رقم العضوية : 161065
تاريخ التسجيل : 04Jun2014
المشاركات : 41
النوع : ذكر
الاقامة : القاهرة
السيارة: الحمد لله على كل حال
السيارة[2]: 127 super fura GL
الحالة :
الحمد لله رب العالمين انا جبت 127 والعربية موديل 86 وكويسة جدا
صوت الموتور ناعم ومفيش دخنة ولا اى كركبة فى العربية وبتشتغل كويس ومفيش دخنة ولا حاجة
المهم كانت ماشية على تلات بوجيهات ووديتها لميكانيكى منه لله ركبلى بوجيهات صينى مقعدتش معايا يوم وفكلى الفرامل وشدلى سلك العدادات ودة علشان ابقى زبون دايم عنده
المهم العربية لما جبتها كانت الكهرباء بتاعتها كويسة اوى والعدادات شغالة وروحت صلحتها واكتشفت ان الميكانيكى كان بينصب عليا وشدلى سلك العدادات عن قصد
المهم لما قررت اقاطعه روحت لميكانيكى تانى وهو كان تاجر عربيات
المهم اول ما شاف العربية ظبطلى البوجيهات والعربية بقة سحبها حلو وربطلى الفرامل
والاخر اتصدمت انه بيقولى الموتور بتاعها خفيف وانت اتضحك عليك فيها وانى لازم اتعلم السواقة واخلص منها باى سعر حتى لو خسارة !!!!!!!وقالى هيجيبلى 27 تانية!!
طبعا انا اتصدمت والعربية جبتها ب 11 والموتور بتاعها كويس
والاخر انا قلقت منه بصراحة مع انه مصدر الثقة الوحيد
الغريب بقى ان الفايظ بتاع الموتور اللى متوصل من غطا الموتور لحد تحت العربية مفيهوش دخان ولا اى حاجة ومش متوسخ
والشكمان كويس ومش بيطلع دخان خالص مع انه بيقولى انه كان فاكك صامولتين عشان العربية تطلع دخان من تحت
والغريبة انه لما ظبطلى التكيهات بتاعت الموتور وكان فاتحه ودورت مطلعش حتى دخان ولو لجزء من ثانية
وصوت الموتور كويس اوى وهادى خصوصا لما عمل التكيهات والسحب بتاعها كويس والكونتاك بتفتح بسم الله ماشاء الله من غير اى تعطيل الا لما تبقى العربية باردة بس بتعصلج شوية
ف انا دلوقتى يا جماعة خايف اديله العربية تانى يبوظهالى او خايف ليكون بينصب عليا عشان ابيعها ويتنصب عليا فيها تانى
واخاف تحصل حاجة ف العربية اوديهاله تانى ف ياريت تقولولى الراجل دة كلامه صح ولا غلط مع ان فيه اكتر من 4 قالوا الماتور كويس ويسافر ويروح فى اى حتة
وانا اسف على الاطالة والله ملقتش غيركو اسالكوا لانى فعلا احترت وحسيت من كلامه انه بيحور عليا
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
نصابين
مفيش كلام
شوف ميكانيكي محترم وامين عن طريق حد من معارفك
وان كان غالبيتهم مفيش عندهم ضمير الا القليل
عايز يبيعك العربيه علشان يشتري ليك عربيه تانيه
27 عربيه ممتازه وبسيطه في صيانتها وافضل من ال28 بمراحل
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
المفضلات