اخطاء الغير اللى هتموتنا

**Super_Star_h** · 26-08-2014 03:15 PM

المشاركة الأصلية كتبت بواسطة toty_305

-باشا الطريق قدام مارينا و قدام القرى عامة محدش يمشي عليه 120 ده كله تقاطعات و ملفات ...السواقة الهادية هتخليك تقدر تتجنب أخطاء الغير بسهولة.

-أنا بسوق بسرعة بس عند مارينا بمشي 80 مثلا.

-طبعا ده مش تبرير لفعل الكائن ده بس لازم نتعايش مع بلدنا...السرعات لا فرامل و لا أي شئ هيحميك من الغلطات الغريبة دي...طريق مارينا ده بيحصل حوادث كتيير بشوفها بسبب السرعة الزائدة في منطقة تعتبر سكنية و ليس طريق سريع

يا باشا انا مش بحب اجرى بالعربيه اساسآ
وكنت ماشى على معظم الطريق 100 و 90
بس فيه فى الطريق ده حتت مفتوحه شويه مافيهاش ملفات ولا حاجه قولت ادوس 120 شويه
المشكله انه مش طالع من ملف اصلآ ده كان ماشى على الشمال براحه ومره واحده كسر الشارع !

**Super_Star_h** · 26-08-2014 03:23 PM

المشاركة الأصلية كتبت بواسطة hi_nmr

ربنا يسترها علينا يا رب
بس الاخطاء الرهيبه دي تفتكروا من ايه ؟؟
هل مثلا من فساد المرور انه بيطلع رخص لاي حد معاه واسطه حتي لو ساقط في الاختبار او بدون اختبار اساسا ؟؟
ولا احنا مهملين في نفسنا ؟؟
ولا احنا مبنحترمش ارواح البني ادمين ولا ايه؟؟

المنظومه كلها غلط
واحد مبيعرفش يسوق يطلع رخصه
واحد نظره ضعيف يطلع رخصه
كلها ماشيه بالفلوس
+ طرق كلها زي الزفت لا انورات ولا اسفلت عدل
ومطبات على طرق سريعه وانورات ضاربه فى وشك
والله انا بمشى ساعات فى طرق اقسم بالله ما بشوف مترين قدامى
طرق ظلمه كوحل ومافيش اي علامات على الاسفلت ولا اي خطوط وانوارت جايه ضاربه فى وشك
اللى بيبقى قاعد جمبى ده هيعملها على روحه ببقى حاسس بيه

**Ahmed Saad** · 26-08-2014 03:34 PM

حمدا لله على سلامتك على فكره والله ربنا بيسترها معانا علشان احنا طيبين والموضوع ده بيحصل معايا كتير اخطرهم في مره على طريق اسماعيلية الصحراوي ماشي في أمان الله على الشمال ومقطوره على اليمين وانا دخلت في أول المقطوره من ورا وماش في طريقي ومره واحده راح كاسر شمال وجنبي مصد الطريق الاسمنت الكبير فطبعا كده هتفعص مابينهم روحت دايس فرامل على الآخر فتخيل إحساس انك بتقف ومقطوره طويله عريضة بتعدي من ادامك وفرق مابينك ومابينها بضع سنتيمترات فربنا بيسترها علينا وفعلا البهايم اللي بتسوق كتروا اوى

**ahmedfathi** · 26-08-2014 10:48 PM

بهايم

**Ahmed abdkarim** · 26-08-2014 11:22 PM

حصل موقف زى ده معايا بس كان أسوء من كده ان كان فى عربية طالعه تقطع الطريق بالعرض من الجنب اليمين هى كمان فالطريق بقى مقفول قدامى خالص . كل اللى حصل انى حطيت ايدى على الكلاكس و كبست فرامل للأخر وفعلا دعيت ربنا انى اقف قبل العربية علشان كنت داخل على نص العربية بالظبط و لسه فاكر شكل السواق وهو مذهول و بيبص ليا ومش عارف يتصرف والحمد لله وقفت قبل العربية ومعرفتش اهزقه علشان معاه واحده ست و اطفال صغيرين .

**Super_Star_h** · 27-08-2014 03:03 AM

المشاركة الأصلية كتبت بواسطة ahmed saad

حمدا لله على سلامتك على فكره والله ربنا بيسترها معانا علشان احنا طيبين والموضوع ده بيحصل معايا كتير اخطرهم في مره على طريق اسماعيلية الصحراوي ماشي في أمان الله على الشمال ومقطوره على اليمين وانا دخلت في أول المقطوره من ورا وماش في طريقي ومره واحده راح كاسر شمال وجنبي مصد الطريق الاسمنت الكبير فطبعا كده هتفعص مابينهم روحت دايس فرامل على الآخر فتخيل إحساس انك بتقف ومقطوره طويله عريضة بتعدي من ادامك وفرق مابينك ومابينها بضع سنتيمترات فربنا بيسترها علينا وفعلا البهايم اللي بتسوق كتروا اوى

سواقين المقطوره دول قصه تانيه
السواق منهم يكون مطبق يومين وسايق على الطريق وواخدله حبايه تامول عشان يفوق ويعلى
وفى الاخر تلاقيه سايق وهو نايم وعمال بيحلم ويتخيل لغايت اما يلبس فى جزيره ويقلب
ده غير ان سواق المقطوره فى الغالب مبيكونش شايفك فى المرايا فممكن يكسر عليك وهو مش واخد باله ان فيه توكتوك معدى تحت منه او لازق فى ضهره

**Ahmed Saad** · 27-08-2014 03:10 AM

المشاركة الأصلية كتبت بواسطة super_star_h

سواقين المقطوره دول قصه تانيه
السواق منهم يكون مطبق يومين وسايق على الطريق وواخدله حبايه تامول عشان يفوق ويعلى
وفى الاخر تلاقيه سايق وهو نايم وعمال بيحلم ويتخيل لغايت اما يلبس فى جزيره ويقلب
ده غير ان سواق المقطوره فى الغالب مبيكونش شايفك فى المرايا فممكن يكسر عليك وهو مش واخد باله ان فيه توكتوك معدى تحت منه او لازق فى ضهره

فعلا عندك حق انا كل تعاملي معاهم على الطريق لاني بسافر كتير فبقيت أخاف آجي جنبهم ليطيروني وربنا يسترها عليك وعلينا

**Super_Star_h** · 27-08-2014 03:18 AM

المشاركة الأصلية كتبت بواسطة ahmed saad

فعلا عندك حق انا كل تعاملي معاهم على الطريق لاني بسافر كتير فبقيت أخاف آجي جنبهم ليطيروني وربنا يسترها عليك وعلينا

احسن انا ببعد عنهم خالص ربنا يكفينا شرهم

**ramymechanics** · 27-08-2014 04:04 AM

سواق عندنا فالشركة مرة كان بيعلم واحدة السواقة على عربيتها ال 128 و طلعت من شارع جانبى قطعت طريق حلوان الزراعى تقريبا بالعرض و عربية جامبو جاية كابسة و دخلوا فبعض بالعرض
السواق بيحلفلى انه لولا انه طلع على حجر الست كان زمانه متقطع فتافيت

ههههههههههههههههههه

**J A G U A R** · 27-08-2014 04:17 AM

المشاركة الأصلية كتبت بواسطة ramymechanics

سواق عندنا فالشركة مرة كان بيعلم واحدة السواقة على عربيتها ال 128 و طلعت من شارع جانبى قطعت طريق حلوان الزراعى تقريبا بالعرض و عربية جامبو جاية كابسة و دخلوا فبعض بالعرض
السواق بيحلفلى انه لولا انه طلع على حجر الست كان زمانه متقطع فتافيت

ههههههههههههههههههه

هههههههههههههه
والست عملت ايه ساعتها ..

الموضوع: اخطاء الغير اللى هتموتنا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اخطاء الاطباء

اخطاء عسكرية ...!!!

اخطاء شائعه

اخطاء شائعة

الكلمات الدلالية لهذا الموضوع

المفضلات

المفضلات

ضوابط المشاركة