الموضوع: تجربتى وتقييمى لنيسان قشقاى 2014

متابع و ألف مبروك و العربية دي شخصيا أنا بحبها مع انها مش أحسن حاجه يمكن لأنها تقفيل انجليزي و أنا طول عمري بحترم الحاجات الانجليزي.

أنا افتكرتك سافرت .. فاكر ضابط الشرطة اللي شيلت الاسود من على نمرة عربيته؟ :-)

شكرا لمتابعتكم ..

المهم ...

العربية فى المعرض كانت حلوة قوى ، أجمل من سوبارو فى نظرى بكتير ، وربنا رزقنا بمندوب إسمه أ/ وليد رائع بمعنى الكلمة ، وقف معانا شرح لنا كل حاجة فى العربية بكل صبر وذوق حتى إنه جاب لى المفتاح ودعانى للدخول وتشغيلها (فى مكانها طبعا :)) .. ورغم إنها مانيول (وأنا بحب المانيوال لكن كنت عايز أغير لأوتوماتك) إلا إنهم أضافوا ليها كماليات ممتازة هى فرش جلد ممتاز وكاميراا وباركنج وشاشة دى فى دى ببلوتوث وجى بى إس وشاشتين فى المخادع ..

خدت وقتى هناك وخرجت لنيسان رينو وشفت رينو داستر .. جميلة وسعرها مناسب .. 140 ألف للدفع الأمامى و 150 ألف للدفع الرباعى ، شنطة فسييييحة جدا ، ارتفاع مناسب جدا عن الأرض ، مانيوال فقط ، شكل جذاب (لكن قشقاى أجمل ) ، فانوسها كأنه باغ أو بلاستك ردئ .. سئ جدا ، الله يسامحه شنورى عقدنى من علامة الرينو لإنه شبهها مرة بحاجة قبيحة من ساعتها مش قادر ألغى الارتباط بين العلامة واللى قاله .. مش جايبها!


طبعا قبل ما أنزل عملت عشرات المكالمات لكل المعارض والتوكيلات وعرفت ان قشقاى خلاص الموديل ده بيشطب ونازل 2015 بعد شهر أو شهرين .. لكنه نازل 1200 تربو يعنى هيعوز بنزين 95 علشان يطلع الحصان بتاعه وإلا هيبقى 1200 عادى على العربية الكبيرة دى! وكمان قريت كاتالوجها الانجليزى لانها نزلت من سنة على الأقل فى الخارج لقيتها مانيوال برضه ومافيش اتوماتك .. وطبعا أغلى وشكل مختلف..
القشقاى يابانى تقفيل انجليزى .. بلد المنشأ انجلترا ، تصميم برضه انجليزى ، شكل رائع وتوكيلات ومراكز خدمة كثير ، قطع غيارها الأصلية غالية فعلا بالذات الكوبلن المعجزة اللى ب 17 ألف جنيه! راس الكوبلن وحدها ب 4700 على ما أذكر :) ..

المهم روحت أفكر (وطبعا كنت مصلى استخارة قبل ما أنزل أساسا) ... وحسمت المقارنة لقشقاى.

يتبع...

اشتريت من السبع ، بعت لهم مقدم بتحويل على حسابهم وبعدين نزلت لهم بعد كام يوم أخدت العربية ..

طبعا ركوب عربية عالية كبيرة لأول مرة وسط أدغال القاهرة شئ مرعب وأنا بتوه أساسا فى مصر بكل سهولة ..
مش واخد على أبعاد العربية بس هى مساعدانى بدركسيونها الخفيف جدا جدا ..
العربية بتشتغل بدون مفتاح ، فقط يكون معاك الريموت فى جيبك وتلف الكونتاكت البارز بدون ادخال مفتاح (وبرضه ممكن تستخدم المفتاح لو عايز)

العربية سحبها قوى جدا ماشاء الله بدرجة محسوسة .. دوسة بنزين بسيطة تجرى بسرعة جدا .. أسهل شئ إنى أخطى وأسبق أى عربية قدامى بمسافة .. الفرامل قوية وسريعة ماشاء الله ..
ثابتة رغم ارتفاعها ، البانوراما اللى فى السقف ظريفة لكن خايف جدا تتكسر من الكائنات اللى بترمى حاجات من البلكونات (سعرها فى التوكيل 15 ألف جنيه !) ، كمبيوتر الرحلات معقول ، تكييف ماشاء الله قوى جدا ومروحته وبرودته أقوى من اللانسر اللى هو قوى أصلا ...

إضافة الجى بى اس والبلوتوث والكميرا الخلفية إضافة هامة جدا ورائعة ، تتكلم فى التليفون من غير ما تمسكه دى ميزة كبيرة جدا والرد بدوسة على زرار فى الطارة ..

الشنطة مش بتفتح من الداخل .. يعنى سيادتك لو مش مسوجر الشنطة ممكن أى حد يفتحها وانت واقف فى اشارة مثلا ويشيل ويمشى ..
الاستبن جنط عادى مش اسبور ..
لا يوجد جهاز انذار
درج التابلوه فى المواصفات انه تلاجه لكنه عادى باضاءة فقط.

مش مهم أنزل لكم صور ما الصور على النت فى كل مكان ..
أخيرا عن السعر .. طبعا آخر كام عربية فى مصر غليو جدا .. يعنى الأتوماتك سعرها الرسمى 190 ألف .. وصل ل 223 ألف! ، المانيوال 175 ووصل ل 185 لعدم الاقبال .. أو لحظى ونصيبى الحمد لله والشكر لله ..
غالبا اللى هيسأل عنها دلوقت مش هيلاقى أو يلاقى ب 225 ألف مثلا ..

لو حد عايز يستفسر عن شئ يتفضل. .

الله يبارك لك فيها ويعطيك خيرها ويبعد عنك شرها
قــشــقـــــــاي
خاطفة قلبي
احببتها من اول نظرة العربية الوحيدة اللي كنت مستحيل امشي امامها دائما ما كنت ادعها تمر ثم امشي خلفها مهما كان قائدها متمهل
كنت اوفر نقودي حتى اكمل مهرها لانها بالنسبة لي عربية العمر حتى اكتمل مهرها
ذهبت الى اوتو ايجبت بعد بيع سيارتى السابقة المحترمة جدا النتراhd 2011 ببضع دقائق لاطلب ود القشقاي

لاااااااااااااااااااااااا ااااااااااااا مش ممكن يعني اية بعد طول العذاب ما فيش
ممكن تلاقي عند المعارض
جريت زي المجنون الذي يفقد صوابه ممكن هنا او هنا لا اكيد هنا
اخيرا وجدها امامي حمراء هادئة متوهجة كالعروس يوم زفافها دخلت بسرعة لا شك عندي ان البائع لمح اللهفة في عيوني بابتسامتة الخبيثة عايز القشقاي؟ لم استطع الرد فحركت راسي علامة الموافقة
218.000 جنيه
28.000 جنية فرق لاتعليق
شهر مضى و مازال المهر فى جيبي لا استطيع ان اضعه فى اي سيارة اخرى
اخيرا اوصيك بها خيرا فهي عروس من بيت اصيل(نيسان)اتية من بلد عريق(انجلترا)
تحياتى و تمنياتي ان يبعد الله عنكما كل شر