الموضوع: عن المازدا 3 2015

كل سنه وجميع الاعضاء بخير وصحه وسلامه
ليا استفسار
ملاحظ في الفتره الاخيره هجوم عل مازدا الشكل الجديد والغريل اللي في الامر ان كل اللي بيهجم عل عربيه او بيقول وحشه وجابها واتدبس فيها كل دول لسه عاملين الاشتراك في نايل موتورز في نفس يوم كتابه الشكوي يعني عمل اكونت دخل شتم العربيه وخرج !
ياريت يكون في موضعوعيه وحياديه مش يجي حد يقول ده السيراتو الجديده احسم منها ولا الالنترا -_-
ده انا اركب استبن مازدا ومركبش سيراتو ولا النترا واللي ركب العربيتين هيبقي عارف ليه !
انزل بس اتفرج علي عفشه بتاعت المازدا من تحت من ورا وعفشه الالنترا والسيراتو
بقي اليباني يتقارن مع الكوري -_-
واللي مش عجبه العربيه عشان الموتور احب اقوله الموتور ال
Respone بتاعه حلو لكن متتخيلش انك هتيجي جنب فيرنا وزنها اقل منك ب 400 كيلو وتتوقغ انك تشد معاه وتطلع منه
عايز تطير تعالي اركبلك تيربو في العربيه يا تستني الانصاص بتاعتها تنزل الحرفين تروح تاخدل مكنه اسكاي اكتف من اللي بتنزل عليها بره وهي هتطير
معظم العربيات زي الفانتازيا تكنولوجيا الmpi 1600
وبطه والناس بتشتريها وتدفع فيها فوق ال250 الف-_-
عايز عربيه طياره ادفع بقي 280 الف في حته فولفو
لكن متجيش تقارن عربيه ب 168 الف ب عربيه ب280 الف وعايزها تدي نفس اداء الموتور -_-
ربنا يرحمنا .
تحياتي

المشاركة الأصلية كتبت بواسطة a7m8n

ياباشا الموضوع مش كورى ولايابانى الموضوع ان احنا مش عاوزين الناس تتدبس فى 180 و 200 الف جنيه حراااام وعشان كده احنا بننصح الناس وهدفنا الخير وتبادل المعلومات انا واحد من الناس لايهمنى لايميل للكورى اساسا والله انما حراااام والله اللى بيتعمل فى المستهللك المصرى ده ياجماعه الموتور ده والجير بوكس ده مش حينفع مع العربيه دى لانه ببساطه مش اللى بتنزل بيه المازدا بره اساسا واالله
معاك والله ان شكل العربيه تحفه وان الخامات الداخليه هايله وان عفشتها برقبه السيراتو والالنترا كل ده والله جميل انما الموتوى ياجماعه قديم 145 نيوتن مينفعش يجر الجسم ده لاوكمان فتيس اربع سرعات معناه مزيد من الاجهاد على الموتور انا معاكم ان احنا مش فى سبق ولاحاجه انما اللى حيحصل انك حتلاقى تسارع ضعيف جدا ومحتاج كبس بنزين وصوت عالى من الموتور بسبب جير بوكس اربع سرعات بصو على ارقام العزم فى مواتير السيفيك الاسترا السوبارو الفلوانس بلاش بصو على عدد نقلات الجير بوكس مفيس اربع نقلات دى خالص

موتور ايه اللي عزمه ضعيف ده انا قبل مسقط مكنه كبيره في عربيتي كنت ماشي بالقديم 300 الف كيلو وحاولت افوته وكنت بنقل عل استب ترونك في ال7 والعربيه بتفصل مكنش راضي يفوت وانا بشيله عشان احط مكنه كبيره كان الموتور بيعرق ميه والميكانيكي بيتخانق معايا بيقولي حرام عليكي الموتور نضيف جدا بس انا شيلته عشان عايز اركب جناحات للع بيه مش عشان ضعيف دي حاجه
تاني حاجه اسمحلي بقي اقولك انك استحاله تكون مالك للمازدا وبتقول الكلام ده وهقولك ليه
العربيه لما بتكون ماشي عل 90 الار بي ام زيه زي اي عربيه حتي لو خمستاشر غيار الاربي ام بيكون عل 2.5 وقبلها بشرطه كمان يعني الغيارات الاربعه مش بترفع اربي ام زياده ولا حاجه خالص
ده بالعكس ده ممتاز في السحب تكون انت بتنقل وانا لسه بجيب في اخر الغيار الاول 60
التاني 120
التالت 175
الرابع ......
الكلام ده عل استب ترونك
جرب العربيه واقنيها واحكم مش من حقك تحكم عشان سوقتها مره .
بعدين اقولك حاجه يارب ترزع مكنه اتخن مكنه مازدا 3 ب 5000 استيراد واتخن فتيس ب3000 يبقي ده ميزه ولا عيب -_-
ده المفروض الناس تطمن انها نازله بالمكنه والفتيس القدام ده لوانت نازله بالجير بوكس والمكنه الجداد هلاقي الناس بتقول وقطع غيارهم نجيبهم منين والحساسات والخ الخ شغب مش بيعجبه اي حاجه .........
العربيه للي عايز ينزل سبق ومتخيل نفسه في سبق روح هات حته 1600 تيربو اي نوع تاني لكن للبيسوق عادي العربيه بتجري وبتجمع بسهوله الا لو هتفرق معاك ثانيه في التسارع -_-عن عربيه كوري
المازدا معروفه طول عمرها بالامان والثبات والاعتماديه وتقفيل بلادها !
العربيه ممتازه بالنسبه لسعرها ومكنه وفتيس قدام ده ميزه انك تمشي مطمن لانه متجرب ومغرق السوق
تحياتي