الخبر المنتظر نزول الـ l3 اتوماتيك

**ابو ياسمين** · 29-08-2014 09:43 AM

المشاركة الأصلية كتبت بواسطة دكتور خالد

شكلها عربية جامدة ما شاء الله ... يا رب بس يكون الفتيس الاتوماتيك مفيهوش عيوب

الفيتيس الأوتوماتيك فى السيارة L3 هو نفسة المستخدم فى جميع موديلات BYD الأخرى حتى اعلى مستوياتها

وهذا دليل على ثقة الشركة فى هذا الفتيس

الفيتيس DCT
6 نقلات امامية + واحدة خلفية ويعمل اوتوماتيك او مانيوال

**Brightone** · 29-08-2014 11:57 AM

ممكن مواصفات العربيه مع الفرق مع f3 الاتوماتيك

**M_HaFeZ** · 29-08-2014 12:10 PM

المشاركة الأصلية كتبت بواسطة Brightone

ممكن مواصفات العربيه مع الفرق مع f3 الاتوماتيك

خش الموضوع ده هتلاقى كل اللى محتاجه

**hossam165** · 29-08-2014 02:21 PM

المشاركة الأصلية كتبت بواسطة peter magdy

شكرا على الاخبار الحلوة
لكن بالنسبة لباقى الالوان
و مبروك مقدما للى هيشتروها

اولا ازيك يا بيتر عامل ايه
حسب اقوال مسؤل البيع في الفرع باقي الالوان ستتوفر خلال اسبوع ان شاء الله

**dedi** · 01-09-2014 01:51 PM

المشاركة الأصلية كتبت بواسطة eltenin

اخيرااااااااااااااا

انا من يوم ما نزل موضوع ان المانيوال بدأ يتوفر فى شركة الامل وانا لغيت فكرة شراء f3 automatic

ومستنيها بفارغ الصبر

حاعمل تليفون بكرة ان شاء الله واحجز اللون النبيتى

واول ما استلمها حاصور كل حتة فيها واعمل تقرير شامل ان شاء الله عن كل حاجة فيها

تسلم على الخبر الحلو اوى ده

مبروك مقدما و فى انتظار تقارير بكل حتة فيها

**ELTenin** · 01-09-2014 03:31 PM

المشاركة الأصلية كتبت بواسطة dedi

مبروك مقدما و فى انتظار تقارير بكل حتة فيها

الف شكر :)

قريب جدا ان شاء الله

**ehabpopo** · 01-09-2014 06:39 PM

شكرا ليك على المعلومات الحلوة دى يا حسام .... والشكر كل الشكر لأبو ياسمين اللى دايما يتفاعل مع اى موضوع سواء بالصور او بالمعلومات القيمة .... اللى بيستفاد منها كل الناس

**Ahmed_BYD_F0** · 03-09-2014 04:48 PM

مشكور اخى العزيز على الخبر الهائل ده
ومتابع معاك كل ما هو جديد عن هذه السيارة
وان شاء الله قريب حروح توكيل القطامية علشان صيانة الـ 10000 كيلو
ولو شوفتها هناك ححاول اصورها وانزل صورها فى المنتدى لو سمحلى المعرض هناك

**khaledhadi** · 08-09-2014 10:51 PM

السلام عليكم
اليوم ذهبت الي وكيل بي واي دي في الكويت لاتفرج علي السياره لاني بصراحه سامع عنها و بفكر اشتريها في مصر بعد اسبوعين خلال اجازه العيد الكبير
بصراحه السياره عجبتني جدا و تقفيلها جيد و صدقوني انا كنت باتفرج عليها و انا لسه خارج من معرض ميتسوبيشي و كنت باتفرج علي الشارج
والله التقفيل و جوده الخامات تضاهي او تزيد الشارك
الكراسي جلد طبيعي فتحة سقف اوتوماتيك صاج محترم و دهان جيد و واسعه جدا كصالون و شنطه و ارتفاع عن الارض
اللي موجود هنا النيو اف 3 بفتحة السقف ب 3250 دينار و ممكن الفصال و تاخدها ب 3100
و بدون فتحه تصل بعد الفصال الي 2800 دينار
و فيه ال اف 3 العاديه ايضا فتحة سقف و جلد و اوتو سعرها تقريبا 2600

سؤالي --- هل ال اف 3 نيو او (ما تسمي في مصر ب الاي 3) موجوده اوتو و فتحة سقف و لا لا و هل تنصحو باني اشتريها من هنا و اجمركها (سعرها تقريبا بعد تحويل الدينار حوالي 75 الف جنيه و جمرك هيكون حوالي 40 الف او اقل بحاجه بسيطه)يعني اجمالا حوالي 115 بعد احتساب البقشيش و الاتاوات اللازمه لانجاز المهام امام الشبابيك ذات الاسياخ الحديديه
و هل التقفيل المصري جيد و لا تقفيل الخواجه الصيني

و هل الكراسي الجلد الطبيعي و فتحة السقف تستاهل الفرق في السعر و التعب و التضحيه بالضمان

ارجو اراء الاخوة الافاضل و لكم جزيل الشكر

يا ريت لو حد يديني معلومه اكيده لاني نازل الاسبوع الاخير من سبتمبر و عايز اخد قرار

اترككم الان مع بعض الصور التي التقطتها في المعرض

https://drive.google.com/open?id=0B3...MWc&authuser=0