عيوب لانسر شارك ومميزتها 2014 2015

**A7medelfe2y** · 29-08-2014 12:00 AM

انا شايف ان المقارنه غير عادله بالمره لان الاكسنت هتتظلم بمقارنتها بحاجه اعلي منها زي الشارك الجديده المايفك

**semsem5144** · 29-08-2014 01:35 AM

للعلم فقط لاخر 2012 كانت الشارك اول فئة اغلى من ال rb هايلاين واغلى من الانترا اول فئة , الفرق الحالي في السعر جشع غبور مش اكتر
الفرق الجوهري بينهم في الثبات جرب العربيتين على 180 وانت هتعرف

**mohaismail** · 29-08-2014 02:29 AM

مفيش مقارنة بين الشارك والاكسنت خالص
الاكسنت تتقارن بالريو مثلا
الشارك فئة تانية واعلى في كل حاجة
مشكلتها الوحيدة العزل سىء

**Sameh samy** · 29-08-2014 11:06 AM

لا يمكن مقارنة الشارك بال rb خالص ولو اني محبش الشارك بس فردة كاوتش فيها برقبة الrb
ال rb عربية خفيفة جدا وبتنط من ورا وتقريبا الثبات بتاعها زي الفيرنا صحيح مواور قوي بس هاتعمل بية اية من غير ثبات
المقارنة في صالح الشارك طبعا وانا لا راكب دي ولا دي
وانا في رايي العربية stable افضل حتي لو سحبها اضعف لان امانك وامان عيلتك بفلوس وفلوس كتير كمان

**zeko1915** · 29-08-2014 02:31 PM

ايوه كده هيا ديه المنقشات ولا بلاش :)))

بس انا عايز اسأل رجلتنا بالنسبه لو جيت ابعها بعد كده بيقولو سوقها مش قد كده وواقع انا بتكلم على لانسر شارك؟
وقطع الغيار بردوه بيقولوا غاليه اوى ايه رأيكم لو سمحت ؟

**zeko1915** · 29-08-2014 02:34 PM

المشاركة الأصلية كتبت بواسطة crazy car

ولو عاوز تسأل عن اى حاجة بخصوص قطع الغيار للاكسنت ار بى عن تعامل بالفعل وشراء موش فتى وخلاص
أومر بس وان شاء الله سأجيبك على كل اسئلتك

حبيبى والله تسلم ياباشا على زوقك ؟
بس قولى العربيه بيقولوا فيها عيبين انها بتحك مع المطبات تانى حاجه ان بعد 140 العربيه مش متزنه ؟؟؟
انا ركبتها كذا مره بس مجرتش بيها خالص فممكنتقولى ايه رأيك؟

**zeko1915** · 29-08-2014 02:36 PM

المشاركة الأصلية كتبت بواسطة max13

اولا السيارة كانت فاشلة لسببين الاول ان البومة فضلت تنزل معاها والشعب المصرى عشرى ومبيحبش يجرب ثانيا الموتور كان 1500 فكان قليل شوية على العربية لكن بعد تغيير الموتور ل mivec 1600 cc
الموضوع بقى مختلف تمام والعزم والسحب رائع واعادة بيعها رجع تانى زى زمان لان الناس عرفت قيمة العربية ومميزاته . عيوب العربية تتلخص فى شنطه متوسطة الحجم وصوت الموتور مسموع لانة سبورت . العربية فى السفر ممتازه ثبات وسحب تبقى ماشى على 140 ومش قلقان ولو بتقارنها باكسنت ار بى نصيحة منى اشتريها ومش هتندم لانها افضل بمراحل

والله ياباشا انا حبيب شكلها و حابب فكرت اليابانى خصوصا ان اخويا معاه لانسر بومه وماشاء الله عربيه للبهدله مش بتتهالك بسرعه
الفكره بس وانا بسأل على الشارك وانا فى المعرض الراجل بتاع المبيعات بيقولى لانسر سوقها مش اوى و السحب عليها مش جامد زى النيو اكسنت او بيجو 301
فخلانى قلقت جامد...

**mohaismail** · 29-08-2014 06:08 PM

ى باشا متدخلش الشارك في مقارنة مع اكسنت او بيجو 301 دى فئة اعلى
ينفع تقارن برشلونة بالاهلى مثلا

**zeko1915** · 29-08-2014 06:18 PM

المشاركة الأصلية كتبت بواسطة mohaismail

ى باشا متدخلش الشارك في مقارنة مع اكسنت او بيجو 301 دى فئة اعلى
ينفع تقارن برشلونة بالاهلى مثلا

خلاص مش مدخلها ولا تزعل نفسك بس قولى طيب دلوقتى لو الواحد فكر يبعها ليها سوق ولا لأ؟
عشان انا خايف من كده وبالنسبه لقطع الغيار ايه نظمها موجوده وغليه ولا ايه نظمها ؟