ايهما افضل الشبكات ام البرمجه

**cyborg_ift** · 26-08-2014 11:52 AM

اخوكم شغال في قطاع خاص في شركة محترمة بس مجالى الشغل فيه صعب تلاقيه بسهولة ففكرت انى اخد كورسات اما في الشبكات او البرمجة فسؤالى للخبراء ايهما افضل من حيث كثرة العمل والدخل وما الكورسات المطلوب الدخول بها بالترتيب

شكرا لكم جميعا

**3abdo.it** · 26-08-2014 12:07 PM

انا مهندس كمبيوتر وشبكات

بص البرمجة انك تتعلمها صعب وان تلاقى مكان فى مصر محترم تشتغل فية اصعب

فلوسها حلوة جدااا لو اشتغلت فى مكان كبير

الشبكات تعلمها سهل جداا ومش هتاخد قت فى دراستها

مرتبتها ضعيفة بس هتلاقى اماكن كتير تشتغل فيها اى شركة هتلاقى فيها مطلوب مهندس شبكات وعلشان كدة مرتبتها ضعيفة لان موظفينها كتير

**Secret-Man** · 26-08-2014 12:22 PM

كسمستقبل سوق العمل

Web Development
Mobile Apps

**cyborg_ift** · 26-08-2014 01:32 PM

المشاركة الأصلية كتبت بواسطة 3abdo.it

انا مهندس كمبيوتر وشبكات

بص البرمجة انك تتعلمها صعب وان تلاقى مكان فى مصر محترم تشتغل فية اصعب

فلوسها حلوة جدااا لو اشتغلت فى مكان كبير

الشبكات تعلمها سهل جداا ومش هتاخد قت فى دراستها

مرتبتها ضعيفة بس هتلاقى اماكن كتير تشتغل فيها اى شركة هتلاقى فيها مطلوب مهندس شبكات وعلشان كدة مرتبتها ضعيفة لان موظفينها كتير

ايه الكورسات المفروض اخدها بالترتيب

**3abdo.it** · 27-08-2014 10:30 AM

قصدك فى ااشبكات ولا البرمجة

**cyborg_ift** · 27-08-2014 10:51 AM

الشبكات

**S O P H O S** · 27-08-2014 11:38 PM

البرمجة احسن
بس سوق الشبكات اسهل فعلا

**amrelsaqqa** · 27-08-2014 11:53 PM

والله لا ده ولا ده ..

برمجة : شغلانة ممتعة جدا كهواية ومزاج .. ولكن مقرفة جدا وضغط نفسى وعصبى كبير جدا ومملة جدا كشغل مطلوب منك .. ، 99% من فرص العمل في اماكن تحت بير السلم او شركات في شقق اوضتين وصالة ، بيعملوا سوفتوير تعبان مفيهوش ريحة الـ Software Engineering لبلاد برة ومواقع الفري لانس ..
هتلاقى نفسك شغال ديفيلوبر وتستر وديزاينر ، وهيطلع عينك .. والفلوس اللى هتاخدها مهما كانت كتير تحس انها مش على قد تعبك وهمك ، دايما اجرك مربوط بكمية الشغل وعدد الساعات ، وده يحسسك في نهاية المطاف انك شغال في الفاعل ، مش ليك شغلانتك اللى حياتك اليومية ماشية بيها بصورة طبيعية.. .. مفيش قدامك فرص حلوة انك تشتغل في شركات مالتى ناشونال وشغل رايق بفلوس كتير زي بقية شغل الـ IT ، مفيش قدامك فرصة تفهم المانجمنت والبزنس وتكمل الكارير بتاعك في الادارة ( الوضع الطبيعى لاي حد في الدنيا ) ماهو انت مش هتعيش عمرك كله بتكتب كود وعندك تاسكات ! ، لازم تسيب التكنيكال خالص في يوم من الايام وتبص من جهة البزنس من فوق ..

كل ده اصلا لو انت غاوى البرمجة وبتحبها ودماغك حلوة فيها ، تخيل بقى لو انت مغصوب عليها او مش بتحبها ، او داخلها عشان وهم الفلوس !

شبكات :
شغل اروق شوية في الاماكن الصغيرة ولكن المرتب ضعيف ، وبرضه الفرص المحترمة قليلة ، ويوم ما ربنا يكرمك هتشتغل في TE-Data مثلا ، هتكره نفسك هناك .. .