اوتو ايجيبت .. من سىء الى اسوء

**ramykimo** · 25-08-2014 11:05 AM

من 9 شهور الاكلاكس فى عربيتى ( تيدا 2012) مبقاش شغال روحت اعمل الصيانة 30 الف فى اوتو ايجيبت ابو رواش و بالمرة قلت اكشف على الكلاكس و ضربت المشوار ده كله على اساس انه مركز محترم و كبير و اطيد هلاقى فيه خبرة و قطع غيار .. المهندس كان غير متفاهم تماما و لما قلتله الكلكس بيفصل و يشتغل تانى لو حده قالى لا دا بايظ و محتاج يجيى من بره .. و فضلت اتابعهم كل شهر اشوف الاكلاكس و صل لفين... طبعا مافيش اى اهتمام ولا مسؤوليه ..لك انت تتخيل ازاى تسوق فى شوارع المحروسة من غير كلاكس.. بعد عمر طويل و صل الكلاكس .. رحت اركبة المهندس قالى دا مش بايظ دا الترامل بس كانت فاصلة ...يا خى مهندس ايه بس!!!! .. المهندس ده اسمه محمد رفاعى هو فى فرع التجمع حاليا.. دا غير التاخير و المواعيد الزبالة فى كل مرة بجد عمرى مهفكر اروح هناك تانى

**Msanad** · 25-08-2014 11:33 AM

محمد الرفاعى تنح كبير - بيطلع عينى على ما يرد على التليفون - بيتكلم بكل برود - مفيش اهتمام بالعميل - يقولك هكلمك ويطنشك بالساعات وميتصلشى وترجع تتصل بيه - اوتو ايجيب بقى مركز سىء جدا

**hatahet** · 25-08-2014 08:19 PM

احسن مهندس هناك فى التعامل اسمو م احمد فتحى انا الحمد لله بتعامل معاه و ا خدمه بحتاجه بجد بيعملها و دا انسان محترم و والله الكلام دا ممكن هو ميشفعوش بس بجد ربما يباركله و دا مايمنعش ان فى ناس كتيير كويسه فى المركز
اكن انا متفق معاك ان فى بعض تقصير متابعه مستوى مهندسي الاستقبال و فى فعلا ناس تنرفز
و بصراحة انا بفكر اتعامل بعد كدا مع مودرن موتورز

**Msanad** · 25-08-2014 10:27 PM

المشاركة الأصلية كتبت بواسطة hatahet

احسن مهندس هناك فى التعامل اسمو م احمد فتحى انا الحمد لله بتعامل معاه و ا خدمه بحتاجه بجد بيعملها و دا انسان محترم و والله الكلام دا ممكن هو ميشفعوش بس بجد ربما يباركله و دا مايمنعش ان فى ناس كتيير كويسه فى المركز
اكن انا متفق معاك ان فى بعض تقصير متابعه مستوى مهندسي الاستقبال و فى فعلا ناس تنرفز
و بصراحة انا بفكر اتعامل بعد كدا مع مودرن موتورز

فعلا احمد فتحى من اكثر واحد محترم فيهم وزوق جدا - وكمان شغله كويس

**hany79** · 26-08-2014 09:04 PM

و السبع بقى تعبان جدا هو كمان من حيث فنيين لمهندسين استقبال لتأخير لتبرير لأي غلط من عندهم.
للأسف هي دي الخدمات في مصر ، اول ما يجمع ناس و يقولوا عليه كويس الا و تلاقي الخدمة بقت زي الزفت طالما انت كده كده حتيجي

**ramykimo** · 27-08-2014 12:44 PM

طب ليه الحل ؟ انا بعت لنيسان و لاتو ايجيبت مش بهدف اضر حد بس احنا بندفع فلوس مش قليلة ..المنتظر تكون خدمة تليق مش كروتة

**hatahet** · 27-08-2014 02:14 PM

بص انا سالت كزا واحد صاحبى معاه نيسان بردو دلوقتى بيتعاملو مع مودرن موتورز و بيقولوا كويس بس انا عن نفسي مروحتوش قبل كدا بس ناوى ان شاء الله الصيانه الجايه اشوف ايه النظام هناك

**aimank** · 28-08-2014 02:03 PM

الراجل ده برضو عنده ذمة كان ممكن مايغيرش كلامه معاك مقابل انه يدفعك تمن الكلاكس الجديد و يركبهولك ويعتذرلك على التأخير و تبقى دفعت فى الاخر من غير داعى :)
اطب تعمل ايه بقى لو رحت تعمل صيانة كبيرة اللى بتتعمل كل 40 الف عند مرعى بتاع اسكندرية و تدفع اكتر من 1200 جنيه و تقف تتفرج على العربية من الازاز وتشوف ان مفيش بند واحد من بنود الصيانة دى اتعمل صح و تتاكد بكده لما تستلم و تقولهم يردو بمنتهى الاستفزاز احنا خلاص هنروح بيتها وتعالى خدها بكره و تروح وترجع لهم كذا مرة و برضو بهايم بمعنى الكلمة وفى الاخر تروح تعمل نفس الصيانة فى مركز تانى و تدفع تانى و تشتكى لنيسان ومحدش يهتم
على فكرة انا نزلت اعمل صيانة كذا مرة من اسكندرية لابو رواش و بجد احسن مركز لنيسان اتعاملت معاه و اسعار قطع الغيار عندهم دايما مظبوطة و شغلهم نضيف جرب غيرهم وانت تعرف

**dya2008** · 04-09-2014 12:32 PM

محمد رفاعي فكر انه بيشتغلني قبل كده و قال لي الصني الشكل القديم مصصمة تحدف شمال عشان اليوتيرن في مصر كله شمال عشان يسهل علي السائق
كان رد فعلي علي الكلام دا تلقائي جدا
انت كويس العيب في اللي حطك في المكان دا
مش المفوض الموجود يكون مهندس !!