للأسف كل الكلام الي اتقال ده كلام مبتدئين وواضح جدا من بين السطور لكذا سبب
اولا : انا لما قلت ممكن 1000 دولار تبدلهم ل 100 الف في سنه فا ده كان مثال مش اكتر
ماشى مثال عادى كلنا بنعمل كده مش هنتكلم احنا فى امثلة
ثانيا : كل الشركات الي اتذكرت في الموضوع كلها بدون اي كلام ماركت ميكر كله بتخش على سوق صناعي تبعهم
سوق صناعى ده زى سوق الجمعه كده ولا سوق الجمعه تجارى
بينك وبين الشركه وبين بقيت العملاء وملكش دخل بالسوق الحقيقي ومهما كسبت حيصطدوك في مره ويعملك
سليبنج زي الفل نطه وحده في شمعه وفلوسك كلها بخ مارجن كول حتى لو ممرجنج حيخسرك قد ميقدر
تصدق شىء مريب فعلا انا عن نفسى اتخضيت
ثالثا: الشركات الي اتذكرت تقدر ترجع لموقعها حتلاقي انهم ذاكرين انهم ماركت ميكر وحيقلولك لو عايز سوق حقيقي يبقى شخلل 10 الالف دولار بالميت اوي وندخلك على سوق ودول كلهم نصابين
طيب ما تورينا حاجة كده بتقول شخلل علشان ادخل سوق فعلى وحقيقى
رابعا: الشركات الي اتذكرت fxdd و fxcm ديه ماركت ميكر بردوا وعندهم اكتيف ترايدر وده عايزله 10 الف دولار وبرضوا نصابين... ودوكاسكوبي بانك < دويتشه بانك الالماني الي اتحول اساسا لشركة فوركس دوت كوم وديه ماركت ميكر كبييييييييييييييييييييييي ييييييييييييييييييييييييي ييييييييييييير واكسنس نصابه الخ الخ الخ
بالرغم من الشركتين مش ميال ليهم ولا بحبهم بس عايز اعرف انت ليه قولت نصابين ؟؟؟
خامسا: الشركات ديه يعم انت مسجله في هيئات رقابيه طيب نصابه ازاي ... فرض نصبوا عليك باي طريقه حتروح تشتكي في الهئيه الرقابيه الي خاضعه ليها الشركه سواء في امريكا ولا لندن ولا قبرص الخ الخ حتفتح قضيه معاهم وحيتابعوا معاك وحيطلبوا رد الشركه الشركه ببساطه حتعمل شغل الحواه وتطلعك انك غلطان وحتعوضك في الاخر ب 10 في الميه من البملغ الي انت خسرته هههههههههههههه يعني لبسوك الخازوق صح والهيئات الرقابيه ديه زي عدمها بس منظر للشركات مش اكتر ولا اقل انها مسجله وخلاص وكلهم بيتفقعوا غرامه كل سنه محترمه بتوصل من 50 ل 150 مليون دولار وسعات اكتر منها fxcm النصابه اوي و fxdd الخ الخ الخ
معلومة شيقة تصدق انك قفلتنى
سادسا: الفوركس لا ينصح بيه ابدا الا من خلال شركات محترمه وموثوقه ومجربه والشركات ديه لا تقبل بايداع اقل من 10 - 50 الف دولار والتوب فيهم اقل حاجه 50 الف دولار عشان تفتح حساب معاهم ولو قلت اساميهم الناس حتستغرب من الشركات ديه ازاي ديه مش معروفه عندنا ومسمعناش عنها حقولك عشان هيا مبتعملش اعلانات ولا دعايه بس الشركات ديه اجدد واحده فيهم فاتحه من سنة 1995 وشوف بقالها كام سنه في السوق وهما مش محتاجين دعايه واعلان اساسا لان الناس بتجي من نفسها للشركات ديه والشركات ديه كمان او البنوك ديه معندهاش حاجه اسمها حساب تجريبي والبطيخ ده لا كله حساب حقيقي وخلاص
منين شركة موثوقة وانت قايل قبل كده ان الهيئات الرقابية مجرد منظر للشركات ؟؟؟
ومعنى انك تقول انها تكون مجربة يبقى احنا بنلف وندور فى ساقية يعنى لو شركة موثوقة ومش مجربة هتامنلها ؟؟ وحتى لو مجربة وموثوقة انت نفيت صفة الامان اصلا بخصوص كلامك ان الهيئات الرقابية فشتك خلص الكلام اللى هيسرى هنا هيسرى هنا انت مجرد عمال تدش كلام قريته وخلاص وكلامك متناقض ما ينفعش اللى انت بتتكلم فيه ده
سابعا: السبريد او فرق النقط في العملات حتبص للشركات النصابه حتلاقيها ثابته بطريقه غبيه لان عمر السبريد ما يكون ثابت او تلاقيه عالي اوي عن السوق طيب ازاي ؟؟؟؟؟؟؟؟؟؟؟؟؟؟ مع كده ان كلهم ديلنج ديسك ونصابين وماركت ميكر واكبر دليل على كده البرامج بتاعتهم و كمان الميتاتريدر ..... تعرف ان الشركات والبنوك الحقيقيه التنفيذ عندهم بيبقى عن طريق موقعهم مفيش حاجه اسمها برنامج او منصه بتستخدمها الا لو انت طلبت وبيدوك منصه جافا يدوب بتدخل عليها الاورد وخلاص وكمان مبينصحوش بكده ازيدك من الشعر بين الشركات الحقيقيه ديه بتخليك تدخل الاوردر عن طريق موقعهم فقط بيع او شراء عشان تضمن حقك ان النت ميقعش ولا يحصل مشكله في البرنامج وتخسر لانهم اساسا ملهمش مصلحه لا في خسارتك ولا مكسبك مصلحتهم في الكوميشن والفيز بتعهم وبس وعدهمش حاجه اسمها مدير حساب يديك توصيات والبتنجان ده كله هههههههههههههههههه الا لو انت طلبت توصيات بيدوك ويقلولك احنا غير مسؤولين ولك حرية الاختيار مش زي الشركات النصابه بيقعد مدير الحساب يبوس ايدك عشان تنفذ توصياته عشان يخسرك وممكن يكسب مره او اتنين عشان تطمن والمره التالته يلبسك الخازوق مغري لمو اخذه في اللفظ d: ... الشركات النصابه بقى بتخليك تتداول عن طريق منصه او برنامج عشان يوم ما تحب تلبسك الخازوق تقولك ده عيب من الاتصال بتاعك في البرنامج واحنا ملناش فيه يكفي بس 5 ثواني تعملك فريز على البرنامج تخسرك كتييييييييييييييييييييييي ييييير عرفت بقى فيه فرووووق كتير ولا لا ؟؟؟؟ الشركات الحقيقيه بتطلع عينك عشان تفتح حساب حقيقي معاهم لازم يبعتولك العقود تمضيها وتراجعها ولو هيا مقيده في امريكا وحبيت تروح السفاره الامريكيه تعمل الورق هناك معندهمش مشكله او السفاره البريطانيه وبعد ما توقع العقود لازم تبعت معاها صورة من جواز السفر ووصل نور ووصل حساب من البنك وعنوانك بالظبط وتليفونك وبعد كده تبعتلهم الاوراق ويبتدوا يفتحوا حساب مش زي النصابين التانين يلا يلا
الجزء ده من كلامك ناتج عن وسواس اسمه الماركت ميكر صدقنى غير انك خلطت امور كتير فى بعض
تاسعا: لما قلت جرب ديمو او حساب ميكرو ب 100 دولار فا كده كده ميضرش 100 دولار تجرب بيهم حساب حقيقي بعد التدريب على الديمو اهو يعيشك جو السوق وتاخد خبره على الحساب الحقيقي (ماركت ميكر) وبعد ما تجمد وحبيت تخش في المعمعه الحقيقيه يبقى اخدت تدريب صح غير كده انسى واخيرا فيه حاجه اسمه السبريد بيت وكمان الاوبشنز ديه مكسبها خرااااااااااااااااااااااا ااااافي ومحدش يعرف عنها اي حاجه بص عليها وحاول تعرفها ومتنساش الدهب مكسبه خرافي جدا وبعض مؤشرات الاسواق الاجنبيه انت لو لقيته نازل فا تنستنى وتشوف امتى حيطلع لما تحس انه حيطلع حتشتري فيه وسعتها حتكسب كتير لان ممكن يطلع 50 نقطه لو النقطه ب 100 دولار يعني دخلت 5000 دولار وهكذا ديه مجرد امثله والموضوع لازم دراسه سنه بالميت تطلع عين الفوركس واسواق المال والتحليل دراسه والاماكن على النت كتير عشان تاخد خبره بعد ما تفهم خد تجربه على الديمو بعدها خش على اي شركه بحساب 100 ولا 250 دولار ودول ممكن تخسرهم بعدين ابقى جرب على حساب حقيقي وكبير بعد الخبره والتجارب الكتير بعدها حتبتدي تكسب باذن الله ومتنساش انك بردوا ممكن تخسر بس مش مشكله طالما الخساره من الربح مش من راس المال وتقدر تعوض خسارة الربح ديه
هو الناس على اى اساس بتحدد المده ؟؟ نفسى حد يقنعنى
الداخله دى غلط على فكرة
عاشرا والنقطه الاخير : انت مخدتش بالك وانت بتقرا اني مكتبتش ثامنا لا نطيت من سابعا ل تاسعا على طول ههههههههههههههههههه بالذمه ملحظتش النقطه ديه وعايز تفتح حساب فوركس وتخسر لا وعمل ذكي وطلعت تتأكد من كلامي انا كتبت ثامنا ولا لا ههههههههههههههههههههههههه هههههههههه
ديه واللهي الخلاصه في موضوع الفوركس ومحدش حيقولك عليها بالساهل كل الي انا سمعته كان كلام مبتدئين وخلاص ولما يلبسوا يقولك الشركه ديه نصابه ... الشركه ديه مش عارف ايه وانت اساسا مش فاهم مفيش فوركس حقيقي ب 100 ولا 1000 دولار الحقيقي بالميت 10 - 50 الف دولار وال 50 الف ده المضمون وطبعا مش معنى انك لو فتحت في شركه من الشركات النصابه ديه انك مش حتكسب لا حتكسب بس لازم بعد فتره يصطدوك فا ممكن انت تلعب عليهم بس حتوجع دماغك طالما فيه حد ضدك .. والي كان بيقول الفوركس ملوش ثوابت ولا تحليل فا احب اقوله انت مش فاهم حاجه الفوركس ليه قواعد وثوابت وتحليل ثابت ومتابعه الاخبار والجلسات ثابته بس وجع دماغ لازم تاخد بالغ من اخبار امريكا بتاعت نسبة العاطلين شويه اخبار نسبة الديون شويه اخبار الزلزال الفلاني شويه مش عارف ايه مله ده وجع دماغي واللهي عايز تكسب بدون وجع دماغ خليك مع البورصه سواء المصريه ولا خليجيه ولا امريكيه مضمونه 100 % عن اي حاجه تانيه والتحليل بيبقى مظبوط عليها انا عارف ان الكتابه كتير بس قلت انصح لوجه الله
على فكر انت ضايقتنى هنا بردوا بخصوص انك تقول دى الخلاصة وان محدش هيقولك عليها بالساهل على فكرة فى ناس كتير اوى ممكن يرشدوك للصح ومش عايزين منك حاجة لان ببساطة عينهم ماليانه وبيعملوا كده ثواب لله
وياريتك قولت الخلاصة فى الفوركس صح انا شايف ان الخلاصة دى بالنسبة ليك انت فقط من خلال تجربتك انت وشايف كمان ان موضوع الماركت ميكر اللى انتوا طالعلنا بيه ده عاملكم وسواس فى دماغكم وعلشان تقول مفيش فوركس حقيقى بمبلغ قليل ده كلام خاطىء 100% بس فى مفهوم تانى للكلام ده متوقف على 3 عناصر وهما اساس الشغل لاكن طبعا كلامك غلط
وعلى فكرة يا باشا انت خبرتك قليلة فى الفوركس وده العادى اللى بنشوفه لما يكون فى ناس خبرتها قليلة كده صدقنى المحصله = خسارة وفى الاخر الفوركس ده نصب الفوركس ده مش عارف ايه
معلش يا باشا انت لسه بدرى عليك
وعلشان تقول ان البورصة المصرية او الامريكية التحليل مظبوط فيها احب اقولك يبقى ان كده اكدت كلامى انك فعلا لسه بدرى عليك
ولما يكون فى ناس كتير بالشكل ده وبالتفكير ده يبقى لازم كلكم توصلوا لمرحلة واحده وهى ان الفوركس 5% كسبانين و95% خسرنين وهو ده العك بتاع المصريين اللى بيحبوا يفتوا وخلاص
بجد والله انا مستحرم اللى بيحصل ده ولما ى مرة جيت اتكلم وانبه ناس ما حصلتش غير وجع الدماغ والشتايم ومن يومها وانا محتفظ بخبرتى ومعلوماتى لنفسى وفى الاخر اللى كان بيشتموا ويعندوا وخلاص كنت بسمع عنهم بلاوى
فى ناس كده بيحبوا يعرفوا الناس انهم دمغه فى الفوركس وهمالا يفقهون شىء بس محدش بيتعلم بالساهل
انا اللى مستحرمه بس كمية الاحباط اللى وصلت للسماء اللى الناس عماله تنقلها لبعض وخلاص
خلاصة الكلام .... فكر ثم فكر ثم فكر هتوصل ده حتى التفكير عبادة وربنا امرنا بيه ليه الناس بطلت تستخدم عقلها بدل ما هى قاعده تنقل كلام وخلاص
والسلام ختام
عامة الكلام فى المووضع ده كتير وانا مش هوجع دماغى لان سبق وقلت انه كلام لا بيودى ولا بيجيب بس يكفينى انى ارد علشان بس عايز اعرف اخر ما توصلت اليه الخبرات المصرية يظهر انهم كلهم بيقفوا على فكرة شخص واحد
المفضلات