مالكي الاتراج - محتاج مساعدتكم جدا

**abuhemella** · 27-08-2014 06:15 PM

انا عاوز اشتري العربيه دي ، وعاوز اتكلم مع اي واحد ممن اشتروها مؤخرا .
ولو طلعنا جيران يا ريت اقدر اشوفه كمان علشان عندي اسئله كتير جدا ..
ارجوا الافاده
وشكرا مقدما لكل من سيعطيني من وقته وخبرته ...
شكرا ..

**هانى شوقى** · 27-08-2014 07:23 PM

يا باشا تحت امرك التقرير دا ممكن يفيدك
http://www.nilemotors.net/Nile/435032-1000.html
لو عايز اى استفسار اتفضل

**sameh1982elola** · 27-08-2014 09:09 PM

بلاش اتراج .................................................. ................................اسأل وشوف العربيات اللى بنفس سعرها

**shedoz** · 28-08-2014 12:19 AM

المشاركة الأصلية كتبت بواسطة sameh1982elola

بلاش اتراج .................................................. ................................اسأل وشوف العربيات اللى بنفس سعرها

ممكن نعرف بلاش ليه !!! كل الناس بتشكر فيها ومعدل انتشارها حلو جده ماشاء الله

**dr_a7mad** · 28-08-2014 12:25 AM

اللي سمع عنها ومجربهاش يا ريت ميفتيش .. العربية روعة بسم الله ما شاء الله

نعومة وثبات ومناورة وراحة

**mestca** · 28-08-2014 12:38 AM

دوس يا ابنى الاتراج مالهاش حل عربية محترمة استهلاك بنزبن جوة البلد معقول تقريبا 300 كيلوا فى الصفيحة فى عز الحر و الزحمة و المطبات و على الطريق السريع عملت معايا 400 كيلوا فى صفيحة البنزين تقريبا عربية ناعمة جدا عفشة ممتازة جدا تكيف حلو باور رائع فرامل حكاية و صالون واسع جدا تسارع ممتاز كل 11.5 كيلو جرام من العربية مقابلة 1 حصان من عزم الماتور الافيوا كل 12.5 كيلوجرام من العربية مقابل 1 حصان من عزم العربية ماتسمعش كلام اللى بيفتى عالشان مجربهاش او لان العربية 3 سلندر العربية انا ماشى بيها 1900 كيلو متر لحد الان و بقولك بصراحة توكل على الله و على فكرة اللى ركب العربية دى و معرفهاش بيفتكرها 1600 سى سى لان تسارعها كويس قوى يكفى انها بتجرى من 0 ل 100 فى 14 ثانية للاتوماتيك و 12 ثانية للمانيول

**مؤمن حمزه** · 28-08-2014 02:18 AM

تحت امرك ....انا مش نوعية الاشخاص اللى بتحب تقول لحد اشترى ايه او اعمل ايه...بس العربيه تحفه بجد و انا مبسوط بيها جدا و الحمد لله و الكمال لله مافيهاش اى عيب يذكر اصلا......روح اعمل تيست درايف و جربها بنفسك و انت هتشتريها مباشرة

**abuhemella** · 28-08-2014 11:01 AM

المشاركة الأصلية كتبت بواسطة مؤمن حمزه

تحت امرك ....انا مش نوعية الاشخاص اللى بتحب تقول لحد اشترى ايه او اعمل ايه...بس العربيه تحفه بجد و انا مبسوط بيها جدا و الحمد لله و الكمال لله مافيهاش اى عيب يذكر اصلا......روح اعمل تيست درايف و جربها بنفسك و انت هتشتريها مباشرة

شكرا يا باشا على الاهتمام ...

بس انا مشكلتي دلوقتي ان قطع الغيار غاليه جدا , مقارنه باللوجان ؟؟؟؟؟؟؟؟

ده تقريبا الاتراج 3 اضعاف اللوجان في اسعار قطع الغيار !!!!!!!!!!!!

الاكصدام ب 2500 !!!!!!!!!!!!!!!!!!!!!!!!! وفي اللوجان ب 750 !!!!!!!!!!!!!!!!

ودي حاجه تقلق خصوصا اني هاجيب بالقسط مش كاش ، فمرعوب جدا من كميه المصاريف

**مؤمن حمزه** · 28-08-2014 12:03 PM

قطع الغيار غاليه لان العربيه جديده لكن فى خلال اسابيع هتنزل قطع غيارها فى المحلات و الاسعار دى كلها هتنزل خالص...

**menshawy** · 05-10-2014 05:46 PM

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟