تحذير من اتقان ديكوريشن جروب Itqaan

**A.Saad** · 10-09-2014 03:09 PM

تعليقاً على كلام المهندس باسم شوقى

ما ينفعش حضرتك تقول انا لسة مخلصتش وفيه شغل
لان ببساطة العميل من حقه انه يشوف ويراجع الشغل فى اى مرحلة
ويطلب لو هى مش مطابقة المواصفات واصول الصنعة انها تتعدل وتتعمل مظبوط
لان الاستمرار معناه خسارة لخامات ووقت العميل
والصنايعى المفروض يعرف بكل بساطة ان ده خسارة لوقته وممكن مصنعية او تحميله بالخامات كمان

فى الخرسانة مثلا العميل من حقه يراجع كثافة الحديد ولا مكونات خلطة الخرسانة قبل واثناء الصب

**A.Saad** · 10-09-2014 03:13 PM

- الشقة دي طولت جدا - ده حقيقي - و ده خسارة على اللي بينفذ - اكتر من صاحب المكان - بس يا ترى ايه السبب - الحقيقة اسباب كتير -في مرحلة تصميم - و بعدها في تعديلات اتطلبت و احنا شغالين - و حاجات اتغيرت خالص - و اضافات - و في اوقات نقص فيها التمويل -ثم اختلفنا مع العميل و الشغل وقف - ثم رمضان و العيد - ثم اختلفنا تاني - وهكذا.... بجانب تضارب الاراء بين المهندس محمد و من كانوا ينوبون عنه لظروف سفره - المدام و اخوها...

باشمهندس باسم
الشغل الصح ليه اصول
حتى لو فيه تضارب اراء ممكن تؤثر على لون او ماركة خامة
بس طريقة التنفيذ مش هتختلف
ما ينفعش مثلا معجون ما يصنفرش ولا خشب ما يتخدمش علشان العميل عايز كدة
وده اللى بيؤثر على جودة الشغل

**احمد المصرى** · 10-09-2014 03:34 PM

مهندس باسم ارجو انك تنزل المستندات ال انت اتكلمت عنها فى مشاركتك على المنتدى مش مجرد كلام ذى ما صاحب الموضوع عمل

**م. حاتم السباعي** · 10-09-2014 03:43 PM

المشاركة الأصلية كتبت بواسطة falcon.crest

مهندس حاتم انا اتربيت في بيت علي ان كلمه الرجل سيف علي رقبته و ملتزم باي شئ تجاه البني ادم ده لو ليه حقوق
المصيبه انه عارف ان الشغل زفت و مش هايرضي يدفع اي مليم لو طلع عليه حق
و انا لسه بكرر العرض بتاعي

اﻻخ الكريم الفاضل المهندس محمد

انا تابعت الموضوع كله ولم اتدخل فيه ﻻني لم اري سوي ما عرضته انت فقط

ثم بدأ اﻻخ الفاضل المهندس باسم بالرد في نفس الموضوع ورأيت اننا بذلك لن نصل لحل من وجهة نظري ﻻن كل منكما سيذكر الموضوع من وجهة نظره وحين اقترحت حضرتك فكرة التحكيم وانك ستكون ملتزم بما ستسفر عنه هذه الجلسة في وجود مهندس استشاري كل منكما قد شكر فيه وفي خبرته ودماثة خلقه
وحتي ان المهندس باسم بنفسه قال اللي حابب يتأكد من صدق روايته عليه باﻻتصال بالمهندس احمد

اذا بدﻻ من ان يتصل اﻻخوة اﻻعضاء بالرجل فها هي الفرصة ان تجتمعا في وجودة وبكل احترام متبادل يتم التحكيم

وبعد التحكيم يتم نشر ما اسفر عنه التحكيم ليعود الحق ﻻصحابه فأذا كان الحق مع حضرتك ينتهي الموضوع بالترضية المناسبة التي سيحكم بها التحكيم لك ويقوم بدفعها المهندس باسم وذلك نتيجة اﻻضرار التي لحقت بك ويعتذر المهندس باسم في الموقع عما حدث ويعد بعدم تكراره مع اي عميل اخر مستقبلا

واذا كان الحق مع المهندس باسم تقوم حضرتك بدفع ما سيسفر عنه التحكيم من دفع اي مستحقات له وكذلك ترضية عن التأخر في دفع هذه المستحقات وتعتذر بموضوع هنا ويتم حذف هذا الموضوع

يعلم الله اني لم اتشرف بمعرفة ايا من طرفي النزاع ولكنها محاولة مني للتدخل حين رأيت بادرة امل لحل هذا الموضوع بالمبادرة التي طرحها المهندس محمد لرجوع الحق لصاحبه ايا كان

تحياتي للجميع

**الريس** · 10-09-2014 04:15 PM

لا امانع في التحكيم و لكن - اولا لابد ان يعتذر المهندس محمد عن اساءاته الشخصية اللي ملهاش اي علاقة بالشغل
سواءا ما قيل او ما كتب
علشان اعرف اقابله اصلا
و يتم حذفها تماما من اي كلام مكتوب هنا او في اي مكان
ثانيا
يتم التحكيم في وجود
الاستاذ كريم منير
المهندس احمد من طرف مهندس محمد لانه حضر التشطيبات في نهايتها و عارف المواقف مشيت ازاي
مهندس استشاري لا يختاره لا انا و لا مهندس محمد - و يا حبذا يكون طرف لم يتدخل في الموضوع حتى الان لا لي و لا له و لم يزر الشقة و يا ريت يكون من الاعضاء الافاضل او اقاربهم
مهندس محمد
و فقط

ملحوظة مهندس محمد لم يرد على و لا نقطة مما كتبت
بينما اثار نقاط اخرى رديت عليها للمهندس اللى من طرفه و نهينا الكلام فيها - و يتعمد تكرارها لان الاعضاء لا يعرفو عنها شيئا

و هاكتب مثال واحد للتدليل
مواسير التكييف
مهندس محمد طلب نوع تكييفات معين - و قدرة معينة - و موديل معين
باناسونيك - انفرتر تكنولوجي - 3 حصان
بناءا على طلبه
كلمنا الشركة و جاء فني من طرفهم
و حدد الاماكن و قال انهم بيركبو مواسير عادية مش ايطالي
كلمت مهندس محمد و قلت له اننا هنعمل مواسير التكييف
و عملناها
مهندس محمد مجابش فلوس التكييفات -
و احنا ماشتريناهاش علشان مجابش الفلوس
لما جه يشترى
كان الموجود 2 و ربع حصان - و بالتالي مكان المواسير بيختلف لاختلاف حجم الفانة بتاعة التكييف
كلمنا مهندس محمد
و قرر تأجيل التكييف
ثم بعد ما طرد الناس من شقته
قرر يركب التكييفات - و اختار ماركة تانية خالص - gree
اماكن مواسيرها مختلفة و احجام الفانة مختلفة
كلمنى مهندس احمد من طرفه و شرحت له - و الراجل اقتنع -
بس هو بيذكر الموضوع بس علشان الناس مش عارفة - مع انه عارف
يبقى ده ذنب مين

على فكرة انا لم انفي وجود بعض الحاجات اللي عادة بتتساب للتشطيب النهائي لاحتمال تكرارها
زي بلاطة تكون فيها عيب - باستنى لان ممكن تنكسر بلاطة تانية في حمام و السباكين بيشطبوا او ماشابه - فبيكون يوم واحد لكل صنايعي يلم شغله فيه - و ده قصدي باني مسلمتش شغل - طبع شغلنا كده - لكن مع الاسلوب السيء و الكلام المهين للعاملين بالشقة و كمان عدم الدفع - مين هيعمل ده و لا ده...

آخر حاجة باكررها معلش - لو كان هدفنا اننا نضحك على العميل او ناخد فلوسه - كنا انسحبنا و معانا حاجته اللي كانت تساوي فوق 75 ال في مخازننا - مع اول اساءة منه - و كان هيكون لينا كل الحق - و نقعد نصفى و احنا حاطين رجل على رجل - انما احنا استجبنا لكلام المهندس احمد من طرف مهندس محمد - ان الراجل مينفعش نسيبه كده - و خصوصا و هو ظروفه المادية وقتها- طبقا لكلامه و كلام مهندس احمد - صعبة - و لازم ينقل من شقته القديمة -- و ضغطت على الناس تكمل و انا ليا فلوس مصفيتهاش - انما النية كانت انه ياخد الحاجة و يوقف شغل - مش اكتر

**م. حاتم السباعي** · 10-09-2014 04:16 PM

المشاركة الأصلية كتبت بواسطة falcon.crest

مهندس حاتم انا مستعد اعمل كل الي انت كتبته اعلاه
المهندس احمد مش استشاري
بس هايتم التعاقد مع استشاري 25 سنه خبره نقابي لصمان الحياد

بس انا بقولك من الان هو لن يدفع مليم واحد انا كنت حنفيه فلوس بالنسبه ليه و فقط مش عمبل

اشكرك علي التوضيح

وها انت قد قدمت عرضك وها نحن ننتظر ان يلبي الدعوة للتحكيم من طرف استشاري لكي يبرئ ساحته ويرد حقه لو له حق او ان يقوم بدفع ما افسده ان كان قد افسد شئ

تحياتي لحضرتك

-

-

-

-

الموضوع: تحذير من اتقان ديكوريشن جروب Itqaan

LinkBack

أدوات الموضوع

عرض

-

-

-

-

-

-

المواضيع المتشابهه

تحيه للمهندس باسم شوقى اتقان دكوريشن

الكلمات الدلالية لهذا الموضوع

المفضلات

المفضلات

ضوابط المشاركة