إستفسار عن نيسان جووك الخليجي والمصري وقطع غيارها

**cptmero** · 08-09-2014 08:35 AM

السلام عليكم ورحمه الله وبركاته ,

بإختصار ياجماعه انا جديد في عالم نيسان وبدور عل عربيه من فتره ودخلت فدماغي جداا النيسان جووك انا قريت كل المواضيع الي متعلقه بيها هنا بس برضوا موصلتش لحاجه نهائيه بخصوص قطع الغيار ياريت حد معاه نيسان جوك يقولنا على اسعار قطع الغيار عامله ايه وهل هي متوفره ولا لا ولو غاليه غاليه بفارق كبير ولا حاجه بسيطه وهل اقدر الاقيها في المنصوره مثلا او مركز صيانه في الدلتا ولا لازم انزل القاهره , وايه الفرق بين المصري والخليجي من حيث الكماليات وسمعت كمان انها مبتنزلش فمصر بفتحه سقف انا حاليا في السعوديه ونزلت شفتها في المعارض فيها اكتر من فئه وفي فئات فيها تربو وفيه فئات فيها فتحه سقف بس قريت موضوع اخ هنا كان بيقول ان التيربو 1618 سي سي ووممكن متخضعش لجمارك ال 1600 وخفت بصراحه , هل حد عنده علم بسعرهاا الاخير في مصر وصل كام لاني بسمع ارقام مختلفه وايه اعلى فئه في مصر والاهم قطع الغيار الله يخليكوا معلش انا اسف بس انا محتاج اعرف المعلومات دي ودورت كتير عالنت والكلام متناقض بصراحه وانا عاوز اشتريها في خلال ايام ومتردد ياريت الي معاه جوك يفيدنا ويقولنا تجربته مع الصيانه ولكم جزيل الشكر

**yasserelshakwe** · 08-09-2014 09:50 AM

انا عاوز اشتري نيسان جوك من السعودية
والعربية بجد اكثر من ممتازة ويكفي انها من نيسان
ولكن عاوز اعرف السي سي بتاعها اد ايها علشان الجمارك
لأن الجمارك حدها فقط 1600 سي سي وبعدها بيكون خراب بيوت
عاوز نصيحة بامانة شديدة لو سمحتم

**islam_10** · 10-09-2014 04:20 AM

بص يا باشا
احنا عندنا جوك في الدوحة وكنا عاوزين ننزلها فقلت انزل اسأل عليها الاول هنا
نزلت لقيت الراجل بيقولي العربية ياباني تجميع انجليزي
والعربية بتاعتنا بره مكتوب عليها من ع الباب Made in Japan وده مش موجود هنا
لقيت فيها دي في دي وفتحة سقف وفيميه والكلام ده مش موجود في الفئة الفول أوبشن بره !!
قعدت أزنق في الراجل لحد اما قالي بالنص "بص يا باشا هو الصراحة العربية بتيجي من بره فقيرة اوي في الأوبشنز واحنا اللي بنزود عليها الحاجات دي هنا لأن حضرتك عارف ان لو هي نزلت كده من بره هتفرق جامد في السعر" !!
فقررنا اننا هنزلها ان شاء الله
أسف لو مجاوبتش على أسألتك بس بما ان حضرتك ممكن تنزلها من بره قلت أفيدك بالمعلومة دي

**soltanfriend** · 11-09-2014 10:59 AM

انا كلمت التوكيل من حوالى 10 ايام وقالى ان النيسان جوك نازلة بفيس ليفت جديد وهايكون فيه فتحه سقف بانوراما والقشقاى كمان نازلة بشكل جديد

**cptmero** · 12-09-2014 02:38 AM

المشاركة الأصلية كتبت بواسطة islam_10

بص يا باشا
احنا عندنا جوك في الدوحة وكنا عاوزين ننزلها فقلت انزل اسأل عليها الاول هنا
نزلت لقيت الراجل بيقولي العربية ياباني تجميع انجليزي
والعربية بتاعتنا بره مكتوب عليها من ع الباب made in japan وده مش موجود هنا
لقيت فيها دي في دي وفتحة سقف وفيميه والكلام ده مش موجود في الفئة الفول أوبشن بره !!
قعدت أزنق في الراجل لحد اما قالي بالنص "بص يا باشا هو الصراحة العربية بتيجي من بره فقيرة اوي في الأوبشنز واحنا اللي بنزود عليها الحاجات دي هنا لأن حضرتك عارف ان لو هي نزلت كده من بره هتفرق جامد في السعر" !!
فقررنا اننا هنزلها ان شاء الله
أسف لو مجاوبتش على أسألتك بس بما ان حضرتك ممكن تنزلها من بره قلت أفيدك بالمعلومة دي

الفكره ياباشا ان بعد فرق العمله سعرها هيقف اغلى من مصر هنا الفل اوبشن عامله 69 الف ريال ولو جماركها حوالي 77 الف جنيه وجماركها غير انهم هيجمركوا الفتحه والجي بي اس والسينسورز وكله لو حسبتهم وحولتهم هيعدوا ال 200 الف جنيه , وهنا لسه باعت حد يسال عليها النهارده قالي عامله 190 الف اعلى فئه بس طبعا اعلى فئه في مصر غير اعلى فئه فالسعوديه :d بتنزل من غير فاتحه ولا سينسور بارك ولا جي بي اس !! مش عارف ازاي كدا فول اوبشن , وهيا فعلا الي بتنزل في الخليج ياباني الراجل قالي وانا باشوفها انها العربيه الوحيده هيا والنيسان باترول الي بيجوا تقفيل ياباني كامل , بس بعيدا عن سعرها هنا وهناك بحكم انها معاك ايه رايك فيها ؟؟ , لو في ملاحظات معينه عليها ياريت تقولي انا ممحتاج اعرف اكبر قدر من المعلومات عنها بعد اذنك

**cptmero** · 12-09-2014 02:39 AM

المشاركة الأصلية كتبت بواسطة soltanfriend

انا كلمت التوكيل من حوالى 10 ايام وقالى ان النيسان جوك نازلة بفيس ليفت جديد وهايكون فيه فتحه سقف بانوراما والقشقاى كمان نازلة بشكل جديد

حضرتك قصدك عال 2015 ياباشا مش كدا ؟؟ , عندك خلفيه عن سعرها او هتنزل مصر امتى ؟؟

**cptmero** · 12-09-2014 02:41 AM

المشاركة الأصلية كتبت بواسطة yasserelshakwe

انا عاوز اشتري نيسان جوك من السعودية
والعربية بجد اكثر من ممتازة ويكفي انها من نيسان
ولكن عاوز اعرف السي سي بتاعها اد ايها علشان الجمارك
لأن الجمارك حدها فقط 1600 سي سي وبعدها بيكون خراب بيوت
عاوز نصيحة بامانة شديدة لو سمحتم

حوار السي سي دا شفت حد هنا في المنتدى بيتكلم عنه بس معنديش اي فكره بصراحه هوا خوفني انا كمان بس هوا كان بيتكلم عن التيربو مش العاديه

**islam_10** · 13-09-2014 03:04 AM

المشاركة الأصلية كتبت بواسطة cptmero

الفكره ياباشا ان بعد فرق العمله سعرها هيقف اغلى من مصر هنا الفل اوبشن عامله 69 الف ريال ولو جماركها حوالي 77 الف جنيه وجماركها غير انهم هيجمركوا الفتحه والجي بي اس والسينسورز وكله لو حسبتهم وحولتهم هيعدوا ال 200 الف جنيه , وهنا لسه باعت حد يسال عليها النهارده قالي عامله 190 الف اعلى فئه بس طبعا اعلى فئه في مصر غير اعلى فئه فالسعوديه :d بتنزل من غير فاتحه ولا سينسور بارك ولا جي بي اس !! مش عارف ازاي كدا فول اوبشن , وهيا فعلا الي بتنزل في الخليج ياباني الراجل قالي وانا باشوفها انها العربيه الوحيده هيا والنيسان باترول الي بيجوا تقفيل ياباني كامل , بس بعيدا عن سعرها هنا وهناك بحكم انها معاك ايه رايك فيها ؟؟ , لو في ملاحظات معينه عليها ياريت تقولي انا ممحتاج اعرف اكبر قدر من المعلومات عنها بعد اذنك

شخصيا انا شايف انها عربية ممتازة .. لكن لشاب أو لأسرة صغيرة واحد ومراته وبيبي مثلا .. لكن متنفعش لأسرة متوسطة حتى ..
العربية كنزة شوية .. وشنطتها معقولة بس تعتبر صغيرة برضو .. وكمان مفيش مخدع وده شيء مستفز الصراحة ..
لكن فيما دون ذلك العربية ممتازة من ناحية التقفيل والسحب والقعدة الخ ..

**yasserelshakwe** · 15-09-2014 01:27 PM

وهل يتم وضع بنزين 92 ولا بنزين 95
ايهما افضل

**akodous** · 17-09-2014 02:37 PM

انا معايا الجوك 2014 من مصر هنا و الدنيا زي الفل وهيا فعلا تقفيل انجليزي ادخل على nissan world wide وهتعرف ان هيا بتتقفل في انجلترا وهي التقفيل و العزل بتوعها هايلين عربيه جباره الصراحه كان عيبها النور ضعيف شويه و السنسور باركينج و الاتنين زبطهم في التوكيل ب 1000 جنيه تقريبا غير كده عربيه هايله سحب و عفشه و تكييف و ثبات و في مركز صيانه كبير عندنا في طنطا متهيالي هيبقى جنبك وقطع الغيار تقريبا زيها زي كل العربيات اللي تمنها فوق ال 150000 من ناحيه التيل و الفلاتر و الزيوت وبنزينها 92 عادي جدا ممكن تكون صغيره شويه بس انت قاعد مستريح جدا و كراسيها مريحه و فرشها جميل