شوية استفسارات عن مراوح التبريد لهوندا سيتي 2004

**semsem85** · 27-08-2014 06:46 PM

في الهوندا السيتي 2004
- لو مراوح التبريد شغالة وانا ببطل العربية المراوح تفضل شغالة ولا تفصل مع الكونتاكت ايهما الصح
- عاوز اعمل غسلة محترمة لدورة المياة واضيف مياة تبريد نضيفة اي نوع افضل ومجرب واعملها فين
- المراوح لما بتشتغل مبتطولش وتفصل هل ده كافي انها تبرد السيارة يعني امتي اعرف ان في حاجه مش مظبوطة
- اللمبة الحمراء بتاعت الحرارة بتشتغل امتي لان موضوع امبير الحرارة ده كان افضل
- الترموستات اللي جوة الكوعة فيدتها ايه ولو مش موجودة عيوبها ايه

معلش استفسارات كتيرة ولكنها محيراني وجزاكم الله كل خير

**SAMEH_FOUAD** · 27-08-2014 10:58 PM

1- اول لما تبطل المحرك , المراوح بتقف ( دة الوضع الاصلى للسيارة )

2- تغسل دورة التبريد كويس جداا , وتتأكد ان مافيش تسريب قبل ماتحط المياة الخضراء عن طريق كبس الدورة ثم وضع مياة خضراء موبيل العبو 5 لتر ب 75 جنية , فين بقى يفضل عند ميكانيكى متخصص

3- المروحة المفروض تشتغل لمدة 39 ثانية تقريبا وتفصل على حسب الحاجة , لما تحس ان المياة بتغلى فى القربة اعرف ان كدة المروحة مش شغالة بكفاءة او متوقفة تمام عن العمل

4- اللمبة الحمراء بتنور لما بيكون فية مشكلة فى دورة التبريد ( نقص فى المياة ) - ضعف فى تبريد الريدياتير

5- ليها كذا فائدة :

1- الحفاظ على درجة حرارة المحرك اثناء السير بسرعة , فبتخلى مؤشر الحرارة ماينزلش او يتأثر بقوة الهواء , لان لو ثرموستات الكوعة مش موجودة بمجرد ماتجرى بسرعة عالية هتلاقى الحرارة نزلت كأنك لسة مدور المحرك , ودة غلط على المحرك وممكن يأثر على مكوناتة وخصوصا وش السلندر والسبائك

2- سرعة التسخين وخصوصا فى الشتاء