كرايسلر نيون 95-99

**mmw100100** · 28-08-2014 05:27 PM

السلام عليكم و رحمه الله ,
الواحد موش عارف يبتدى منين بس العموم انا اول مرة اشارك بنايل موتورز و انا سعيد جدا انى اكون بساهم بمعلومة ,
اولا انا قرات جميع الــــــ "Topics" بتاعت منتدى كرايسلر و لفت نظرى حاجة فى غاية الاهمية ( طبعا مع شديد الاحترام للجميع فى ارائهم ) عن كرايسلر نيون بس انا كنت عاوز اضيف حاجة مهمة اوى العربية دى من اكثر العربيات الى بيزداد احترامى ليها يوم بعد يوم سواء نيون 1 او 2 الغريب ان عربية جميلة زى دى تلاقى الناس خايفة منها اوى و طالع عليا اشاعات غريبة "" يا عم دى حوتتتتت بنزين" " دة انا موش لاقى قطع غيار خالص " و هكذا,,,,,,,,, لدرجة الواحد فعلا لو بيفكر يشترى عربية زى دى يترعب من الكلام الى بيتئال عليها
خلاصة الكلام لما انت عاوز تشترى عربية مستعملة اوعى يغرك سعرها انت بتشترى ماركة موش قليلة خالص على مستوى العالم !!!
حضرتك بتشترى كرايسلر موش 132 ولا شاهين .........
يعنى قطع غيار غالية جدا بس بتنساها ,و هى عايزة لف شوية و ياسيدى عندك amazon و ميت موقع قطع غيار ,ولو حسبتها هتلاقيها ارخص . و بالمناسبة صحيح قطع غيار بتكون aftermarket يعنى موش كرايسلر ممكن تلاقيها شركات كبيرة جدا زى Fel pro/ Vector rienz/Bosch /stranded ignition/ يعنى حاجات موش قليلة خالص.

و الغريب اوى تلائى ناس بتدى رايها و هى موش معاها اصلا فطبعا الى بيشوف الــ Topics بياخد انطباع موش حلو عن العربية دى ويبتدى يتكلم عليها دى عربية ..... تيييييييييت و كدة و انا عارف انى طولت عليكم بس بجد حقيقى الى بيفكر يشترى اى عربيى امريكى و خصوصا كرايسلر انا اسف شوية على التعبير المعهوش مايلزموش فعلا عربية قيمة غاليا جدا موش علشان ثمنها قليل تشتريها لازم على الاقل يكون معاك ضعف ثمنها علشان تعرف تصرف عليها و تتبسط

**OMARAMR** · 29-08-2014 10:26 PM

+1+1+1+1+1+1
No more to add

**Shiref_mohamed** · 03-09-2014 09:27 AM

امتلكها جارى لمده سنتين وكنت بركبها معاه كل يوم وكان ايدي بايده في كل مشاكلها واعطلها التى تعتبر قليلة جداً جدأ باختصار عربية محترمة لأبعد الحدود سحب ممتاز وثبات وهاندلينج ممتازين واستهلاك بنزين معقول جداً وقطع غيارها موجوده عادي بس محتاجه الى راكبها يكون عارف اماكنها ومش بيدي ودنه للناس الفتايين

**sohbamody** · 22-01-2015 02:55 AM

1+1+1+1+1+1

**sohbamody** · 23-01-2015 04:13 AM

العربيه دى تحفة مهما اتقال فيها جميله ومعمره بس للاسف الناس بتخاف بسبب جشع التجار هنا فى مصر
وليها حلول كتير وبدايل لقطع غيارها وسهل جدا تلاقى حاجتها بس متستعجلش وانت بتشترى عشان متلبسش او يستغلك تاجر