عرض للطباعة
السلام عليكم
ان شاء الله ناوي اشتري جين 2 2014 اوتوماتيك فضي هتعمل حوالي 115 الف من الاحمدي
انا كنت راكب نوبيرا مانيوال ومعايا دلوقتي فيرنا مانيول وهتفضل الفيرنا معايا
ايه الفروقات الى هشوفها
انا خايف من 3 حاجات
1- استهلاك البنزين لاني متعقد منه ف النوبيرا كانت بتعمل 150 كيلو ف الصفيحة
2 - عيوب تقفيل او تصنيع وعدم انتشار العربية
3- التوووووووووووووكيل منا مش عاوز اجيب عربية زيرو واصلحها عن ميكانيكي ولا مركز اى كلام وفيه ناس مش فاهمه
منتظر أرائكم
شكرا
يعني معاك فيرنا وخايف من عيوب التقفيل؟. الفيرنا ملهاش مثيل في الموضوع ده
حضرتك راكب فيرنا يعني هتلاقي فرق رهيب في كل حاجة
التوكيل زبالة بس احسن من توكيلات تانية زي منصور
قطع الغيار الغير متوفرة في توكيلات كتير منها توكيل سكودا عن تجربة
العربية بقت منتشرة عن الاول بكتير اوي عن 2010 انا بقيت بشوفها كتير
هتلاقي فرق في الثبات و التسارع و الفرامل و الخامات و التقفيل
مبروك مقدما
يجماعة الفيرنا الى معايا كويسة الحمد لله ومفيهاش عيوب تقفيل وانا مش بشكر ف الفيرنا بس هي 2014 وعربية والدي وانا بركبها معاه
وانا مش بقارن الجين 2 بالفيرنا انا عاوز ادفع ف عربية تستاهل مش تطلع اى كلام وتقرفني ف الصيانة
يا ريت تفيدوني اكتر ولا اقلل واجيب بيكانتو ولا ازود واجيب ريو
حسب امكانياتك لو هتقدر علي الجين2 وسعرها هاتها لو مش هتقدر يبقي هات سويفت الجديدة ب 99 الف .. منصحكش بالبيكانتو
ليه البيكانتو لا مع انها مع صحبي وزي الفل وسفر وتنطيط وبتاع هي بس تشيل 4 اشخاص ده عيبها
استهلاك البنزين كويس جدا حتى مع التكييف
عيوب التقفيل تكاد لا تذكر
الوكيل بتاعها وحش.....زلكن مهتمين بالجين 2 خصوصا وفاهمينها عموما
استهلاكها متوسط جوا وبرا البلد مع التكييف كام ف الصفيحة تقريبا
متابع
اقتباس:
المشاركة الأصلية كتبت بواسطة smalltoto10
غالية عالفاضي ومفيهاش حاجة تخليني اجيبها غير فتحة السقف
غير كدة مفيهاش abs ولا ebd ولا ايرباجز يعني فاضية زي الفيرنا وبردو اخف من الفيرنا وديقة وشنطة صغيرة
انا شوفت بيكانتو بتاخد غرزة الي سرعة من 90-100 علي المحور كانت هتتقلباقتباس:
المشاركة الأصلية كتبت بواسطة smalltoto10
اقتباس:
المشاركة الأصلية كتبت بواسطة smalltoto10
لو هاتجيب الجين 2 .. كلها شهر زمن والحاج هاياخدها منك وهايديك الفيرنا تركبها انت :):shine[1]:
.. لو عايز أرخص منها ... يبقى بلاش البيكانتو زي ما الزملاء قالوا .. مش عشان هي وحشة .. بس عشان غالية على الحاجات اللى فيها .. وكمان فيه الأحسن منها بكثير وأرخص زي السويفت
أنا حاليا معايا السويفت وكنت محتار بينها وبين البيكانتو 2015
والبيرسونا بركبها برضه .. والمقارنة بين السويفت والبيرسونا (وزيها الجين2 طبعا) لصالح البيرسونا في الفخامة والوسع وراحة القعدة وقوة الموتور وعزمه والعفشة المستقلة ... كل ده حسيت بيه بعد شهر سواقة تقريبا ... وتقفيل البيرسونا إليجانس مش وحش نهائيا أفضل من عربيات كوري كتير أعلى منها في السعر
استهلاك البنزين بتعمل معايا جوة البلد 200 - 220 ك / 20 لتر
وعلى طرق السفر بتعمل 270 - 300 / 20 لتر
التكييف مش بيفرق معايا خالص في الاستهلاك سواء شغال أو مطفي صيف أو شتاء
أنا ماشفتش عيوب تقفيل غير جودة الفرش القماش بتاعها اللى ما كانش عاجباني وده علاجه فرش جلد محترم ... غير كدة باقي العيوب لا تذكر فعلا ومش فاكر منها حاجة بصراحة
الوكيل فعلا وحش من نواحي كتير .. بس زيه زي أي وكيل تاني في مصر وزي وكيل سوزوكي برضه عشان تبقى عارف
.............
السويفت عربية تتفوق في توفير الوقود (عملت معايا 300 ك / 20 لتر تقريبا جوة المدينة .. ماجربتهاش على طرق السعر لسة) وتقفيلها روعة من جوة وفيها شوية تاتشات صغيرة في العربية بتريح الواحد وهو سائق زي ذراع الإشارة بيدي ثلاث إشارات بلمسة واحدة ويطفي لوحدة لو بتغير من حارة لحارة .. الكاسيت بيعلى لوحدة كل ما السرعة زادت ويقل لوحدة تاني لما السرعة تقل .. إلخ
فيها ABS,EBD .. و BA ... و 2 إيرباج .. وموتور وفتيس ياباني وقاعدة عجلات أكبر من البيكانتو وخمس جنوط سبور بالاستبن ومقاس أكبر 15 بوصة وأعرض 185-65 .. وكمان أرخص من البيكانتو بكثير .. وبالنسبة لي شكل أحلى من برة .. والإثنين كويسين من جوة بس البيكانتو شايلين منها الكاسيت الأصلي بتاعها والسويفت فيها تحكم في الكاسيت من الطارة
شوف الموضوع ده كنت عامله أيام ما كنت محتار بينهم شوية ... بس كانت لسة السويفت ما نزلتش وماكنتش أعرف مواصفاتها بدقة
http://www.nilemotors.net/Nile/429598-2015-2015-a.html
ولما السويفت نزلت وقارنت بين مواصفاتها حسمت الاختيار تماما
مواصفاتها في الموضوع ده
http://www.nilemotors.net/Nile/430665-2015.html
وتقرير وكل ملاحظاتي عنها لغاية دلوقتي في الموضوع ده بعد استلمتها
http://www.nilemotors.net/Nile/434488-2015.html
بحس دايما ان الي غاوي جين مش هيحس بعيوب للعربية
غير التوكيل واستهلاك البنزين المتوسط مع السواقة الرياضية
مجرد رأي