مشلكة فى العربية بعد ما اشتريت بشهر

**Abo_Mazen** · 25-08-2014 10:13 PM

المشاركة الأصلية كتبت بواسطة mohamed.gamal

ما هيا المشكلة ان اللى بعلى العربية بياكد ان المكنة جديدة وكان الشكمان بيعرق مياة يعنى المكنة المفروض استاندر وكمان العربية دخلت فحص علشان البصمة بتاعت الماتور طيب ازاى تفوت دة اللى هيجننا وكمان هو قالى انو مرحش مع الميكانيكى هو دفع الفلوس لية لما ركبها لانو عارف الميكانيكى والمفروض انو ثقة بالنسبة لية

-------- فانا دلوقتى بصراحة مبقتش عارف اى حاجة

يا سيدي ما أنا قلتلك المكنه بتبقى إستعمال خارج وبعد شهر أو أكتر شوية من الإستعمال بتظهر المشكله دي.إنها تفوت يعني ..بس لما تكون إستعمال خارج بتضمن إن العملية مش هتخرج عن كونها طقم شنبر ب 600 جنيه ومش هتفتح معاك زي البطيخه على رأي الميكانيكيه ..حصلت مع واحد في مكنة عربية فيات 131 ..بعد 8 شهور إستخدام ..وغير طقم شنبر و بعد ما غير طقم الشنبر مشيت معاه سنتين ونص لغاية ما باعها ومشتكاش منها ..عادي والله ..بقلك في ناس بتجيب المكن الإستيراد ده من التاجر على الميكانيكي يقوم مغير طقم شنبر كده من نفسه ..من غير حتى ما يعرف هي هتعملها معاه بعد شهر أو إثنين ..بس لازم تتأكد المكنه دي خليع ولا إستعمال خارج .حتى لو رحت سألت الميكانيكي اللي جابها واللي باعلك بيقولك إنه جابها من عنده وأمنته وهو بيقولك ..عشان تقدر تعرف إنت ناوي تعمل إيه زي ما قولتلك ..إيه بقى اللي حضرتك مش فاهمه من كلامي ..بقولك حصلت مع واحد أعرفه ..وبقولك في ناس بياخدوا المكن الإستيراد ده قبل التركيب يقوم مغير طقم شنبر ..أنا كلامي بكرره تاني عشان تعرف إن اللي حصلك ده مش حاله نادره ..دي حاجه عاديه ..بتحصل ..إيه اللي فيها يعني ..مالك مكبر الموضوع ومش عارف إيه اللي بيحصل والمكنه كانت بتعرق وإزاي يحصل كده في شهر ..الموضوع كبير قوي عندك مش عارف ليه ..,وإيه كمية الدهشه اللي حضرتك فيها دي ؟؟ ..
إنت عارف المكن الإستيراد ده من أول ما بيطلع من العربيات بتاعته في بلاده لغاية ما يوصل هنا بياخد وقت قد إيه ..إنت عارف الحديد ده بيبقى قافش على بعضه مده قد إيه عشان مفيهوش زيت لغاية حضرتك ما بتاخده وتشغله في عربيتك .. ..إنت عارف إن إنت واخد شغل غيرك ..وبتكمل عليه ..يا سيدي إحمد ربنا إن العربيه مش مغيره نص ..ولا طلعت مسروقه وعليها قضيه ...إهدى كده وفكر عشان تعرف تاخد قرار عملي ..وقلنا ناوي تعمل إيه

**الاسد المهاجر** · 25-08-2014 10:36 PM

المشاركة الأصلية كتبت بواسطة mohamed.gamal

السلام عليكم

انا من شهر اشتريت عربيتى ابيزا 98 موتور 1000 سى سى انجكشن وكانت زى الفل واللى بايعهالى لسة مركب المكنة زيرو وكمان سبتها فى الرخصة يوم ما بعهالى لان الافراج كان لسة واصل المرور المهم العربية معايا من رمضان وكاشف عليها قبل ما اشتريها وكانت تمام

---- وفجأة من كام يوم جابت دخنة بيضاء ولفيت بيها على الميكانيكية كولو قالى مكنة خفيفة طيب ازاى وهيا لسة ركبة قالولى ممكن يكون مكنش العيب باين وبان على حظك انت المهم قلت اتاكد اخدت العربية وطلعت على الحرفيين امبارح السبت مع انى ساكن فى بنها وكان مشوار والدنيا حر بردو قالولى نفس الكلام

طيب دلوقتى انا اعمل اية مش عارف كلمت اللى اشتريت منو قالى انا مليش دعوة طيب اعمل اية حد ينصحنى وانا لسة شاريها
ودافع 32 الف جنية وملحقتش افرح بحاجة والله وكمان انا بمشى فى اليوم بالعربية 5 كيلو بروح الشغل وارجع تقف لتانى يوم طيب فوتت منى انا ازاى مش عارف . واسبوع من الشهر دة كانت وقفة لانى كنت بصيف .

------ طيب دلوقتى المكنة بتجيب دخنة بيضاء وفى بوجية عرق زيت بس المكنة ماشية كويس

------- ناس نصحتنى انى ابيع العربية على عيبها وخسارة قريبة زى ما بيقولو وناس تانية قلتلى امشى بيها وخلاص لحد ما تبتدى تقرفك واعمل شورت بلوك

طيب اعمل اانا اية دلوقتى بجد والله انا مش عارف ابيعها طيب نصحية لو بعتها على حليتها كدا تجيب كام
ولو سيبتها ممكن تعد معايا اد اية لحد ما تبتدى تتعبنى واعملها شورت بلوك او يكون ربنا كرم واجيب مكنة ااعلى منها وخلاص

اررررررررررررجو النصحية لاخوكم لانى تاية بجد ومش عارف اعمل اية

نفس الي حصلي بالظبط بس
القصة بانت عندي بعد شهر غيرت زيت وفلتر لمبة الزيت نورت وطلع المكنة بترزع اول ما اتكدت الميكانيكي قلي هدريلك العيب وتبعها من غر محد يكشفها او انته وشطارتك رفضة وركنتها ٣شهور وغير مكنه وطقم دبرياج وشوية مصاريف عملو ٥٠٠٠ جنية وبقالها سنتين ونص وماشاء الله عليها
لو كنت بعت كنت هخسر ومش ضامن العربية الي هجبها فيها ايه
اشتري العربية وجيب ماتور اكبر اوعي تبيع الا لو جبتلك تمنها

**الاسد المهاجر** · 25-08-2014 10:50 PM

المشاركة الأصلية كتبت بواسطة mohamed.gamal

ما هيا المشكلة ان اللى بعلى العربية بياكد ان المكنة جديدة وكان الشكمان بيعرق مياة يعنى المكنة المفروض استاندر وكمان العربية دخلت فحص علشان البصمة بتاعت الماتور طيب ازاى تفوت دة اللى هيجننا وكمان هو قالى انو مرحش مع الميكانيكى هو دفع الفلوس لية لما ركبها لانو عارف الميكانيكى والمفروض انو ثقة بالنسبة لية

-------- فانا دلوقتى بصراحة مبقتش عارف اى حاجة

نصيحه مهم انسي نهائي كلام صاحب العربيه اعتبره خدعك ومتخدش كلامه ثقه

**Mohamed.GAMAL** · 27-08-2014 12:42 AM

عل فكرة انا روحت لميكانيكى لقيتو بالصدفة البحتة فى بنها عندنا الحمد لله ضبطلى العربية وبقت ماشية كويس ومش بتنتش والحالة كويسة وقال كمان انو ممكن يعملها نص عامرة وانو عمل لعربيات جولف واسكودا وماشية زى الفل وقالى كمان ان المكنة تمشينى لحد شهر ١٠على معمل النص عمرة

طيب انا دلوقتى اعمل نص عمرة زى ما قالى ولا امشى عليها لحد ما تفوت خالص واجيب مكنة ١٤٠٠ مكنها

—— وكمان كان فى زميل فى المنتدى هنا قلى اكشف تانى على حالة العربية كويس غير الموتور المهم الحمد لله طلعت كويسة الا انى لقيت الاسكترا فيها شوية بوش عايزة تتغير وكمان االبيض عايز يتغير

—— طبعا والسيرفو عايز يتغير لانو بيطلع هوا من الطبلوة عندى،بس دة انا عارفو من زمان لان اللى بعلى قلى انو عايز يتغير

ودة كل اللى تم لحد دلوقت

وكمان سؤال بس لو حبيت اجيب الاسكترا والبيض والسيرفو فى منهم جديد ولا كولو استيراد ويا ترى يعملو اد اية بفلوس

**Mohamed.GAMAL** · 27-08-2014 08:11 PM

متابع

**Mohamed.GAMAL** · 29-08-2014 04:20 PM

اية يا جماعة انتو روحتو فين

**الاسد المهاجر** · 29-08-2014 04:34 PM

لو معاك امكانيات دلوقت تغير ماتور او عمره. خلي الميكانيكي يحل المكنه ويشوف اذا كانت محتاجه عمره او تتغير ولو لقدر الله غيرت اهو تجيب ماكنه اعلا وتبيع القديمه