الميكانيكى مستنى نظبط كهرباء وبعد كدة يعمل السرفس وعمتا متشكر جدا للتفاعل وهبقى ابلغكم بالتطورات
عرض للطباعة
الميكانيكى مستنى نظبط كهرباء وبعد كدة يعمل السرفس وعمتا متشكر جدا للتفاعل وهبقى ابلغكم بالتطورات
ربنا يبارك فيها ..ياريت تعرفنا سعر الموتور عامل كام؟؟
سعر الماتور كامل 1400 بالضفيرة والكنترول 2500 مصنعية الميكانيكى 450 السعار كدة كويسة ولا لا
سعر ممتاز
اى نصائح استفسار اقتراحات
متتتتتتتتتتتتتتتتتتتتتتتت تتتتابع
ياجماعة المكنة ملخبطة خالص على السلانسية تنصحونى اعمل اية
انا روحت ركبت كنترول 1400 للمكنة وبقت احسن بس لسة المكنة تحس انها متلتة المهم بعد الكشف عند كذا ميكانيكى كلهم قالوا ان الصباب بتاع البستم رقم 1 مش شغال كويس ودة اكيد من ركنة الماتور المهم قالولى امشى بيها شوية والصباب هيرجع يشتغل كويس المهم مشيت بالعربية حوالى 500 كيلو بقت احسن من الاول بس مازال فية رعشة على السلانسية بس سحب المكنة حلو ومفيش اى دخنة خالص انا لسة معملتش اى صيانات للموتور ماعدا تغيير الزيت وفلتر الزيت وزيت فتيس انا حاطط زيت تعاون لمجرد غسيل المكنة من الداخل ولاحظت ان الزيت بقى لونة وحش جدا وبقى اتقل من الاول دلوقتى انا لية بعض الملاحظات على المكنة
1- فى بداية الدوارة المكنة مش بتعلى
2-بتوصل لدرجة حرارة 90 فى 5 دقائق فقط بعد كدة المروحة بتشتغل مع عدم وجود ثرموستات الكوعة
3-المكنة على السلانسية فيها تقطيعة وهزة وباينة اوى فى دواسة البنزين لما اسند رجلى على الدواسة بحس بخبطات متتالية فى الدواسة
4-مروحة الراديتير بتشتغل وقت كبير جدا طول ما انا ماشى مبتفصلش الا لما امور وسيب العربية مشية بقوة الدفع الذاتى
زى ماقولت انا لسة معملتش صيانة للمكنة غير تغيير الزيت
ارجوا افادتى فى مشكلتى لان انا حاسس انى بقيت فريسة للصنيعية
السلام عليكم
1- السلانسيه ساعت الدوارة كام ار بي ام بالضبط ؟؟
2- راجع علي كابلات البوجيهات و البوجيهات ووش الاسبراتير و الشاكوش لأني متوقع ان التقطيعه دي كهرباء مش صباب
3- ضروري ضروري ضروري نزل زيت الاكل اللي حطيته ليها ده و حط زيت نضيف لأنه بيفرق بشكل كبير جدا جدا جدا مع المحرك
4- اخبار المياة ايه اللي في العربية ... بتنقص .. بتغلي في الاربه .. الرادياتير الكبير و لا الصغير ابو موحة واحده كبيرة ؟؟؟
انا غير مقتنع تماما بكلام اصل صباب مش شغال و هيشتغل كمان شوية ... ده اسمه فتي .. الصباب شغال بحركة ميكانيكية و لا يتوقف و لو وقف فوق او تحت هيكسر حاجات تانيه او هو هيتكسر او يتني .. انا افهم ان الصباب كاوتشه مفوت مثلا و بيخلي المكنه يضيع كبسها او بيرمي بنزين علي هواء زياده عن غيره ... لكن يقف ده كلام غلط تماما و عشان منسبقش الاحداث فقط راجع صح علي اللي قلتلك عليه فوق
و ياريت لو تحط العربية علي جهاز نشوف الدنيا فيها ايه لكن بعد مراجعة كل السابق اولا و تغيير الحاجات اللي قلتلك عليها فوق
السلام عليكم
1- السلانسيه ساعت الدوارة كام ار بي ام بالضبط ؟؟
بيبقى اقل من الواحد حاجة بسيطة
2- راجع علي كابلات البوجيهات و البوجيهات ووش الاسبراتير و الشاكوش لأني متوقع ان التقطيعه دي كهرباء مش صباب
الكبلات كويسة بس البوجيهات هى اللى كانت على المكنة مغيرتهاش ووش السبراتير والشاكوش كويسسين
3- ضروري ضروري ضروري نزل زيت الاكل اللي حطيته ليها ده و حط زيت نضيف لأنه بيفرق بشكل كبير جدا جدا جدا مع المحرك
الزيت دة كان لغرض التنضيف بس وانا هنزل الزيت واعمل فلاش للموتور واحط زيت جديد بس احط زيت نوعة اية ولزوجتة كام
4- اخبار المياة ايه اللي في العربية ... بتنقص .. بتغلي في الاربه .. الرادياتير الكبير و لا الصغير ابو موحة واحده كبيرة ؟؟؟
المية متهيالى مش بتنقص انا مش متاكد اوى لانها لسة تحت الملاحظة والمية مش بتغلى فى الاربة والراديتير الصغير ابو مروحة واحدة
انا غير مقتنع تماما بكلام اصل صباب مش شغال و هيشتغل كمان شوية ... ده اسمه فتي .. الصباب شغال بحركة ميكانيكية و لا يتوقف و لو وقف فوق او تحت هيكسر حاجات تانيه او هو هيتكسر او يتني .. انا افهم ان الصباب كاوتشه مفوت مثلا و بيخلي المكنه يضيع كبسها او بيرمي بنزين علي هواء زياده عن غيره ... لكن يقف ده كلام غلط تماما و عشان منسبقش الاحداث فقط راجع صح علي اللي قلتلك عليه فوق
اللى الميكانيكى قصدة من الكلام عن الصباب انة من الركنة مش مبيت فى مكانة كويس
و ياريت لو تحط العربية علي جهاز نشوف الدنيا فيها ايه لكن بعد مراجعة كل السابق اولا و تغيير الحاجات اللي قلتلك عليها فوق
لما حطيت الكنترول 1400 الكهربائى كشف عليها بالجهاز وقالى كلة تمام وجميع الحساسات تعمل بشكل جيد
اللى مجننى لية المكنة مش مظبوطة على السلانسية وفيها رجة وتقطيعة
و شكرا على سرعة التفاعل
يبقي من وجهة نظري تعمل السيرفيس الطبيعي و اللي المفروض تعمله
1- تغيير زيت و فلتر (لو مكانك هحط نصف تخليقي من كاسترول او وولفر او اي نوع من الانواع المحترمه المجربه و اشوف هيعمل معايا ايه )
2- تغير بوجيهات و فلتر هواء و بنزين
3- تنظيف بوابة الحقن
اما موضوع المروحة و السخونية فأعتقد ممكن تكون المروحة بالرادياتير الصغير ده قليلين كتبريد للموتور ده و المفروض تستخدم الطقم ابو مروحتين لكن خلينا الاول نظبط الحاجات اللي فوق و نشوف النتيجة ايه عشان متكلفش نفسك فلوس زيادة عن الطبيعي و ربنا يكرم