتر التكييف:
انا لما قلت الفرنا من غير فلتر تكييف دا باكد بيه ان الفرنا اللي مفهاش فلتر تكييف اصلا تكييفها احسن من الاوبل ابو فلتر والعربيتين في نفس الجو والتراب و كلنا اصلا بنقفل البوابه.
طيب لو فى حد فتح البوابة ؟ طبعا الكبينة هتتملى تراب والثلاجة هتتملى زبالة وتراب وورق شجر والتكييف مش هبسقع بكل كفائته صح كدة اذن الفلتر له عامل كبير فى المحافظة على كفائة التكييف
ردك بياكد كلامي ان اللي مش راكبلها فلتر اصلا تكييفها احسن من اللي راكبلها فلتر و دي مش فصالح الاوبل
موضوع التعقيد:
لامؤاخذه العك مش التعقيد بتاع شويتشات و كتاوتات وضفاير التكييف بتاع الفكترا بي اصلا مش موجود فالاحدث منها الفكترا سي ولا الاسترا اتش مفيش الكلام ده خالص
الموضوع بقى ابسط من البساطه يعني في pressure transmitter بيبعت اشاره analog لكنترول الموتور عشان يعمل بيها كل protections و الكمبرسور ليه كتاوت واحد بياخد اشارته من كمبيوتر الموتور و المراوح بتاخد اشارتها مباشره من كنترول الموتور طبعا عن طريق ريليهات ... فبص متقوليش اللي جاي اعقد التعقيد بيكون في التحكم في البوابات والفلابارز و حساس الشمش والديوال زون و الحركات اللي جوا الصالون اللي ملهاش دعوه باساسيات التكييف !
التكنولوجي فالتكييف مش في الاساسيات زي ما قلتلك لا بتكون في الرفاهيه في الصالون في ال auto climate control unite
اولا انا اقصد بكلمة تعقيد اى التعقيد فى الصيانة فكلما زادت التكنولجى تعقيدا كلما زادت صعوبة الصيانة ثانيا نظام التكييف والتبريد اللى فى الفكترا دا مش عك ولا تعقيد دا بسيط جدا ففى الصيانة مثلا لو ريلاى[ كتاوت ] او سويتش باظ هتعرفه بسهولة وهتغيره بافل التكاليف واى صنايعى ممكن يعمله اما فى الفيكترا سى والاسترا اتش فمعظم الوظائف والانظمة فيهم على وحدات تحكم زى مثلا ال cooling module ودة موجود حاليا فى كل السيارات الحديثة دا لو باظ هتغيره كله وتكلفة كبيرة وصعب حد يصلحه الا لو متخصص لو وجد وعرف كمان يصلحه دا بقى هو التعقيد اللى انا اقصده
مفهومي للصيانه هي الحاجات اللي لازم تتعمل بمعدل ثابت يعني مثلا كل كذا كم او كل شهر او كل سنه لازم تعمل حاجات معينه ... لما نتكلم عن التكييف ممكن اقول الصيانه الاتي : تغيير فلتر تكييف .. تنظيف السربنتينه .. تنظيف التلاجه ودي محدش بيعملها ولا في اي عربيه لكن زي بعضو و ممكن تراجع ضغط شحنه الفريون تسمع اي صوت من الكمبرسور ..... دي الصيانه مفيش حد بيعمل صيانه لضفيره ولا سويتشات ... اذن كل العربيات متشابهه في اعمال الصيانه الاختلافات هتكون مكان الفلتر .. مكان التلاجه مش اكتر .
موضوع الاصلاحات بقى لو في عطل موضوع تاني و تشخيص العطل .. انهي اسهل في تشخيص عطل التكييف ... فكترا بي ولا سي ؟ قطعا قطعا قطعا فكترا سي ! و مفيش cooling module او كمبيوتر مراوح في الفكترا سي او الاسترا اتش انت اكيد تقصد ال hvac control unite او وحده التكييف اللي هيا البورده اللي عليها مفاتيح التكييف واللي لو بايظه بتتغير بمنتهى البساطه مبتتصلحش و بيتكشف عليها بالtech2 وبتحدد العطل في 3 دقائق فالتكنولوجي سهلت الموضوع مصعبتش الموضوع ... لكن موضوع الفلوس بقى اكيد اصلاح عطل فالبي ارخص بكتير من السي
ولما تكييف الفكترا بي بسيط جدا تكييف الفرنا يبقى اه ؟
صيانه تكييف الفرنا : ولا الهوا نفسي ملاكها يشتركوا معانا فالحوار .. انا كنت من ملاكها
زى ما قلت سابقا دى عربية بسيطة وصيانتها هتكون قليلة وبسيطة على قدها
اعمال الصيانه الدوريه مش هتختلف كتير تقريبا هيا هيا
ضفيره الموتور: ايوه الكمبرسور بياخد اشارته بالمرور على كنترول الموتور و لو لغيت الموضوع ده بيقلل عمر الكمبرسور (ليا تعليق عالموضوع ده في النهايه )
عايزين بقى ندردش شوية عن دواير سويتشات التكييف والمراوح ولو حتى على مراحل
الكمبرسور يا شغال يا مش شغال !!! ملوش درجات (موضوع انك تدوس بنزين يسقع اكتر الكمبرسور ده كل سنه وانت طيب )
حد قال غير كدة
ايوه انا بقول انا معاك فالجزئيه دي يعني :Copy of new:
كل السويتشات اللي بتتكلم عليها دي كل اللي مطلوب منها ببساطه شديده تبرد السربنتينه و تفصل الكمبرسور لو ضغط الفريون زاد او قل مش اكتر من كدا
تمام بس هل كل دا ما يأثرش على كفائة التكييف يا راجل؟ اصل انت بتقول [ سويتشات الضغط للحمايه ملهاش اي دعوه بكفاءه التكييف ياما يشتغل ياما ميشتغلش ]
واخيرا
هاتو كمبرسور جديد و شغلوا المراوح كلها بجمبر على اعلى سرعه و نضفوا التلاجه و ظبطوا شحن الفريون على كلامكم التكييف هيكون تلاجه ( محدش يقولي منظومه التكييف هيكون ناقصها حاجه بالوضع ده )
وهاتوا عربيه فرنا عامله 100 الف كم و شغلوا تكييفها وقارنوا بين الصالونيين
دا تحدى غير مبرر
تقدر تقولى من واقع خبرتك ايه الاسباب العلمية والتجارب العملية فى ان تكييف الفيكترا ضعيف من وجهة نظرك ؟
دا سؤال صعب قوي سبني افكر فيه شويه عشان انا مركزتش في حلول للموضوع ده عشان انا مش بحب التكييف التلاجه بس مكان المواسير ده ليه تاثير جامد جدا طريقه التكييف السخن ليها تاثير بردوا .. هدرس الموضوع و نتكلم ان شاء الله
انا مركبتش عربيه اوبل في حياتي (مش هقول قد اه ) وكان تكييفها تلاجه .. تلاجه ده مصطلح كبير قوي على فكره و الموضوع فالاخر نسبي يعتمد على تجاربك مع التكييفات في عربيات مختلفه
ممكن انه لم يحالفك الحظ بركوب فيكترا بى تكيفها سليم وعلى فكرة تكييف الفيكترا لو مضبوط بيبقى فعلا تلاجة وعن تجربة
وفعلا زى ما انت قلت الموضوع فالاخر نسبي يعتمد على تجاربك مع التكييفات في عربيات مختلفه
يا ايمن انا قعدت سنه ونص في توكيل منصور طالع نازل من عربيات طول النهار ! تفتكر محالفنيش الحظ ؟ انا بنيت تجاربي على عربيات مصر انت بنيت تجاربك على عربيات برا مصر لا مواتيرنا ولا كمبرسوراتنا ولا جونا
تاني تكييف الاوبل مش وحش .. لا تكييف كويس و محترم خصوصا من اول الفكترا سي والاسترا اتش ... مع احترامي للجميع مش تلاجه نهائيا
تمام ودا راى شخصى ويحترم
ومواسير التكييف ليها عامل كبير جدا جدا جدا
مش اوى كدة
لما تبقا مسوره التكييف المتلجه بينها و بين الشكمان 10 سم او اقل !!!! دي ناس بتفكر فتكييف ؟
انت بتقارن بعربيات اه يا ايمن ؟ يعني قولي عربيه بعينها بلاش كلمه كوري او ياباني
حضرتك اللى بتقارن وحضرتك اللى دخلت الفيرنا فى الفيكترا والاثنين مفيش اى وجة مقارنة بينهم فى كل حاجة لو عايز تقارن يبقى تقارن فيكترا بفكترا اوبل باوبل مش هيونداى باوبل
ازاي ؟ امال تبقى مقارنه ازاي ؟ عارف انت كائنك بتقول نعمل دراج ريس بين عربيتين زي بعض بالظبط ! كلنا بشوف المقارنات بين عربيات في نفس الفئه .. دانا مقلتلكش 720 دانا بقولك فرنا يعني موتور 1600 و فئه اقل منك بكتيير
انا مشكلتي اني مش بتحيز للحاجه اللي بمتلكها سواء عربيه او غيروا الواحد بيقول اللي ليه واللي عليه والمميزات والعيوب
انا بقى مشكلتى ان معظم العربيات اللى ركبتها كانت هنا فى اوروبا وكلها كان تكيفها كويس مش عارف انت ليه بتقول ان مفيش فيكترا واحدة فى مصر تكيفها حلو؟ ياترى ايه السبب؟ [دعوة للنقاش ]
السبب قولتهولك من مرمطي فالتوكيل لما كل يوم تركب 10 عربيات في سنه ونص اظن فتره كافيه تبني تصور
وهفضل اقول الموضوع ده عالايزيترونك لما قولتلكم فتيس فاشل ومشاكله كتير كل عضو معاه فكترا سي او استرا اتش عدادها قليل ولسه معملتش مشاكل معاه قالي انت كداب ومبتفهمش حاجه وده من اعظم الفتايس و اوبل هيا امي يا سيدي على عيني وراسي اسمع من واحد واقف في توكيل و كل يوم مشاكل من الايزيترونك .. ابدا
فعلا مفيش حد هنا متحيز لحاجة بس لازم المقارنة تكون عادلة
انا جايبلك فيرنا !!! انا اتوقع تقولي كدا لما اجيبلك اعلى فئه من مرسيدس ولا بي ام مثلا !
دواير سويتشات التكييف والمراوح عايزه موضوع لوحدها تلات اربع صفح عشان نتكلم عنها بالتفصيل
تحياتى ليك وللجميع
وتحياتى لك يا باشمهندس احمد وللجميع ويسعدنى ايضا انا اقول اننى لا انكر اننى استفدت كتير منك ومن خبراتك الممتازة وسعدت بالنقاش معك جدا ولازلت اسعد لتعم الفائدة على الجميع