دعوة لانشاء قسم ( بنك الافكار ) بالمنتدى .... رأي المشرفين و الاعضاء ؟
الســلام عليكم و رحمة الله وبركاته
انظلاقا من الموضوع ده :
لحد امتى هانفضل عايشين المسرحية المجتمعية الاجتماعية الهزلية دى !!
اللى كان غرضه اخراج شحنة الغضب و الكبت اللى البلد بتزودها يوم بعد يوم
ثـــــــــــــم
فى الصفحة رقم 2 كتبت البوست ده :
اقتباس:
المشاركة الأصلية كتبت بواسطة Ladawy
اعتبرونى حالم شوية ،، و امشوا مع اقتراحى للآخر
احنا نعمل قسم ،يبقى اسمه بنك الافكار
كل واحد يعمل فيه مواضيع بالافكار اللى فى باله و ممكت يتم دراستها و رفعها للمختصين ،،
و نفضل شهر ، نتناقش فى كل الافكار المطروحة داخل مواضيعها ...
و بعدها نعمل استفتاء للفكرة اللى هايتم تبنيها و نفضل شهر بعدها نتناقش الفكرة دى كلنا . ( يكون القسم فيها مغلق لتلقى افكار جديدة )
فى الشهر دا نكون توصلنا للشكل النهائى ليها ،،
مع العلم بإننا هانحتاج نعمل استفتاءات ميدانية ، و الاستعانة بناس فى المجال .. خبراء ... كل ما تحتاجه الفكرة للنجاح
بعدها نتقدم بالفكرة دى للجهة المسئولة ،، و نتكاتف لحد ما نوصل فيها لنتيجة
الافكار اللى فى بالى مثلا زى :
- وضع مادة فى منهج الثانوية لمساعدة على اختيار الكلية و التعريف بالكليات و الارشاد التنموى عامتا
- تخفيض سن المعاش إلى 55 سنة ، الصحة عند المصريين عموما فى النازل ، و الناس الكبيرة فى المناصب الحكومية بتضر اكتر من الافادة
- وقف توظيف البنات فى الوظائف الحكومية إلا إذا كان المنصب متطلب سيدة و ليس رجل فيه
- اعادة هيكلة كاملة للكليات فى مصر ، مش معقول اللى مايلحقش هندسة يدخل تجارة ، و اللى مايلحقش السن يدخل تجارة ، و اللى مالوش هدف يدخل تجارة ، و اللى معدى من قدام تجارة يدخل تجارة ... الخ !
دى افكار سريعة ، مجرد بذرة للفكرة ، مع المناقشة و السؤال نطلع منها مشروع مكتمل ، أو ممكن نكتشف انها لا تصلح و نلغيها .
و فىه فى بالى برضه افكار اكتر مخصص برضه خاصة بالشغل اللى انا فيه ، برضه هابقى اطرحها باستفاضة فى حالة اعتماد الفكرة .
رأيكم ايه ؟؟
بس لإنه فى الصفحة التانية فـ ماوصلش لكتير من الناس ،،
فقولت اعمله صفحة مستقلة ، و خصوصا انى مالقتش تعقيب من المشرفين على الموضوع ده
فى انتظار آرائكم