صعوبة وحرقان في البول

**Abo Yasso** · 21-08-2014 11:19 AM

المشاركة الأصلية كتبت بواسطة amrelsaqqa

الله يخليك

انا بحب المشى والرياضة بس الفكرة ان الواحد بيعيش في لايف استايل معين من ضغط الشغل وضيق الوقت وكدة مش بيقدر يحافظ على معدل ثابت
انا الفترة الاخيرة فعلا بدأت اتمشى واجري شوية ، واخد بالى في الاكل ، وكنت حاطط هدف في رمضان والعيد انى على الاقل وزنى يفضل زي ما هو ما يزيدش
بس الحمد لله يعنى على مدار الـ 6 شهور اللى فاتوا خسيت حوالى 10 كيلو ولسة مكمل ان شاء الله
ماشاء الله عليك

وفعلا موضوع السكر على الشاى ده صح جدا ، وانا بعمله انا كمان ، وفعلا بتتعود لدرجة انك بعد كدة تحس ان السكر الكتير يموع نفسك !
انا بشرب الشاى بنص معلقة انسى تماما ولو لازم قوى خليه سكر دايت بس خالى من الآسبرتام وساعات بدون خالص ومتعود على كدة الحمد لله ، منه عشان ما يزودش الوزن وتعود ووقاية من السكر ، وكذلك العصاير بقيت بستمتع بطعم الفاكهة بيور بدون اي اضافات برافو

بس ايه اخر كلمة دى مش فاهمها، بعد الشر عليك طبعا !
وايه الاكلات والمشروبات المحفزة للانسولين ؟

القرفه والجنزبيل الآتنين دول سحر سواء شرب او تضفهم على 80% من الآكلات جرب تضيف القرفه لصلصه المكرونه اثناء الطهى هتحلى طعم المكرونه تحفه وجرب تحط شويه جنزبيل اثناء طهى الآرز ( هيخلى طعمه عالمى )
الحلبه / الترمس / البصل والثوم
الحاجات دى حتى لو محفذتش البنكرياس فهى بتساعد على حرق السكر

**amrelsaqqa** · 21-08-2014 11:19 AM

المشاركة الأصلية كتبت بواسطة mohamed_selim

لا الاعراض مش اعراض سكر لا قدر الله ... ممكن غضروف زى مانتا قلت بس انا متخيل انه التهاب بسيط ان شاء الله
عملت تحليل بول و مزرعه ولا لأ؟
لو معملتش اعمل و التحليل هيقولك لو فى التهاب بكتيرى و نوع البكتيريا و المضاد الحيوى كمان

شفاك الله و عافاك

انا اخر تحليل عملته كان من 4 شهور زي ما قلت ، وكان عشان تقديم في شغل ، وطبعا ما عملتش مزرعة ولا اي حاجة ، لان كل حاجة كانت طبيعية في التحليل ماعدا اليورات والاكسالات

التحاليل دى كان معاها وظائف كلى كاملة و كبد و فيروسات وكله بفضل الله كان تمام

**hany63** · 21-08-2014 11:27 AM

بص حضرتك عشان بس نجنب موضوع السكر
مرض السكر لايسبب حرقان او نزول خطين او يبقى عندك احساس بالتبول حتى بعد افراغ المثانه
اعتقد ان مرض السكر بيسبب دخول الحمام بكثره مع تفريغ كميات كبيره من البول
بس برضه لا مانع من التحليل و المتابعه
و حضرتك مفيش عندك سكر يعني بعد الاربعين لو لغاية ١٧٠ بيقولوا للواحد يحرص و مفيش علاج
و عشان ما تدخلش في الارقام الكبيره و انت سنك صغير لسه ياريت تمارس اي رياضه انشالله جماعيه عشان تبقى مقبل عليها باستمرار يعني كرة قدم تنس ارضي انشالله تتس طاوله برضه شغاله و اهتم بالمشي ٣ مرات اسبوعيا لو منتظم في الرياضه
و ظبط الاكل مش هنقول ريجيم بس سوري في اللفظ بلاش رمرمه
حتى لو عندك لا قدر الله استعداد للسكر ممكن ييجي لك متاءخر

**mohamed_selim** · 21-08-2014 12:17 PM

المشاركة الأصلية كتبت بواسطة amrelsaqqa

انا اخر تحليل عملته كان من 4 شهور زي ما قلت ، وكان عشان تقديم في شغل ، وطبعا ما عملتش مزرعة ولا اي حاجة ، لان كل حاجة كانت طبيعية في التحليل ماعدا اليورات والاكسالات

التحاليل دى كان معاها وظائف كلى كاملة و كبد و فيروسات وكله بفضل الله كان تمام

من 4 شهور كان عندك نفس الاعراض ؟

جرب تعمله تانى فى مكان تانى و شوف ... تحليل بول عادى و من خلاله هيبان محتاج مزرعه ولا لأ مصاريفه حاجه بسيطه و بيبان تانى يوم .. عادة انا بتعامل مع البرج و الفا .... ابقى طمنا

**amrelsaqqa** · 21-08-2014 12:29 PM

المشاركة الأصلية كتبت بواسطة mohamed_selim

من 4 شهور كان عندك نفس الاعراض ؟

جرب تعمله تانى فى مكان تانى و شوف ... تحليل بول عادى و من خلاله هيبان محتاج مزرعه ولا لأ مصاريفه حاجه بسيطه و بيبان تانى يوم .. عادة انا بتعامل مع البرج و الفا .... ابقى طمنا

كانت موجودة نفس الاعراض بس مش بنفس الحدة
هعمل تانى اكيد ان شاء الله
وشكرا بجد لاهتمامك :)