يلا يا جماعه عايزين نورى المشرفين ازاى احنا محتاجين النادى ده يلا يا ahmed nawwara كل مالكى ال127 يطالب بهذا النادى
ودا استفتاء صغير علشان الموضوع دا ....
عرض للطباعة
يلا يا جماعه عايزين نورى المشرفين ازاى احنا محتاجين النادى ده يلا يا ahmed nawwara كل مالكى ال127 يطالب بهذا النادى
ودا استفتاء صغير علشان الموضوع دا ....
فين صاحب الموضوع دة جيت نشطنا بعد كدة أختفيت
لا اأزاى فيه ناس كتير صوتت فى الاستطلاع
بس نبدأ أحنا
أنا معاكم يا شباب السيارة جميلة وعملية جدا وأنا أملك هذة السيارة وهى من وجة نظرى المتواضعة أفضل من 128 فكل حاجة ما عدا الوسع هى يعيبها انها تنفع أسرة صغيرة مكونة من 4 أفراد فقط 5 ما ينفعش بتكون ديقة شوية ولكن فى غير ذلك فهى ممتاذة
ألذ وأطعم وأحلى سياره تصلح في بلدنا بلامنازع
طب عايزين بقا يا جماعة كل واحد يحط صور عربيته والى عامل حاجة جديدة فى العربية يقول عليها وكدة
الموضوع نام 2 ولا ايه؟؟؟؟؟؟
انا عاوز اشد عربيتي ال 127 ياريت اللي يعرف يساعد يفيدني
ممكن انضم ليكوا انا بقيت من مالكى 127 التوب
محدش رد عليا
بصو بقى لو الكلام على ال127 يبقى اسالونى انا انا بروح بيها كل يوم مدينة نصر والمطار وبلف بيها كل مكان وجميلة فى كل حاجة وجراية وبركنها فى اى مكان وواسعة جدا من جوة وعلى فكرة انا بتكلم على الايطالى القديمة والفيورا لا لالالالالا عربية كنبة والله كنبة دة انا موتى وسمى انى الاقى جنبى واحدة فيورا على اكتوبر بنفخها غرز وجرى هى وال128 علبة الكبريتالايطالى وبسسسسسسسسسسسسس ولاو على التظبيط لون حلو ووطى العربية وفرش جلد ولو ممكن جنوط وصدقنى الايطالى بيبان فيها عن الفيورا الهبلة دى ولو حد لية تعليق انا مستعد
شباب
كنت عايز أسأل سؤال ؟
أنا بشوف عربيات 127 توب ماتورها 1050 سى سى
كنت عايز أعرف دى موديل كام و صناعتها أيه
و سعرها مستعمل فى حدود كام
Atkatoo من زمان وانت بتحكى عن العربية بتعدك ومن زمان واحنا بنطلب منك صورها فين ياعم .؟؟؟؟
غيرتلها زيت اخيرا موبيل دلفاك لما رحت ليتاع الزيت قولتلة غيراى زيت وانا بستعمل كالتكس هو كويس فقالى فىموبيا دلفاك احسن من الكالتكس وهو عندة جركن كبير 20 لتر وحطلى على قد الغيار بالظبط واخد 40 جنيه ياترى اية رايكم فى الموضوع دة والزيت دة
بصراحه انت غامض اوى عمال تتكلم عن العربيه والناس عماله تقولك ورينا الصور وكانهم بيكلموا نفسهم وانت عادى ولا كان فى حد بيكلمك شكلك كدا معندكش عربيه اصلا ولا ايه؟
لو انت عملت زى مبتقول بتوريها للناس يا تقول ايه سبب انك مش عايز تصورها انما متقلش بقى اصلها مكسوفه تتصور والكلام دا
على فكرة انا كتبتلك الكلام دا لانى كل ما افتح موقع دا او غيره الاقيك بتتكلم على العربيه دى واعضاء المنتديات كلها عملين يقولولك ورهلنا .
يا جماعة انا بجد والله كنت مصورها قبل وبعد وكنت محتفظ بالصور لكل خطوة عملتها فيها بس والله التليفون كان فى التوكيل والمتخلفين هناك فرمتو الكارت والتليفون والله دة اللى حصل وانا نفسى بجد انزل الصور لان العربية هتعجبكم بحد وبعدين فى شخص غبى بماتريكس خبطها وهى مركونة بالصدادات الى فى المانريكس فطبقها من ناحية الفانوس الامامى الرفرف والبوية اتقشرت وبقى شكلها يقرف وانا قرفان منها من ساعتها ومش بغسلها حتى:unhappy4:
ومين اللى قال اننا عايزين قبل احنا عايزين بعد هى مش العربيه موجوده معاك يعنى ممكن تصورها
بقولكوا ايه يا جماعه ياريت كل واحد عمل اى حاجه فى عربيته يقول عليها اى حاجه متعلقه بالتظبيط بالقطع الغيار واسعارها اى حاجه متعلقه بال 127 ويااااااريت لو بالصور تبقى حاجه جامده
عطلت من كام يوم ومكانتش عاوزة تدور الميكانيكي دورها بالعافية وقاللي لازم اغير طقم الكهرباء لانها شغالة بتلات بوجيهات لما وديتها للميكانيكي اللي بتعامل معاه بدءت الماساه
* غير طقم الكهرباء وقال ان العربية فيها مشكل في وش السلندر فقام غير جوان وش السلندر وقاللي بقت زي الفل واخد الفيه النصيب
* وانا بجربها حسيت بصوت عالي جدا في العربية عمري ا سمعته منها ابدا اكني مدور موتوسكيل ولما سالته قاللي جربها وبعد اسبوع هروح هيوطي صوتها وكمان هيقرط علي وش السلندر
* اخدتها منه وقاللي هتمشي معاك حلاوة فعلا صوتها كان رجع طبيعي بس اول ما دورتها من غير ما امشي من عندة لقيت الحرارة 130 كان البية معرفش سايب سلك معين كان جايب ارضي فصلحة
* اخر مقلب اخدتها وكنت رايح مناسبة ولابس بدلة ومعايا الاولاد ومشيت بيها حوالي 500 متر وحسيت بصوت كانها جابت كوبلن صوت عالي جدا كان روما البلي فرط كلمته ولما جالي قال ان الشاسية مفتوح سنه ولازم تروح لسمكري ويقفلها بزرجينة
المهم انا قررت اشتري عربية شيفوليه افيو بالتقسيط وابعد عن وجع دماغ ال127 انتوا ايه رايكم
واسف علي التطويل
بالنسبة لحل مشكلة فتح الشاسيه فى موضوع الكوبلن دة ممكن تجيب وردة تحطها قبل ما تركب الكوبلن فى الجنب وهاتتحل المشكلة
أنا أحمد من عشاق ال127 وعندى نفس مشكلة فتح الشاسة وركبت وردة للكبلن بس مش دة الحل .الحل هو تحزيم الشاسة كلمنى 0105036055:b4_048:
والشاسيه يتحزم ازاى بقى
عشان موضوع الشاسيه المفتوح ده خلانى اتحزم انا وارقص عند كل ميكانيكى اروحله
وفعلا الورده مش الحل وتقريبا ولا حتى شغل السمكرى
لانى فكيتها وعملتها عن سمكرى ولملى فيها فرق سنتى ونص وبردو مش عجبانى
هى ماشيه وتماما وجرى وزى الفل بس انا دايما احب الحاجه تبقى على ابوها
اما هى كده ومولعه الدنيا ومبهدل بيها 128 و3b وفيورات
امال لما تتلم هاتبقى ايه
المشكله كلها فى الصنايعى
دى فيات ياجدعان فيااااااااااات يعنى اى حيوان سلبندر يشتغل فيها ليه فى ناس بقى مابتعرفش
الله اعلم
وعموما كان فى اخ فى المنتدى هنا ادانى عنوان واحد فى مجلس الامه عفشجى تمام انا لسه ماجربتوش بس على كلامه انه فنان يعنى
عندي نفس مشكلة الشلسية محدش يعرف سمكري بس يكون جراح و محترف
دى المشكلة عامة بقا
انا روحت سألت سمكرى كويس فى عين شمس
وقالى على حلين يأما العربية تتقفل من تحت
يأما عمود الكوبلن بيروح عند خراط يخلى الصليبة تركب قدام سنة وبكدة هاتروح المشكلة
مافيش جديد فى الموضوع ؟؟
am a new member and i think you could call it 127 owners club but not fans cause i don't see a single one in here
السلام عليكم
انا من عشاق 127 وعلي فكرة انا معايا لادا 1500ونفسي في 127 بس مضيقني الحجم بس اة رايكم . يا عشاق 127 مع العلم ان اسرتي صغيرة ومش فرقة معايا حد عندة مانع يبدل
ال127 تصلح لجميع الاستخدامات وموفرة للبنزين وفى كل شىء واصيلة وبنت ناس وتصونك وتديلك اللى انت عايزة وينفع فيها كل شىء
لو سمحتو يا جماعه انا عاوز اسأل سؤال وياريت حد يجاوبني
سعر 127 بيكون في حدود كام تقريبا
ياريت اجابه ضروري بعد ازنكم
127 تعمل من 11 الف لحد 20 مثلا بس نصيحة خليك فى الايطالى بلاش فيورا ولا سوبر فيورا الايطالى ركوبة ممتعة
الا ممتعه
النهارده انا لسه جاى من سفريه سوقع
من السويس للاسماعيليه وطلعت على قنطره شرق ومنها على الصالحيه وطلعت على القاهره ورجعت فورا على السويس
وتقريبا المفتاح مارجعش بتاع المارش لانى كنت بخلص مشاويرى والعربيه دايره لانى لما ببقى ماشى مسافه وخصوصا سفر بسيبها دايره شويه عشان دورة التبريد تشتغل حبه قبل مابطل فكنت بخلص قبل مابطل وباخدها واطلع على طول
لا قالت بم ولا اشتكت وموديل 74 وبسم الله ماشاء الله مولع بيها الطريق واما كنت اعدى من جنب حد 120 يبصلى باستغراب واكمنى لسه مغير ردياتير وجايبه مستعمل والله بس حليته من وش عربيه ايطالى واول مره يتفك من الفبريكا وحديد مش نحاس
صحيح الاصلى مفيش احسن منه
والله المؤشر بتاع الحراره مع كل المسافه دى ماطلع فوق الشرطه التانيه واللى معاه 127 ايطالى سبعينات هايعرف معنى اكلام ده ايه
ممكن اعرف حد عنده ترس موتور المساحه الخلفيه للفيورا وفين في اسكندريه والاكصدامات الاصليه فين وبكام؟؟
مؤشر الحراره موجود عندي برضه ومرقم حتى رقم 90 وعند وصول الحراره مثلا لـ 70 او 80 تبدأ المروحه تشتغل وكل السيارات الـ 127 اللي انا شفتها فيها مؤشر مش لمبه
بالمناسبه ياشباب .. ده حل مشكلة فتح الشاسيه .. شداده حديد تركب وتنتهي المشكله
http://www.imgall.org/images/326_127.jpg
انت 100 100 انا عايز اعرف الشداده دي منين او بتتعمل فين وبكام لاني سالت ومش لاقيها فين فاسكندريه ؟؟
يااستاذنا العزيز روح عند أي واحد حداد وياخد المقاس ويعهملها لك وانت واقف .. معظمهم عارفين الشداده دي .. او اسأال سمكري سيارات عليها هيدلك على طول ... وتمنها حسب الصنايعي .. ممكن 100 .. 80 .. وممكن اكتر او اقل ... يعني !!! بس هيه مهمة جدا جدا
وغلاوتك وغلاوة جميله عندى وفيروز عندك ان الحراره بمؤشراقتباس:
باشا مؤشر حرارة اية بس اناعندى لمبة مش مؤشر وياريت تورينا صور عربيتك
عيب عليك دنا راكب 127 يعنى عينيا على المؤشر بتاع الحراره اكتر ما عنيا بتبقى على الطريق
وعربيتى انا مش مصورها من جوه بس هابقى اصورها قريب ان شاء الله
انا عندى مؤشر بس ماعنديش ارقام الصراحهاقتباس:
مؤشر الحراره موجود عندي برضه ومرقم حتى رقم 90 وعند وصول الحراره مثلا لـ 70 او 80 تبدأ المروحه تشتغل وكل السيارات الـ 127 اللي انا شفتها فيها مؤشر مش لمبه
مع احترامى لسعادتك لو هاتسال ميكانيكى بيفهم هايقولك ان حوار الشداد ده مفتكساقتباس:
بالمناسبه ياشباب .. ده حل مشكلة فتح الشاسيه .. شداده حديد تركب وتنتهي المشكله
ايون
يعنى هاتمسك الحوض من فوق هايفتح من تحت
وان مسكته من تحت هابفتح من فوق
واغلب الاراء الراجحه ان اكتر حاجه فعاله للموضوع ده هو التحزيمه وقليلين الميكانيكيه او السمكريه اللى بيعرفوها