ارجو المساعده هل الفرق بين ال 316 وال 320 يستحق فرق المبلغ ؟؟

**MoodyMooner** · 15-09-2014 07:46 PM

المشاركة الأصلية كتبت بواسطة Ahmad Shawky

كلامك مظبوط ... بس مع احترامى لكل المركات التانيه والناس الى بتقولك البى ام فاضيه وحرام فيها الفلوس ارب بدلها انسجنيا او 508 او حتى s60

مينفعش تقارن سعر عربيه دفع امامى بعربيه دفع خلفى ..لان ده لوحده اوبشن بفلوس كتير اوى لان الكرونه بتبقى ورى وده بيتكلف كتير فى التصنيع ..بعكس كل العربيات فى الشارع من الموتور على العجلتين الى قدام عدل وسوق يا باشا

وكل الى ساق بى ام يعرف يعنى ايه دفع خلفى

استاذ احمد ... معلهش استفذتني اوي كلمة بي ام فاضية ... فعايز اعرف اللي قال لحضرتك كدة عايز ايه من عربية فيها مثبت ومحدد سرعة ومرايات ضم وتعتيم وبلوتوث وفوج لايتس وفرش جلد وحليات ابانوس وتجهيز صوتي تحفة ومدخل usb و i drive بشاشة خارجية و به تحكم كامل في كل خصائص العربية والكشف عن اي عطل و trip computer و اماكن تخزيين متعددة و مخدع امامي وخلفي و اضاءة داخلية تحفة و Auto Start/Stop و بها ٣ مود للقيادة eco, comfort & sport و جنوط سبور وبارك سينسور ونواكل خارجية ... ايه تاني الواحد محتاجة ... بجد انا نفسي افهم ... سيبك من ده كله عربية الماني اسمها BMW شكلها سبور و دفع خلفي مع تجهيزات امان غير مسبوقة DSC , DTC , ABS , CBC موتور تربو معقول جداً مع فتيس اختراع من انتاج الشركة رقم واحد على العالم في انتاج الفتيسات ZF ٨ سرعات مش موجود في اي عربية تانية بالمناسبة فتيس المرسيدس السي كلاس 2015 انتاج مرسيدس و ٧ سرعات 7gtronic plus وده اللي مخلي التسارع في العربيتين واحد مع اختلاف القدرة الحصانية لصالح المرسيدس ١٥٦ حصان للمرسيدس مقابل ١٣٦ لل بي ام وفيه فديوهات بتثبت الكلام ده مش فتي يعني .... الكتالوج من 0/100 المرسيدس c180 ٨.٥ ثانية والبي ام316 ٨.٩ ثانية ... ناقص العربية دي حاجتيين كراسي كهرباء ميموري و فتحة سقف انا شايف اه ممكن يكونوا حاجة تزود اي عربية بس مش هما دول اللي العربية هتبقى كاملة بيهم ... وهما شايلنهم لظروف تسويقية علشان ميقضيش على ال ٣٢٠ اللي هيا تجميع محلي ويوقف حالها ... ومع ذلك انا مش بقول على البي ام انها احسن عربية اكيد ليها عيوبها .... الكمال لله وحده ... واكيد كل عربية فيها مميزات وفيها عيوب عادي ... وزي ما قولت لحضرتك قبل كدة طول ما الواحد ربنا سامحله بالنفس لا أول ولا أخر عربية ... المهم الرضا والقناعة ... المهم انا اقصدي بس اقول السوق مليان عربيات من ٦٠ الف لحد ٢ و ٣ مليون جنيه كل واحد حسب امكانياته وقدراته وراحته النفسية بس اكيد العربية دي مش فاضية ... اسف للاطالة

**MoodyMooner** · 15-09-2014 08:56 PM

الفديوهات قبل الحرب العالمية الثالثة ما تبدأ :

MB C180 w205 acceleration from 0 to 100 in 8.9s
http://m.youtube.com/watch?v=qTAFAFtlu6k

BMW 316i f30 acceleration from 0 to 100 in 8.5s
http://m.youtube.com/watch?v=4ds0yjAL8y8

ياعني اصلاً التسارع الفعلي اقل من الكتالوج في ال bm واكثر من الكتالوج في ال mb بس الحقيقة ولأجل ان الواحد يكون عادل في التقييم بعد ال 100 التسارع لصالح ال mb كمان السرعة القصوي في المرسيدس اعلى بس دي بتبان في فديوهات تانية ...

**Ahmad Shawky** · 16-09-2014 04:16 AM

المشاركة الأصلية كتبت بواسطة moodymooner

استاذ احمد ... معلهش استفذتني اوي كلمة بي ام فاضية ... فعايز اعرف اللي قال لحضرتك كدة عايز ايه من عربية فيها مثبت ومحدد سرعة ومرايات ضم وتعتيم وبلوتوث وفوج لايتس وفرش جلد وحليات ابانوس وتجهيز صوتي تحفة ومدخل usb و i drive بشاشة خارجية و به تحكم كامل في كل خصائص العربية والكشف عن اي عطل و trip computer و اماكن تخزيين متعددة و مخدع امامي وخلفي و اضاءة داخلية تحفة و auto start/stop و بها ٣ مود للقيادة eco, comfort & sport و جنوط سبور وبارك سينسور ونواكل خارجية ... ايه تاني الواحد محتاجة ... بجد انا نفسي افهم ... سيبك من ده كله عربية الماني اسمها bmw شكلها سبور و دفع خلفي مع تجهيزات امان غير مسبوقة dsc , dtc , abs , cbc موتور تربو معقول جداً مع فتيس اختراع من انتاج الشركة رقم واحد على العالم في انتاج الفتيسات zf ٨ سرعات مش موجود في اي عربية تانية بالمناسبة فتيس المرسيدس السي كلاس 2015 انتاج مرسيدس و ٧ سرعات 7gtronic plus وده اللي مخلي التسارع في العربيتين واحد مع اختلاف القدرة الحصانية لصالح المرسيدس ١٥٦ حصان للمرسيدس مقابل ١٣٦ لل بي ام وفيه فديوهات بتثبت الكلام ده مش فتي يعني .... الكتالوج من 0/100 المرسيدس c180 ٨.٥ ثانية والبي ام316 ٨.٩ ثانية ... ناقص العربية دي حاجتيين كراسي كهرباء ميموري و فتحة سقف انا شايف اه ممكن يكونوا حاجة تزود اي عربية بس مش هما دول اللي العربية هتبقى كاملة بيهم ... وهما شايلنهم لظروف تسويقية علشان ميقضيش على ال ٣٢٠ اللي هيا تجميع محلي ويوقف حالها ... ومع ذلك انا مش بقول على البي ام انها احسن عربية اكيد ليها عيوبها .... الكمال لله وحده ... واكيد كل عربية فيها مميزات وفيها عيوب عادي ... وزي ما قولت لحضرتك قبل كدة طول ما الواحد ربنا سامحله بالنفس لا أول ولا أخر عربية ... المهم الرضا والقناعة ... المهم انا اقصدي بس اقول السوق مليان عربيات من ٦٠ الف لحد ٢ و ٣ مليون جنيه كل واحد حسب امكانياته وقدراته وراحته النفسية بس اكيد العربية دي مش فاضية ... اسف للاطالة

انا مقصدش ابدا اقلل من البى ام واقول انها فاضيه ..كان القصد فقط ان حتى لو هيه فاضيه مينفعش نقارنها باى عربيه تانيه مبالك بقى وهيه فيها كل حاجه

وفعلا اتفق معاك فى كل كلمه قولتها

**Real_Estate** · 13-03-2015 11:31 PM

المشاركة الأصلية كتبت بواسطة MoodyMooner

حضرتك ممكن ترد على السؤال دة ... ليه المرسيدس منزل كل موديلات ال c كلاس الجديدة كلها بلا استثناء بمواتير ١٦٠٠ ؟ علشان عارف ان زبون الفئة دي هيبقى مهتم بمصاريف التشغيل فمش عايز يخسرة ... ليه كل السيارات ال ١٦٠٠ سعرها زاد بمجرد الاعلان عن رفع الدعم الجزئي عن البنزيين ؟ فحضرتك الدعم هيتشال جزئياً على عدة مراحل سنوية دي معلومة اكيدة فالحقيقة انا ما عنديش استعدا د ادفع استهلاك بنزيين بلا داعي علشان هورس باور عالي وممتع ورائع و في الاخير لا استفيد منه شئ بسبب ظروف الزحام الدائم في شوارعنا الجميلة ... او اشتري عربية يكون البنزيين الموصى به ٩٥ فمكنش قادر الاحق على مصاريف بنزينها ... يقول قائل هو حد هيشتري عربية زي دي ويفكر هيدفع بنزيين بكام ارد واقول ايوه انا جايب عربية فخمة وبها كل معاملات الامان والرفاهيه بس ما عنديش استعداد اصرف قد ثمنها بنزيين ... وعلى فكرة انا ما بحبش جو ان العربية مكتوب عليها ٩٥ بس التوكيل بيقول تمشي ب ٩٢ عادي ... لا مش عادي لأن بنزيين ٩٢ عندنا ده اصلاً ٩٠ وربنا يسترها علينا وعلى عربيتنا منه واكيد صانع العربية بيفهم فيها احسن مننا ... خلاصة الكلام مع حضرتك ثمنها ومش هتتزنق في فلوس ومش فارق معاك مصاريف البنزيين يبقى اتوكل على الله وخلص في ال ٣٢٠ فتحة سقف وكراسي كهرباء و هورس باور خطيير المهم في الأخر العربية محترمة وواسعة و عفشتها حلوة وبها معظم الكماليات المطلوبة ... ومبروك مقدماً

آولاً انا استفدت منك جداً جداً جداً .. انا كنت بخلص في 320I Model 2014 Luxury Line عامله 10.000 صاحبها قافش علي 360.000 وسبب من الاسباب اني مشترتش 316I كنت خايف ان العربيه مش هتآدي علشان 136hp ده غير موضوع فتحة السقف والزينون الموضوعين دول مضايقني جداً . انا اللي معايا 250.000 وهبيع عربيتي اللي معايا وهيبقو 350.000 لو مكاني هتركب 320I Model 2014 Luxury Line عامله 10.000 بي 360.000 ولا هتركب 316I زيرو والافضل ايه Luxury ولا Sport في ال 316 ارجو الافاده من حيث خبرتك وبجد شاكر لكمية المعلومات اللي اكتسبتها من الاستماع لحديثكو :)

**Ammar** · 18-03-2015 04:20 PM

سؤال للناس الجميلة إللي هنا ..

إيه الفروقات بين 316 Luxury و 316 sport ؟ خصوصا إن الإتنين نفس السعر على حسب معلوماتي ؟

**zarkoor** · 22-03-2015 01:43 PM

المشاركة الأصلية كتبت بواسطة Real_Estate

آولاً انا استفدت منك جداً جداً جداً .. انا كنت بخلص في 320I Model 2014 Luxury Line عامله 10.000 صاحبها قافش علي 360.000 وسبب من الاسباب اني مشترتش 316I كنت خايف ان العربيه مش هتآدي علشان 136hp ده غير موضوع فتحة السقف والزينون الموضوعين دول مضايقني جداً . انا اللي معايا 250.000 وهبيع عربيتي اللي معايا وهيبقو 350.000 لو مكاني هتركب 320I Model 2014 Luxury Line عامله 10.000 بي 360.000 ولا هتركب 316I زيرو والافضل ايه Luxury ولا Sport في ال 316 ارجو الافاده من حيث خبرتك وبجد شاكر لكمية المعلومات اللي اكتسبتها من الاستماع لحديثكو :)

اسمحولي اختلف معكم بخصوص استهلاك البنزين
انا معايا 328 موديل 2015
و العربية موفرة جدا لو بتسوق على Ecopro
عن تجربه انا رحت من القاهرة لراس سدر ذهاب و عودة بتفويله واحدة علشان خفت احط بنزين من راس سدر. كنت مفول بنزين 92 و عمري ما عبيت بنزين 95 اصلا. طول الرحلة ال rpm اقل من 2000 والسرعة فى حدود 130. وفى طريق الرجوع البنزين كفى لحد بنزينة توتال اللى عند مدينة الشروق الحمد لله

طبعا اول ما بتحط العربية على sport الاستهلاك بيبقى عالى جدا .

**aymankhalifa** · 28-03-2015 07:17 PM

السلام عليكم يا شباب معلش انا مش من ملاك ال بي ام و عمري مركبتها بس معروض عليا عربيه بتاعت واحد صاحبي 316 موديل 2010 بيز لاين مانيوال بس فبريكه بالكامل و صيانات توكيل علي طول و عامله40 الف كيلو فياريت اعرف منكم رايكم فيها من حيث العربيه نفسها و صياناتها و قطع غيارها و شكرا