المشاركة الأصلية كتبت بواسطة medosalah
استاز احمد
اولا انا كلامي استحاله يكون موجه لحضرتك ,, حضرتك بالزات كل كلامك بيبقي بناءا علي تجارب وعلم
ده انا حتي سعات مش بفهم بعض المسائل اللي حضرتك بتشرحها من كتر ماهي معقده وعايزه واحد فاهم العربيه مش هاوي وعلي قده زيي انا.
الكلام اللي حضرتك قولته سليم ميه في الميه
بس لو تعبت نفسك شويه وقريت الموضوع كله هتلاقيني قايل ان الهوا اللي خارج من التكييف هو اللي بيبقي ساقع لكن العربيه وعيب تصميم العزل بتاعها هو اللي عامل المشكله لانه لا يعزل الحراره علي الاطلاق.
.. وده يخلي العربيه زيها زي اي عربيه كوري مثلا بس بعد التكييف ما يشتغل ب نص ساعه او ساعه علي الاقل صباحا او لما تبقي ماشيه بليل
انا كل اللي بيستفزني ان هو اللي يقول ان تكييف اليباني او الكوري لا يقارن بالاوروبي
طب يفكر يروح يركب اوبل جديد زي الاسترا او فيكترا سي او حتي بي بس مظبوطه ويبقي يقارن بعدين
وكمان كلمه تلاجه دي برده مش بحبها لان اي عربيه تكييفها شغال حتي لو بينطق بالعافيه هيقول عليه تلاجه
تلاجه دي لما تحط السنسور في الصالون العربيه ودرجه الحراره تبقي صفر او 2 بالكتير
انما يقيس الحراره من فتحه التكييف ويقول تلاجه؟؟؟؟؟؟؟؟؟؟؟؟؟
ده لو جبت تكييف منزلي 3 حصان استحاله ينزل درجه حراره الغرفه عن 18 او 16
انا اسف لو كلامي ضايق اي حد بس فعلا لم اقصد بكلامي استاز احمد عاشور نهائيا
ولا اقصد بكلامي اي اساءه نهائيا لاي احد من الاعضاء الكرام
انتم ليكم عندي معزه خاصه والله
انا اسف لو كلمه ( تستفزني) ضايقت اي احد منكم بس انا من النوع اللي مبيحبش المعتقدات اللي بقت راسخه عندنا زي مثلا ان قطع غيار الكوري والياباني رخيصه او ان تكييف اي عربيه كوري افضل من الالماني وهكزا