ياسيدى انا مش ضد المازدا ولا ضد اى عربيه ولا مستفيد حاجه من انها تطلع حلوه ولا وحشه احنا هنا كل واحد بيقول رأيه وبعدين معرفش تفاصيل التجربه اللى حضرتك بتكلمنا عليها دى بتاعه تسقيط المكنه والعربيه اللى كانت معاك انا بتكلم على العربيه اللى موجوده قدامنا فى السوق وبقارنها باللى موجود برده حاليا فى السوق انا بتكلم بالارقام الارقام وبس الموتور بيدى عزم 145 نيوتن وفتيس اربع سرعات وكمان مفيش فيها ESP او نظام الثبات الالكترونى معلش اللى يخلينى اروح اشتريها وانا قدامى الاتى
1- اوبل استرا فخامه شياكه ثبات موتور عزمه 156 نيوتن جيربوكس 6 سرعات 6 ايرباج ونطام ثبات الكترونى وب 200 الف بس
2- هوندا سيفيك تسارع اعتماديه ثبات توكيل محترم 4 ايرباج نظام ثبات الكترونى عزم 151 وجيربوكس 5 نقلات وسعرها 216 الف موديل السنه ولو حتاخد موديل 2013 لو كانت لسه عندهم فى الاستوك حيبقى سعرها 204 الف
3- سوبارو يابانيه 100 فى 100 ثبات 8 ايرباج نظام ثبات الكترونى وكمان نظام جر متطور وموتور عزم150 نيوتن وجيربوكس cvt وسعرها 200 الف او 195 الف تقريبا
5-رينو فلوانس رحابه شياكه ثبات موتور عزمه 154 وجيربوكس CVT
6-تويوتا كرولا شكل جديد كليا وموتور عزمه 156 تقريبا انا معرفش الجيربوكس نظامه ايه بس ضيف على كده اعتماديه واوبشنس وسعرها بيبتدى من 170 الف لحد 214 الف
ومش دول بس السوق مليان عربيات كتير زى فورد فوكس وسيتروين c4 اقل موتور فيهم بيدى خرج عزم اكبر من اللى بيديه موتور المازدا وجيربوكس كلها متطوره عن اللى فى المازدا واقل فى السعر قو قول ياسيدى نفس السعر
ايه ياباشا اللى يخلينى اسيب ده كله واروح للمازدا وتانى الموتور اللى نازله بيه المازدا هنا مش ده الموتور اللى نزلت بيه بره وحصدت بيه جوايز
منه لله غبور احندا مصدقنا ان المازدا ابتدت تشد حيلها فى مصر تانى من 2008 تقريبا وعربياتها كانت تحفه وبتنافس انما النسخه المصريه اللى نزلوها السنه دى حتموتها تانى
المفضلات