زيت الباور بينقط

**bongorno** · 30-10-2014 03:39 PM

لو حد يعرف سبب ان زيت الباور بينقط او يساعدني ويدلني علي فني يكون بيفهم في نوع المشاكل دي والعربيات دي قريب من الهرم او فيصل او المهندسين نوع السيارة كرايسلر نيون ٩٨

**ahmedelrayan** · 30-10-2014 03:55 PM

زيت الباور بينقص يبقى فيه ترشيح بسبب ان فى اويسيلات عايزة تتغير روح شارع معروف هيعملوها فى 10دقائق وناس متخصصة فى الباور بس

**bongorno** · 30-10-2014 04:03 PM

المشاركة الأصلية كتبت بواسطة ahmedelrayan

زيت الباور بينقص يبقى فيه ترشيح بسبب ان فى اويسيلات عايزة تتغير روح شارع معروف هيعملوها فى 10دقائق وناس متخصصة فى الباور بس

شكرا علي سرعة الرد بس هل نوع العربية هيفرق معاهم في ناس مبترداش تشتغل في الامريكي

**georgedada82** · 30-10-2014 04:22 PM

راجع حساس الباور ممكن يكون هو اللي باظ ...

**jackal** · 30-10-2014 06:53 PM

يجدعان ابل النصايح نعرف بينقط منين الاول

مش يمكن تكون حاجه فكه او خرطوم محتاج يتغير او يتكبس

**borio1704** · 02-11-2014 11:29 AM

الموضوع مش هيخرج عن تسريب من أويلسيلات الطلمبة أو تسريب من خراطيم الباور

الأويلسيلات بتتغير زي ما الإخوة الزملاء اتفضلوا وقالولك...

والخرطوم يا إما يتكبس (يعني ياخد الأجزاء الحديدية القديمة ويركبها على خرطوم جديد) أو ممكن يتغير خالص لو لقيت واحد جديد... وممكن يكون مش مربوط كويس (ولو إني أستبعد الاحتمال ده لإن الضغوط بتبقى عالية قوي).

الأهم دلوقتي إنك لازم تاخد بالك من مستوى الزيت كويس جدا... علشان لو الزيت نقص جامد الطلمبة هتتحرق.. وهيفضل فيها صوت "ونّة" مش بتروح.. ده غير ضعف الباور طبعا.

...

**bongorno** · 04-11-2014 10:50 PM

المشاركة الأصلية كتبت بواسطة mmw100100

شوف يا باشا انا كان عندى نفس الموضوع بينقط و معرفش منين روحت لواحد فى شارع شمبليون متخصص فى الباور و طلع فى الاخر زى ما الزمالاء قالو oil seals بتاعت rack .
المشكلة لازم تروحلة بدرى علشان هيفك الـــrack كلة

المركز الهندسى للدركسيون
ربان فوزى حجاب (الاطرش)
29 شارع شمبليون داخل الممر-قصر النيل -25756199

شكرا علي ردك كنت عايز اعرف الموضوع كلف قد ايه تقريبا فلوس ووقت ؟؟؟؟

**bongorno** · 04-11-2014 10:54 PM

شكرا لكل الاساتذة اللي افادوني برايهم وبردودهم

**mmw100100** · 05-11-2014 01:53 PM

المشاركة الأصلية كتبت بواسطة bongorno

شكرا علي ردك كنت عايز اعرف الموضوع كلف قد ايه تقريبا فلوس ووقت ؟؟؟؟

والله مش متذكر اوى بس تقريبا 300 او 400 و بيديك ضمان, الوقت كان كتير حوالى 5 ساعات انا فاكر سيبت العربية الصبح كدة ورجعت على الساعة 6 مساء كان بيقفل فيها