مقابلة أغسطس 2007 امتى ؟

**إسلام شاهين** · 20-07-2007 08:08 PM

معلش هو ممكن السؤال يكون بدري شويه بس علشان أنا بضبط مواعيد المصيف فعايز أعرف هيا المقابلة هتكون فين وإمتى إن شاء الله ؟

**AlmAhAtmA** · 20-07-2007 10:15 PM

و انا كمان بنضم لاسلام في السؤال ده
علشان انا بخطط اخد اجازه و اطلع انا و الحاجه و اخويا اسبوع مطروح
اسلام انت حجزت في اي مكان ولا ايه النظام
علشان انا جي لي في شاطئ الابيض حاجه محترمه قوي
بينا علي المصايف بينا بينا علي المصايف

**Hossam_Hassan** · 21-07-2007 10:06 AM

يا ريت فعلا نبتدى نقرر و أنا عندى أقتراح بمكان معقول و يا ريت لو حد شافه يبقى يفيدنا بأى معلومات أكتر، المكان فى المقطم، عند نادى الأعلاميين و مميزاته كالأتى:

1 - ممكن قعدتنا تبقى جوه النادى (هسأل عن نظام الدخول النهاردة ان شاء الله) و النادى نضيف جدا - بيطلع فى التليفزيون كتير - :D :D :D :D
2 -مدخل النادى هوه برده مدخل مشروع Uptown Cairo بطول حوالى 5 كيلو، اتجاهين، كل اتجاه 4 حارات و الأسفلت حرير - تحس انك اتنقلت دبى - (لتجارب السيارات)
3 - الجو فى المقطم بيبقى أرحم من حيث الحر
4 - المكان فى أول المقطم و سهل الوصول اليه من أى حتة.

**Karim_Monir** · 21-07-2007 12:14 PM

فكرة كويسة جدا يا حسام حتي نلاقي مكان نجرب فيه العربيات وجو المقطم تحفة اصلا
يلا انا معاك

**Dr Ahmed** · 21-07-2007 04:25 PM

أخونا الفاضل د/ أحمد سمير هو دايما مهندس ومخرج مقابلات أعضاء المنتدى (أمير الجماعة يعنى) وما ينفعش نتفق على مكان من غير ما ناخد رأيه ، فياريت يشاركنا ونتمنى حضور أكبر عدد من الأخوة.
وبالنسبة للموعد أعتقد انه مازال أول جمعة من الشهر زى الاتفاقات السابقة.

**AlmAhAtmA** · 21-07-2007 10:56 PM

يبقي احنا بنتكلم علي الجمعه 3 اغسطس يا د احمد ان شاء الله
لوممكن يكون فيه جدول اعمال للاجتماع علشان يكون فيه فايده كبيره
يا ريت نفكر في شكل جديد يخرج بيه الاجتماع

طبعا في حاله الموافقه علي المقطم حتشرحولي اوصل له ازاي
انتوا عارفني انا علامه في شوارع المعز

يالا بقي علشان وحشتوني

**د.أحمد سمير** · 22-07-2007 04:17 AM

أوك يا جماعة على يوم الجمعة 3 أغسطس ..
المهم المقطم مكان جميل جداً ، وانا عارف نادي الإعلاميين كويس ، والوصفة ما تتوهش أبداً ، لكن فيه ملاحظة ، اننا هنكون بعيد عن العربيات ، يعني الغالب اننا بنكون جنب العربيات نقوم ونشوف ونجرب ونرجع وهكذا ، لكن نادي الإعلاميين هنقعد جوة ، وندفع فلوس دخول ، ونخرج ازاي ونرجع تاني ، ولا نتقابل بره ونجرب ونشوف وبعدين نرجع نقعد .. حكاية لسه مش مفهومة قوي ..
المهم مش المكان في حد ذاته المهم ان كل ما نفعله يكون سلس ولطيف . وعلى فكرة هذه المسألة بوظت علينا اللقاء التاني في الأزهر بارك للسبب ذاته ، وبنفس المنطق هناك عشرات الأماكن التي يمكن أن نلتقي فيها ، فدار المدرعات في صلاح سالم مثلاً جنبها شارع الاستاد وهو شارع كبير وطويل ، والمكان هايل برضه ، وكذلك دار الأسلحة والذخيرة ودار المركبات نفس الفكرة وجنبهم الشارع اللي بيوصل من صلاح سالم إلى الأوتوستراد ، وكذلك هناك نادي الشرطة الجديد بالحي السادس مكان هايل وجميل وجنبه طريق القطامية العين السخنة ، وغير هذا الكثير من الأماكن . علشان كدة أنا لسه شايف الربوة مكان مثالي من حيث تجربة العربيات ، وسهولة الوصول لكل الناس ، ولو عايزين نغير ممكن حد يشوفلنا مكان مشابه في المقطم أو التجمع بس تكون كافيتريا مفتوحة مش نادي مغلق .
تقبلوا خالص مودتي
ويا دكتور أحمد بلاش حكاية أمير الجماعة دي لنروح في داهية

**Hossam_Hassan** · 22-07-2007 02:32 PM

معلش يا جماعة مقدرتش افوت على نادى الأعلاميين امبارح، ان شاء الله أفوت النهاردة.

**Dr Ahmed** · 22-07-2007 02:35 PM

والله أنا أأيد إختيار كافتيريا الربوة فعلا لسهولة الوصول اليها من جميع المناطق ولموقعها الجميل لأنها فعلا مرتفعة جدا وترى مساحة شاسعة والسيارات ستكون بجانبنا وهناك مشروبات ومأكولات وكل شئ ، والرأى للجماعة فى الآخر (من غير أمير أهه :lol: )

الموضوع: مقابلة أغسطس 2007 امتى ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

مقابلة نيسان الي جايه هاتكون امتى؟

مقابلة العيد امتى عاوز معلومات

صور مقابلة 29/9/2007 -- 17رمضان ( 2007 )

أقتراح بخصوص مقابلة 3 أغسطس

أغسطس 2007 - شهر المفاجأت - موديلات جديدة لاول مرة . . .

الكلمات الدلالية لهذا الموضوع

المفضلات

المفضلات

ضوابط المشاركة