الموضوع: ارجو المساعده هل الفرق بين ال 316 وال 320 يستحق فرق المبلغ ؟؟

المشاركة الأصلية كتبت بواسطة hfshaaban

استاذ أحمد شوكى بخصوص الفرق بين البريميوم والاكشرى هما العربيتين واحد فى الموتور والعفشة والاى درايف وكل حاجة اساسية عدا شوية حاجات هما
فرش جلد
نواكل خارجية
شكل الجنط ( علما بان شكل جنط البريميوم احلى من الاكشرى )
مرايات فولدنج والمراية الداخلية بها حساس تعتيم
انوار عند ارجل الراكبين الامامى و القوايم الداخلية
عتب داخلى نيكل
بارك سنسور خلفى

شكراً على رد حضرتك ... وهزود بس على كلام حضرتك
- المرايات كلها تعتيم يعني مرآة الصالون والمرايات الجانية كمان
-الأبانوس في الطابلوه
- المخدع الخلفي
معاك فعلاً في شكل جنط اللاكشري انا كمان مش عاجبني ولما شفته اتغظت جداً ما تحسوش بقيمة العربية ... واكيد كان ممكن يحطوا جنط شكلة افضل من ده ... بس بيسترخصوا.

المشاركة الأصلية كتبت بواسطة horas3000

لو بتقارن بين ال 16 البريميم و ال 20 الاكسكلوسيف يبقي الفرق يستاهل طبعا
و انا شايف انك تمسك العصايه من النص و تجيب ال 16 اللكشري و دي الفرق بينها و بين ال 20 الاكسكلوسيف مش كبير

و العربيه مش twin turbo
هو turbo واحد بس twin scroll او مروحتين و الشركه مسمياه twin power turbo

الموتور فعلاً هو " TwinPower Turbo" ونفس نوع الموتور في كل الموديلات ٣١٦ و ٣٢٠ و ٣٢٨ انه ٤ سلندر inline بأختلاف السعة اللترية ١٦٠٠ سم ٣ في ٣١٦ و ٢٠٠٠ سم ٣ في ال ٣٢٠ و ال ٣٢٨ و طبيعي القدرة HP والعزم Torque مختلفين في كل موديل تصاعدياً اما في ال ٣٣٥ ف ٦ سلندر inline ٣٠٠٠ سم٣ وحدث ولا حرج عن هذا الموتور الجبار ٣٠٦ HP و العزم ٤٠٠ Nm طيارة ارضية ...

المشاركة الأصلية كتبت بواسطة Ahmad Shawky

ممكن حد يصورنا شكل الأبانوس والكروم والمخدع الخلفى الى فارق البريميم على الاكشرى ؟

أستاذ / أحمد حاولت أرد على رسالة حضرتك على الخاص معرفتش واضح أن فيه مشكلة عندي ... وحسب ما فهمت أن عدد مشاركاتي لا يسمح بأرسال رسالة خاصة ... المهم بعد أذنك أنا هرد على رسالة حضرتك هنا وهو الحقيقة ما فيش فيها أسرار ... وهي تلخص ما حدث معي في عالم السيارات خلال سنتين ...

كل اللي أقدر أقوله لحضرتك أن العربية ال 316i عربية ممتازة وأحساسي أن ربنا كرمني في الأختيار وما عنديش أى أحساس بالندم أو أني أخدت قرار غلط مع العلم أني أتزنقت جامد جداً في فلوسها لكن الحمد لله مش ندمان ...
أنا دورت في كل السوق الزيرو بداية من الهوندا سيفيك التركي ... والتويتا كرولا التركي ... ثم البيجو ال 508 الفرنساوي عربية ممتازة وفيها كل حاجة بس حقيقي مش عارف ما بتتباعش ليه وسوقها واقف ... وكمان بصيت على الباسات ألماني والأسكودا ال 1600 التشيكي وأخيراً الهيونداي ix35 التشيكي ... كل ده ما عجبنيش ... أشتريت مرسيدس C280 موديل 2008 حاجة فخمة جداً 7 شهور ومستحملتهاش أستهلاك بنزيين مش طبيعي سخونة من الكبوت مش طبيعية علشان 6 سلندر أى صوت كان بيخليني قلقان ... أشتريت بي ام X1 موديل 2013 بانوراما وكراسي كهربا أعلى فئة 6 شهور وكنت بايعها شنطة صغيرة جداً وسع محدود ماتور 2000 بيخرج 150 حصان ومع ذلك العربية تقيلة أوي على الموتور مش عارف ليه ... رحت أحجز مرسيدس c180 2015 أول فئة عربية في منتهى الفخامة وحاجة محصلتش بس موضوع أني أحجز عربية وأستلمها السنة اللي جاية ويعالم هيبقى السعر كام علشان معدلات تغيير اليورو العربية مستوردة وبيكتبلك السعر يحدد عند الأستلام ... بصراحة كان موضوع سخيف وبعدين رحت بي أم لقيتها غليت 4000 جنيه والحجز شهر ... بس واحد حبيبى في التوكيل وعدني هجيبلي اللون اللي أنا عايزه في خلال أسبوع بس السعر ما قدرش يعمل فيه حاجة ... وأتوكلت على الله وكانت ال 316i الاكشري موديل 2015 ... أنا مش معايا البريميم زي ما حضرتك فاهم ... الفروق بينهم كثيير منها النواكل الخارجية ، الفرش الجلد ، مسند الذراع الخلفي ، الأبانوس في الطابلوه ، طارة مختلفة ، جنط مختلف ومقاس الكاوتش مختلف ، المريات الجانبية طي مع الغلق من الريموت ، تعتيم للثلاث مريات ... و الباركنج سينسور وده بالنسبالي حاجة مهمة جداً ... فأنا شفت أن الفرق بين العربيتين مش حاجات بسيطة ... وأتوكلت على الله وأخدت الاكشري

عاجبني في العربية : الوسع الداخلي ، موتور خطير مع الفتيس الجديد عامليين دويتو مخلي أداء العربية هايل بالذات مع ال sport مود العربية بتتحول لعربية تانية ، شكل رياضي هجومي فحققت المعادلة الصعبة عائلية رياضية بها كل الأوبشنز اللي الواحد محتاجها ... بنزين 92 بدون أى مشكلة وأستهلاك موفر جداً مع التكييف حوالي 10 لتر لكل 100 كم.

مش عاجبني : ما فيهاش زينون ولا رينجات وما تركبش ألا بتغيير الفانوس كله حسب ما فهمت ... لون الفرش البني الجملي (الكونياك) غير متوفر في 316 متوفر فيها فقط الأسود أو البيج الفاتح ... شكل جنط الاكشري مش أد كدة كان ممكن يبقى أحسن وممكن يكون جنط البريميم أو الاسبورت بالنسبة لي شكلهم أحسن دي أزواق ... ما فيش في العدادت الداخلية عداد سرعة ديجيتال حاجة كان ممكن يحطوها ومش هتكلفهم حاجة ...


على فكرة كنت خايف من الأرتفاع من الأرض كثيير وأنا بشتريها حزروني من أن العربية مش عاليه ... الحقيقة بالتجربة مع التحميل داخل القاهرة عمري ما حكيت في أى مطب مهما كان عالي ...

وهي دي قصتي مع العربية ... أتمنى أكون قدرت أفيدك ...

المشاركة الأصلية كتبت بواسطة ahmad shawky

مش عارف اشكرك اازاى على الرد التفصيلى الجميل هيه فعلا عربيه لا غبار عليها ..بالغرم من انك محكتليش تفاصيل كل اختياراتك زى الهوندا والبيجو الى ان من غير متحكى ال 316 لا تقارن بيهوم

وناس كتير فاهمها مغلوط فى حتت ان الأنسجنيا مثلا برقبتعا فى الوسع واأوبشن هاملين تماما انهوم بيكلمو عربيتين واحده دفع امامى والتانيه خلفى..والفرق بين ال2 لو حتى البى ام فاضيه تكسب جمال وثبات ومتعت الدفع الخلفى

ربنا يباركلك فيها وادعيلى اجبها ان شاء الله

بالتوفيق ان شاء الله ... اهم حاجة تكون مقتنع باختيارك وفرحان بيه حتى لو عربية ١٢٨ ... بالنسبة لتجربتي انا ممكن اكتب كتب كل عربية اروح اشوفها اقعد افصص فيها بحب قبل ما اشتري اكون عارف كل شئ عن العربية اللي هتشاركني فترة من حياتي ... وعمري ما ندمت لأني بقول لنفسي طول م الواحد ربنا مديه نفس في الدنيا مش اول عربية ولا أخر عربية ... بس اكتشفت نفسي ان انا مثلاً مش مخلوق للعربيات المستعملة ... لأني حساس جداً تجاه العربية وأي صوت فيها او أي رجة ... ممكن منامش فبالتالي المستعمل ده خلاني الف حواليين نفسي ... كمان نصيحة لو انت مش ناوي تحتفظ بيها فترة محترمة ٤ او ٥ سنين اصرف نظر عن الbm بتخسر جامد في اعادة البيع السريع ومع ان الموديل ده الماني وحتة الماظ وبيتخطف ... بس غير المرسيدس صراحة بيمسك سعر ومش بيتهز لا بموديل جديد ولا بفيس لفت والا الكلام ده يفرق مع مرسيدس ... اكثر عربية من اللي قولتهم كنت خلاص بخلص فيها هيا البيجو ٥٠٨ صراحة شياكة ووسع وابشنز وموتور ١٦٠٠ ادأه حلو جداً و بنزين ٩٢ واللي خلاني تراجعت في اخر لحظة هو عدم الأنتشار وحقيقي نفسي افهم فعلاً ايه عدم تحقيق العربية دي مبيعات كويسة ... الأنسجنيا للأسف لم تكن من ضمن اختياراتي لعدة اسباب الوكيل ... شكلها معاجبنيش ودي اذواق ... عدم الأنتشار و تأكدي من انه يلزم لماتورها بنزيين ٩٥ ودي بالنسبه لي كانت مشكلة كبيرة معنديش استعداد اجيب عربية بدون التزامات واعمل قرض علشان افولها ....

المشاركة الأصلية كتبت بواسطة moodymooner

بالتوفيق ان شاء الله ... اهم حاجة تكون مقتنع باختيارك وفرحان بيه حتى لو عربية ١٢٨ ... بالنسبة لتجربتي انا ممكن اكتب كتب كل عربية اروح اشوفها اقعد افصص فيها بحب قبل ما اشتري اكون عارف كل شئ عن العربية اللي هتشاركني فترة من حياتي ... وعمري ما ندمت لأني بقول لنفسي طول م الواحد ربنا مديه نفس في الدنيا مش اول عربية ولا أخر عربية ... بس اكتشفت نفسي ان انا مثلاً مش مخلوق للعربيات المستعملة ... لأني حساس جداً تجاه العربية وأي صوت فيها او أي رجة ... ممكن منامش فبالتالي المستعمل ده خلاني الف حواليين نفسي ... كمان نصيحة لو انت مش ناوي تحتفظ بيها فترة محترمة ٤ او ٥ سنين اصرف نظر عن الbm بتخسر جامد في اعادة البيع السريع ومع ان الموديل ده الماني وحتة الماظ وبيتخطف ... بس غير المرسيدس صراحة بيمسك سعر ومش بيتهز لا بموديل جديد ولا بفيس لفت والا الكلام ده يفرق مع مرسيدس ... اكثر عربية من اللي قولتهم كنت خلاص بخلص فيها هيا البيجو ٥٠٨ صراحة شياكة ووسع وابشنز وموتور ١٦٠٠ ادأه حلو جداً و بنزين ٩٢ واللي خلاني تراجعت في اخر لحظة هو عدم الأنتشار وحقيقي نفسي افهم فعلاً ايه عدم تحقيق العربية دي مبيعات كويسة ... الأنسجنيا للأسف لم تكن من ضمن اختياراتي لعدة اسباب الوكيل ... شكلها معاجبنيش ودي اذواق ... عدم الأنتشار و تأكدي من انه يلزم لماتورها بنزيين ٩٥ ودي بالنسبه لي كانت مشكلة كبيرة معنديش استعداد اجيب عربية بدون التزامات واعمل قرض علشان افولها ....

ال 508 عربيه تحفه بس الناس بتقلق عامه من الفرنساوي بسبب التكنولوجيا الزياده و فلسفه الفرنساويين في كل حاجه بيعملوها و القلق من عدم توافر قطع الغيار او ان التوكيل يكون فاهم فيها دي من اهم اسباب عدم انتشارها و مش بناء علي عيب او مشكله في العربيه و زي ما حضرتك عارف ان اغلبيه الناس بتقلد بعضها و بتعتمد علي الاكليشيهات المحفوظه فبتخاف من المغامره و تقولك اشتري لي و للسوق و الكلام اياه ده و بيشترك معاها في الموضوع ده عربيات تانيه ممتازه و مظلومه برضه اتذكر منها الان السوبارو و الفورد الفوكاس مثلا